A xornada matinal do Galicia en Goles estivo centrada no encontro que o Deportivo Abanca foi quen de empatar ante o Atlético de Madrid na primeira división feminina. Peor sorte correu o Ourense CF, que caeu por un a tres ante o Castilla. Na 3ª RFEF houbo tres encontros, con vitorias de Céltiga, Viveiro e Rácing Vilalbés

Non quedou un mal sábado para o deporte galego. As mellores novas chegaron no polideportivo, cos triunfos de Breogán en Zaragoza, o primeiro do curso, e a sorpresiva vitoria do Cangas en Torrelavega.

No fútbol da federación, o Rácing mallou no Arenas, o Pontevedra salvou un punto en Pasarón ante o Osasuna Promesas, e no derbi do Anxo Carro, que gañou CD Lugo ante o Fortuna.

No Galicia en Goles deste venres contaron o pleno de triunfos do Leyma Básquet Coruña na 1ª FEB. Os coruñeses venceron 91 a 75 ante o Palmer. Asimesmo Roberto Carlos Carballo e o resto do equipo de deportes da Radio Galega analizaron a previa da fin de semana deportiva galega.

A pesar da derrota os coruñeses seguen en postos de ascenso directo, segundos empatados a puntos co Rácing de Santander, o seu vindeiro rival. No derbi galego da 2ª RFEF o Bergantiños asaltou ao Coruxo no Vao e na Liga ACB o Breogán sufriu a segunda derrota da temporada logo de perder no Pazo por 90 a 113 ante Valencia.

Houbo unha de cal e outra de area para os equipos galegos da 1ª RFEF nesta mañá de domingo. O Rácing de Ferrol remontou en Tajonar para acabar vencendo ao Osasuna B por un gol a dous. Pola contra o Pontevedra caeu no Alfredo Di Stefano pola mínima. No único partido da 3ª RFEF, o Cambados estreou o casilleiro de triunfos derrotando en Burgáns ao Viveiro

Barreiro rexistrou un empate a cero goles no derbi entre Fortuna e Ourense CF, mesmo resultado que colleitou o Lugo en Getxo. Na 2ª RFEF o Fabril segue invicto, a UD Ourense empatou en Cantabria e a Sarriana caeu en Salamanca. No fútbol feminino o Abanca empatou en Riazor e segue sen despegar. O polideportivo foi o que deparou a maior ledicia coa dobre vitoria galega, in extremis de Parrulo e Noia ante dous dos galiños da competición: Palma e Cartaxena respectivamente.

O Galicia en Goles contou a primeira vitoria do Obradoiro na 1ª FEB, na cancha de Guipúscoa, con prórroga incluída.

Asimesmo houbo tempo para escoitar as voces máis importantes da previa deportiva desta fin de semana.

Inclúe o partido en Balaídos co empate do Celta e un gol de Iago Aspas, que segue conseguindo récords, desta volta igualar os 533 partidos coa camisola celeste, á par do histórico Manolete