O Galicia en Goles que comezou as 13:45 deste sábado tivo de todo. Contouse a primeira vitoria da temporada do Rácing de Ferrol, pola mínima ante o Elx. Tamén por un único tanto, de Borja Iglesias, gañou o Celta en Las Palmas, nun partido marcado polas dúas expulsións en bando olívico. No fútbol da federación houbo derrotas de Celta Fortuna e Arenteiro e empate do Ourense CF. E no baloncesto houbo que lamentar a suspensión do Breogán Tenerife da Liga ACB por problemas de condensación no Pazo Provincial dos Deportes de Lugo.

O Porriño deu un paso importante para continuar vivo na European Cup de balonmán feminino tras golear ao Sudtirol por 21 a 36 no encontro de ida. No Galicia en Goles contaron o encontro e falaron cos protagonistas no post partido. Ademais, como cada venres, houbo unha completa previa da fin de semana deportiva galega.

O Galicia en Goles viviu outro domingo sen descanso. Dende as 11:45 ata a medianoite contou o empate do Celta en Balaídos ante o Xirona, a derrota do Rácing de Ferrol en Córdoba e a xornada no fútbol da federación, onde destaca o primeiro triunfo do Celta Fortuna e outro máis do Arenteiro. No polideportivo, ademáis do título mundial de Jorge Prado no motocross, tivo protagonismo o arrinque da Liga ACB coa gran sorpresa no Coliseum, a vitoria dfo Básquet Coruña ante o Real Madrid. O outro conxunto galego, o Breogán, caeu en Bilbao.

O Coruxo caeu no Vao ante o Salamanca nun encontro de alternativas. Tampouco puido coñecer a vitoria do Deportivo Feminino, que empatou a dous co Athletic de Bilbao en Riazor. E na 1ª Federación de baloncesto, malleira do COB na primeira xornada ante o Cartagena no Paco Paz.

Tivo que agardar á sétima xornada de Liga para vencer lonxe de Riazor o conxunto coruñés. E fíxoo cun puñado na mesa, anotando cinco goles, dous máis dos que levaba no resto das anteriores xornadas. Yeremay e Mella, con sendos dobretes, e Cristian Herrera foron os goleadores dun partido que rematou 2 a 5 e que lle permite aos de Idiakez recuperar o sorriso e cambiar a dinámica negativa coa que chegaban a Albacete.

O Atlético de Madrid apenas tivo dúas ocasións e o gol no suspiro final non fixo xustiza ao que fixeron os de Claudio Xiráldez, que volveu contar con moitos dos xogadores do Celta Fortuna que dirixida en Primeira Federación.

Tres saídas a domicilio e tres derrotas. É a bagaxe do RC Celta esta temporada. Este domingo o Athletic de Bilbao foi o seu verdugo, derrotándoo por tres tantos a un. Na 1ª RFEF a gran nova chegou no Toralín coa vitoria do Arenteiro 1 a 2 ante a Ponferradina. Pola súa banda o Lugo caeu en Zubieta. E no polideportivo o Cangas perdeu ante o Logroño no regreso da Asobal ao Gatañal e o Breogán venceu ao Básquet Coruña na final da Copa Galicia de baloncesto.

Resultados dispares para os conxuntos galegos na xornada matinal do domingo. O Ourense CF caeu na visita ao Amorebieta a pesar de dispor dun penalti a favor con empate a cero. Tamén perdeu o Compostela, cero a dous no Vero Boquete ante o Langreo . A única boa nova chegou no Pepe Quimerán, con vitoria do Coruxo ante o Llarena, remontando nos últimos minutos de encontro.

Non foi unha boa xornada para os equipos galegos de fútbol. O Rácing de Ferrol segue sen gañar esta temporada tras caer 1 a 4 na Malata ante o Albacete. Tamén segue con malas sensacións o Deportivo que perdeu ante o Burgos por cero a dous. No fútbol da Federación o Celta Fortuna non pasou do empate a cero en Balaídos ante o Unionistas mentres que o Bergantiños rabuñou un empate na visita do líder ás Eiroas.

O Galicia en Goles deste venres estivo centrado no Pazo Provincial dos Deportes de Lugo. Alí disputáronse as dúas semifinais da Copa Galicia de baloncesto masculino sen sorpresas. Gañaron os dous equipos ACB, o Básquet Coruña eliminando ao Obradoiro e o Breogán facendo o propio co COB. Asimesmo na última hora analizouse detalladamente o que será a xornada deportiva galega desta fin de semana.