O Galicia en Goles deste domingo foi unha maratón que ocupou case doce horas de programación. Nelas contouse o empate a un do Celta ante o Xirona en Balaídos, o cuarto consecutivo do conxunto dirixido por Claudio Giráldez, que non sabe aínda o que é gañar esta temporada. No fútbol da federación as boas novas chegaron da man do Rácing de Ferrol, que derrotou á Ponferradina, e do Arenteiro, que gañou a domicilio ante o Cacereño. Pola contra o Pontevedra perdeu en Pasarón ante o Tenerife, o Ourense CF tamén caeu coma local ante o Talavera e o Lugo en Zamora. No polideportivo destaca a última etapa da Volta a Galicia de ciclismo e a derrota do Cangas no Gatañal ante o Ademar León.

Non quedou un mal sábado nun Galicia en Goles que arrincaba coa malleira do Deportivo na súa visita ao Mirándes e continuaba con outra vitoria galega a domicilio, a do Celta Fortuna en Mérida. O resto da xornada galega na 3ª RFEF e toda a cobertura do polideportivo completaron a oferta informativa sabatina.

COB - Bilabo Basket. Pozo Murcia - Noia. Fútbol. Ciclismo. Motor. Presenta Pedro Pablo Alonso

A tarde non comezou ben para os equipos galegos da 1ª RFEF coa derrota do Fortuna na casa ante o Guadalajara. O Ourense CF empatou en Tajonar e a mellor nova chegou no Carballiño coa primeira vitoria do Arenteiro esta temporada. No Galicia en Goles tamén contaron a xornada inaugural da 2ª e 3ª RFEF antes de centrarse na goleada de España ante Turquía por cero a seis. No polideportivo, ademáis de falar con padexeiras galegas campioas do mundo, contaron a Supercopa e Copa Galicia de balonmán dende Fontecarmoa.

No primeiro Galicia en Goles matinal desta temporada o Fabril goleou ao Burgos Promesas por tres tantos a cero. Na 3ª RFEF o Barbadás asaltou Cantarrana e na Madalena o Alondras derrotou cero a dous ao Vilalbés. Tamén houbo conexións con Monforte, na liña de meta da etapa de La Vuelta Ciclista a España, que chega a Galicia para afrontar a última semana de competición.

No primeiro Galicia en Goles sabatino da nova temporada, O Deportivo conseguiu unha agónica vitoria sobre o Sporting en Riazor. Na 1ª RFEF houbo de todo, triunfo no Toralín do Pontevedra, empate do Lugo no Anxo Carro ante o Avilés e na 2ª RFEF a derrota do Sarriana na súa estrea ante o Vetusta. No polideportivo destacou aa emocionante final, con pórroga incluída, da Copa Galicia de Baloncesto, co Breogán coma vencedor ante Obradoiro.

Copa Galicia con Alfonso e Miguel Álvarez.. Breogán - COB. Obradoiro - Basquet Coruña. Parrulo - Alzira con Fer Romero. Previa do Depor - Sporting. Previa da xornada da Primeira RFEF. Piragüismo. Rallys. Ciclismo. Presenta Roberto Carlos Carballo. Marcadores e redes: Iago Gayoso.

Na edición informativa deste mediodía Víctor López ofreceu a última hora do Celta antes de enfrontarse ao Villarreal. Tamén emitiron a roda de prensa de Pablo López e a comparecencia en zona mixta de Leal, trala vitoria do Rácing ante o Talavera. O Breogán tamén tivo o seu primeiro amigable, con vitoria ante o Porto.