Amigos! Este programa ten centos e hoxe cóntannos que representa para eles a amistade, como a coidan para que perdure, como distinguen a verdadeira dunha ocasional ou de conveniencia.

Disque os sicólogos atenden cada vez máis persoas afectadas diso que chamamos "mal de amores". Todo o mundo coñece o caso de alguén a quen unha ruptura sentimental sumiu nun estado de depresión. Diso falamos e tamén abrimos debate sobre a decisión do goberno galego de prohibir a venda de vapeadores e bebidas enerxéticas aos menores.

Hai vodas hoxe en dia que duran varias xornadas e que son organizadas por empresas ata o último detalle. Nada que ver con aquelas que se celebraban na casa so coa familia máis cercana. Falamos das enormes diferencias entre aqueles eventos e algúns que vemos agora e recollemos anécdotas vividas polos nosos oíntes en vodas ás que asistiron.

Falamos de noites que marcaron as nosas vidas, para ben ou para mal. Lembramos sucesos que nos quedaron gravados porque ocorreu algo marabilloso; noites de amor ou celebración. E tamén evocamos noites que queremos borrar da memoria porrque supuxeron unha mala experiencia.

Lembramos oficios que desapareceron ou que están en vías de extinción: vidreiros, zapateiros, porteiros de edificios... Botámolos en falta? E ademais, na véspera do Día de Galicia falamos das festas populares que salpican neste tempo todo o país.

O verán é tempo de paparotas cos amigos. Como as organizamos? Apandan sempre os mesmos? A quen lle toca cociñar? Somos máis de sardiñas ou de churrasco? en casa ou nun restaurante? Como se organizaban antes estes encontros?

Un brután estragou días atrás o cruceiro de Hío nunha noite de troula. Un "descerebrado", en definición de Toño, que convida aos oíntes a lembrar outros episodiocs de vandalismo que remataran na destrucción de patrimonio público. Ademais preguntámonos se é certo que o verán é a estación do ano que proporciona máis felicidade.

Un raposo visita a diario unha instalación de eco-cabanas na Pobra do Caramiñal. Algún dos nosos oíntes recibiu tamén a visita inesperada dun animal salvaxe de forma recorrente? Como reaccionou? E falando de visitas non agardadas, como recibimos aos que chegan á nosa casa sen anunciarse? ou como lle facemos entender a un convidado que xa é hora de que se vaia?