Galicia é a comunidade na que máis pan se consume por cabeza. Falamos de pan, do que agora se fai e do que se elaboraba antes, incluso nos fornos comunitarios. Cren os oíntes que é moi diferente?. Falamos dos panadeiros que aínda reparten o produto casa por casa e pedimos tamén receitas desas sobremesas que máis nos saben.

Un bar de Láncara sortea un remolque de cervexas. Falamos de sorteos curiosos como ese no que o premio eran uns burros ou no que se pon en xogo un vello coche catro latas. Ademais os oíntes contan os rituais que seguen para participar en xogos de azar.

O 16 de xullo é día de celebración nas vilas mariñeiras. Os oíntes cóntannos como se celebra a festa dos traballadores do mar. Coa súa axuda sabemos onde se conserva mellor a tradición, como evolucionou esta festividade, escoitamos anécdotas e coñecemos que actividades están programadas este día nalgúns puntos da nosa xeografía.