Es isch wieder Super League Ziit! Nachere churze Winterpause mit vill Action besprechemer d Gschehnis während de Pause: Mitem Uli Forte und em Steven Zuber sind zwei Altbekannti Gsichter zrugg im Kanton – und GC sorgt mitem Transfer vom Jungstar Irankunda vode Bayern für Ufsehe. Zuedem wie immer de Usblick uf die nechste Spiel: Wie sicher oder ebe unsicher sind sich de David und de Tim wenns um de Abstieg gaht? Wo gseht de Raphi sin FCZ am Endi vode Saison?

Super League Fussball – Jede Dsiistig 12 Uhr.

Winti ladt de FCL ufe Schlammschlacht uf de Schützi ih – leider mit em bessere Ergebnis für d Innerschwiizer. GC landet en Coup und günnt in Basel, Stadtrival FCZ isch wiiter im Sinkflug und verlürt au dihei gege de FC St. Galle. Und es triibt sich neu en Verräter in Züri ume...

FC Winterthur - FC Luzern 4:26

FC Basel - Grasshopper Club Zürich 20:48

FC Zürich - FC St. Gallen 38:08

Fussball Super League – Jede Dsiistig 12 Uhr.

Cup und Liga im Doppelpack: GC isch d Derby-Revanche nöd glückt und de FCZ zieht in Viertelfinal – det warted uf jede Fall nöd Winti nachere Klatsche dihei gege Lausanne. Wie guet s Team vom Magnin isch, het denn au de FCZ ide Liga müese gspüre. Währendesse holt sich Winti en wichtige Punkt in Genf und GC en enttüschende im Chellerduell gege Yverdon.

S erste vo zwei Zürcher Stadtderby isch gspillt – weder s Zeigte ufem Feld no uf de Räng isch derbywürdig gsi, defür hets rundume vill z bespräche ge. Oder wie de Moniz und de Abrashi findet: «Ein Skandal!». Am Sunntig het Winti nachere Disasterclass vom Captain Lekaj geg Sion verlore und isch gmeinsam mit GC im Tal der Tränen.

5:00 – Prolog: Derby in Züri
30:16 – FC Zürich - Grasshopper Club Zürich
43:34 – FC Winterthur - FC Sion

Fussball Super League. Jede Dsiistig 12 Uhr.

Nach de Natipause trifft Winti im Letzi zum Chellerderby uf GC mit neuem Trainer – und altbekanntem Unvermöge. Am Sunntig isch de FCZ zum wohl letzte Spitzespiel uf absehbari Ziit is Tessin greist und mit 4 Gegegoal und ere rote Charte wieder zrugg in Züri acho.

Grasshopper Club Zürich - FC Winterthur (4:16)
FC Lugano - FC Zürich (35:31)

Super League Fussball. Jede Dsiistig 12 Uhr.

Während de Natipause schnurred de Raphi und de Tim über Erwiiterige vode Südkurve und vode Trainer-Wunschliste bi GC. Wildi Spekulatione treffed uf ernüchterndi Schwiizer Nati-Reviews – garniert miteme Quäntli Nostalgie.

Fussball Super League. Jede Dsiistig 12 Uhr.

Winti holt dihei wichtigi Pünkt gege ihri Fründe us Lausanne und giht die roti Laterne a GC ab, wo au ohni Schälli punktlos blibt. De FCZ spielt wie gfühlt jedi Wuche es Spitzespiel und cha dank eme erkämpfte 1:1 in Genf d Leaderposition bhalte.

3:19 FC Winterthur – FC Lausanne-Sport
23:48 Grasshopper Club Zürich – FC St. Gallen 1879
44:12 FC Zürich – Servette FC

Fussball Super League. Jede Dsiistig 12 Uhr.

Ja, es gurkt. Nachdem sowohl Winti wie au GC unter de Wuche en wichtige Punkt gholt hend isches am Wucheend wieder düster worde. De FCZ gönnt sich im Wallis es Raclette miteme 2:0 Sieg als Biilag und het denn im Letzi de Meister YB empfange.

Fussball Super League. Jede Dsiistig 12 Uhr.

Rundi 11 isch gspillt und es isch e Kriisesitzig nötig: Winti het dihei vom FCB und em Shaqiri uf de Sack becho, GC het uswerts vo Lausanne und em Sanches uf de Sack becho, und zu guter Letzt het de FCZ im Letzi vo Servette und em Kutesa uf de Sack becho. D Gmüetslag isch entsprechend agspannt...

FC Winterthur - FC Basel 5:07

Lausanne Sport - GCZ 29:40

FCZ - Servette 44:25

Super League Fussball – Jede Dsiistig 12 Uhr

S erste Stadtderby vode Saison isch gspillt. De FCZ macht so wiiter wie bisher und holt mit wenig Ufwand maximale Ertrag. Glichziitig stürtzeds de Stadtrival GC wiiter id Kriise und d Hoppers gselled sich zum FC Winterthur in Tabellecheller. D Winterthurer selber lueged uf en triste Uftritt in Lausanne zrugg. All das und meh besprechemer ide hütige Folg.

Super League Fussball. Jede Dsiistig 12 Uhr.