Tutto Show

Wiit über 50‘000 Minute! Nöd, dass es öper vo eus so lang im Bett gschafft het, aber eusi Spotify-Zahle sind glich beihdruckend. Vom Sven sine Style-Sünde ide Sekundarschuel und welli Stimme am Raphi de ganz Tag zueredet - Chum mit uf die wildi Reis churz nachem 3. Geburtstag vo Tutto Show!

Ih dere Folg ghöreder Gschichte über eusi wildiste Träum, Abzocker am Flughafe und abentüürlichi Schuelweg. Usserdem het de Raphi wiedermal es Spieli mitbracht. Ahja…mir lönd auno no eh riese Bombe platze! Tutto Show het sin erste Merch! All Infos rund um euses Shirt finded ihr uf Insta.

Tutto Show isch zrugg mit de 40. Folg. Hüt ohni Sven, defür het de Nico de Weg wieder zu eus gfunde. Es gaht um viel Chäs, e bombastischi Bomberin UND: Mir beantwortet eui Community-Frage.

De Sven het es Spiel droppt, wo nöd nur für d’Trennig vode Tutto Boys sorgt, sondern au jede Kollegechreis wür zerstöre. E Folg inspiriert vo viel Hass und irgendwie het au no de 50 Cent e grösseri Rolle als denkt becho.

De Herbst isch cho, aber mier hocked glich no im T-Shirt und churze Hose da. Und leider ohni de Lele. Was de Sven zum Schwitze bringt, wenn‘s am Nico unwohl wird und wieso de Raphi sis Bett niemeh chönt zemebaue, ghörsch ide neuste Folg.

Und wenn das ame Mensch passiert wo suscht di personifizierti Fründlichkeit isch, denn wirds intressant. Ide hütige Folg redemer über d'Chilbi, verruckti Sportplatz-Storys und verzeled, wieso de Raphi bsoffe ufem Traktor ghockt isch.

Hüt nehmemer eu mit uf e kulinarischi Reis. Und das nöd nur will de Lele eus bechocht het, sondern will mier au über Sache redet, wo mer nöd chan esse, aber mier gern würet probiere. Hüt redemer wüki über alles und das im komplette Quartett.

Hüt hemmer in Bulgarie ad Bar bislet, eus über Autofahrer ufgregt und de schlechtisti Quizmaster vode Schwiiz bi eus ide Show. Los die Folg und verpass s Gwünnspiel uf Insta nöd!

De Nico isch vom Chraane gumpt, de Raphi go Paraglide und de Lele hasst d Street Parade. Wüssed ihr eigentlich, wo Silvester vor Wiehnachte chunnt? Ide neuste Folg erfahreder alles.

Summer-Ziit isch Festival-Ziit. Oder du fangsch eifach ah golfe? Willkomme zu de Summer-Show, wo du no viel meh findsch als nur de perfekti Chopf-Schutz für d‘Täg ide Sunne. Heiss wird’s au ide heissischte Rubrik: D‘Bomberin vode Wuche, wo‘s heissischte Chicken Nugget vode Welt gfunde het.