
Sign up to save your podcasts
Or


Silandela udaba oluthinta ukugcagcelwa kweSilo samaZulu uMisuzulu kanye nokuxoshwa kwaloyo
obeyisikhulumi sakhe, uMntwana uSimphiwe Zulu. ISilo siphinde sibhekane nesehlukaniso noNdlunkulu uKaMayisela
ofake isicelo esiphuthumayo enkantolo sokuvimba umshado noNdlunkulu uNomzamo Myeni. Lesicelo sizolalelwa
eNkantolo eNkulu eMgungundlovu namhlanje. Imizamo yokuthola uvo lwase Ndlunkulu ayiphumelelanga. Sixoxa no Sihle Mavuso oyintatheli e-The African Times.
#Ukhozifmvabs :Namhlanje sihalalisela u-Thobile Mncwango oneminyaka engu 35 ofeze iphupho lakhe lokuphasa u-matric. U-Thobile uthole o-A abane. Lentokazi yabuyela esikoleni ukuyofunda uGrade 11 ineminyaka engu 33 eMthombowesizwe High School kwa Nongoma eKZN.
#Ezwenisakhile :sithe namhlanje ake sibheke udaba lokuqhubeka nokushaywa kwezingane eyikoleni yize ngokomthetho lungasavumelekile loluhlobo lesijezo. Silandelela udaba oluthinta umfanyana oneminyaka eyishumi ongowase Mtubatuba eKZN nosola owayenguthisha wakhe ngokumshaya ngepayipi laplastiki esandleni okwaholela ekutheni afake ukhonkolo. Ngokuka gogo womntwana, lothisha ofundisa esikoleni samabanga aphansi waqala wavuma ukuthi umshayile umntwana waze waxolisa kodwa ngokuhamba kwesikhathi waliphika icala wathi umntwana uwe esihlahleni. Ugogo ukhala nangokuthi umntwana akasakwazi ukusebenizisa isihlakala emva kwalesehlakalo.
From the publisher's feed
Vee Mthembu and Mroza