Í þættinum segir Vilhelm Anton Jónsson. Vísinda-Villi, okkur frá bíómyndunum sem hann hefur leikið í og mikilvægi þess að vera alltaf forvitinn og hissa.

Umsjón: Sævar Helgi Bragason

Tónlistarsería Útvarps KrakkaRÚV. Rokk, rapp, klassík, jazz, popp og raftónlist...

Hvað er rapptónlist? Hvað er þá hip hop? Er það ekki sami hluturinn? Hvernig semur maður góðan texta? Hvað er hægt að rappa hratt? Hvað þýðir bar, freestyle eða að sagga? Hvernig hljóðfæri eru notuð í rappi?

Í þessum þætti fáum við svör við öllum þessum spurningum og hlustum á gott rapp.

Sérfræðingar þáttarins eru Jói Pé og Króli, rapparar

Hugleiðingar um rapp frá tónmenntanemendum í Ísakskóla.

Umsjón: Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Við segjum meðal annars frá leikriti þar sem áhorfendur ráða hvað gerist, heyrum af krökkum sem skrópuðu víða í Evrópu til að mótmæla, kíktum á Reykjavíkurleikana og fjölluðum um ný leikrit eftir ung og upprennandi leikskáld.

Umsjón:

Jóhannes Ólafsson

Í kvöld fjöllum við um leikhús, nánar tiltekið tvö ný íslenskt leikrit eftir ung leikskáld. Verkin þóttu skara fram úr á Sögum verðlaunahátíð barnanna í apríl í fyrra og verða sett upp af atvinnuleikhúsi. Það voru verkin Friðþjófur á geimflakki eftir Sunnu Stellu Stefánsdóttur, 7 ára og Tölvuvírusinn eftir Iðunni Ólöfu Berndsen, 11 ára.

Viðmælendur:

Iðunn Ólöf Berndsen, leikskáld

Sunna Stella Stefánsdóttir, leikskáld

Halldór Gylfason, leikstjóri og leikari

Anna María Tómasdóttir, leikari og búninga- og leikmyndahönnuður

Davíð Þór Katrínarson, leikari

Umsjón:

Jóhannes Ólafsson

Hvernig býr maður til lag eða bók? Vísinda Villi eða Villi Naglbítur segir okkur frá skapandi hugsun.

Viðmælandi: Vilhelm Anton Jónsson

Umsjón: Sævar Helgi Bragason

Tónlistarsería Útvarps KrakkaRÚV. Rokk, rapp, klassík, jazz, popp og raftónlist...

Hvað er raftónlist? Er hægt að gera tónlist án þess að snerta hljóðfæri? Hvað þýðir analog, digital og midi? Hvernig flytja raftónlistarmenn tónlistina sína á tónleikum? Er hægt að nota hvaða hljóð sem er í raftónlist?

Í þessum þætti fáum við svör við öllum þessum spurningum og hlustum á góða raftónlist.

Sérfræðingur þáttarins er Daði Freyr Pétursson, raftónlistarmaður

Hugleiðingar um raftónlist frá tónmenntanemendum í Ísakskóla.

Umsjón: Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Við segjum meðal annars frá vinsælustu leitarorðum í Google á Íslandi, endurskinsmerkjanotkun, hringjum Satúrnusar, Óskarstilnefningum, Brexit og almyrkva á tunglinu.

Umsjón:

Jóhannes Ólafsson

Bókaormaráð KrakkaRÚV er skipað 12 krökkum sem hafa lesið 14 bækur eftir mismunandi höfunda sem komu út fyrir síðustu jól. Þau undirbúa viðtöl um þær ásamt umsjónarmönnum KrakkaRÚV og úr verða skemmtileg og áhugaverð samtöl milli lesenda og höfunda.

Í þessum þætti verða tekin saman helstu umræðuefni tveggja viðtala. Sigurbjörg Danía Árnadóttir spjallar við Evu Rún Þorgeirsdóttur um bókina Lukka og hugmyndavélin - hætta í háloftunum og Ingvar Wu Skarphéðinsson við Gunnar Helgason um bókina Siggi sítróna.

Umsjón: Ingibjörg Fríða Helgadóttir og Jóhannes Ólafsson

Er það satt að við notum aðeins hluta heilans? Hvernig virkar heilinn? Sérfræðingur þáttarins, Heiða María Sigurðardóttir hjá Háskóla Íslands, segir okkur frá því.

Sérfræðingur:

Heiða María Sigurðardóttir

Umsjón:

Sævar Helgi Bragason

Tónlistarsería Útvarps KrakkaRÚV. Rokk, rapp, klassík, jazz, popp og raftónlist...

Hvað er popptónlist? Hvers vegna er popptónlist vinsælasti tónlistarstíllinn í útvarpi? Hvers konar hljóðfæri eru algengust? Hverjir eru frægustu popparar eða popphljómsveitir allra tíma? Um hvað er popptónlist? Og hvers vegna í ósköpunum heitir þetta popp....tónlist?

Í þessum þætti fáum við svör við öllum þessum spurningum og hlustum á góða popptónlist.

Sérfræðingur þáttarins er Hildur Kristín Stefánsdóttir, popptónlistarkona

Hugleiðingar um popptónlist frá tónmenntanemendum í Ísakskóla.

Umsjón: Ingibjörg Fríða Helgadóttir