Bókaormaráð KrakkaRÚV er skipað 12 krökkum sem hafa lesið 14 bækur eftir mismunandi höfunda sem koma út nú fyrir jólin. Þau undirbúa viðtöl um þær ásamt umsjónarmönnum KrakkaRÚV og úr verða skemmtileg og áhugaverð samtöl milli lesenda og höfunda.

Í þessum þætti verða tekin saman helstu umræðuefni tveggja viðtala. Salka Þorgerður Jóhannesdóttir Stelludóttir spjallar við Benný Sif Ísleifsdóttur um bókina Jólasveinarannsóknin og Þórunn Birna Kristinsdóttir við Harald F. Gíslason um bókina Bieber og Botnrassa í Bretlandi.

Umsjón: Ingibjörg Fríða Helgadóttir og Jóhannes Ólafsson

Plánetan Venus skín skært þessa dagana á morgnana og hefur vakið athygli margra. Í þættinum fræðumst við um þessa brennheitu plánetu sem er eiginlega illa tvíburasystir Jarðar.

Umsjón: Sævar Helgi Bragason

Í þessum þætti fjöllum við um heimsmarkmið Sameinuðu Þjóðanna, Elízu Gígju í Úganda og menningarsjokk!

Elíza Gígja Ómarsdóttir er fimmtán ára stelpa í Réttarholtsskóla í Reykjavík. Hún var valin, úr stórum hópi íslenskra ungmenna, til að kynna sér heimsmarkmið Sameinuðu Þjóðanna um betri heim árið 2030 og ferðast til Úganda til að bera saman líf unglinga þar og hér heima á Íslandi. Hún kemur til okkar í spjall og segir okkur frá Friði, stelpunni sem hún kynntist í Úganda, upplifun sinni á samfélaginu þar og hvernig við hér á Íslandi getum staðið okkur betur í að ná heimsmarkmiðunum sautján.

Viðmælandi:

Elíza Gígja Ómarsdóttir, 15 ára

Annað efni:

Hljóðbrot úr heimildaþáttunum „Heimsmarkmið Elízu“

Umsjón: Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í kvöld kíktum við meðal annars við í sögubílinn Æringja sem fagnar 10 ára afmæli í ár, fræddumst um fyrirbærin skjátíma og skjáfíkn, heyrðum af vélmenni sem lenti á mars og fengum fyrstu bókaumfjallanir vetrarins í Krakka-Kiljunni!

Umsjón:

Jóhannes Ólafsson

Í þessum þætti eins og alltaf á fimmtudögum fjöllum við um sögur. Í kvöld fjöllum við um sögu Íslands, eða hluta af henni. Á laugardaginn eru 100 ár síðan Ísland varð fullvalda og þess vegna hefur mikið verið fjallað um það í ár.

Við fengum góða gesti í heimsókn, þau Alex Leó og Rósu Guðbjörgu og við spjölluðum um Ísland eins og það var, er og verður. Hvað hefur gerst síðustu 100 ár og hvar verður Ísland árið 2118?

Mánudaginn 28. september lenti geimfarið InSight á rauðu plánetunni Mars. Í þættinum fræðumst við um leyndardóma þessarar dularfullu plánetu.

Umsjón: Sævar Helgi Bragason

Tónlistarstílasería Útvarps KrakkaRÚV. Rokk, rapp, klassík, jazz, popp og raftónlist...

Hvað er ópera? Afhverju syngja óperusöngvarar svona hátt? Eru óperur fyrir krakka? Geta óperusöngvarar í alvöru brotið glas með því að syngja? Hver er munurinn á leikriti og óperu?

Í þessum þætti fáum við svör við öllum þessum spurningum og kíkjum á ævintýraóperuna Hans og Grétu í Hörpu þar sem við hittum krakka sem syngja óperur og hlusta og horfa á þær.

Sérfræðingur þáttarins er Jón Svavar Jósefsson, óperusöngvari

Söngvarar úr sýningunni Hans og Gréta:

Ísak Eldar

Thor Ólafur

Arnaldur

Ingvar

Sigþór

Áhorfendur á sýningunni Hans og Gréta:

Guðrún, 7 ára

Emilía, 7 ára

Dagmar, 7 ára

Ólafur Harald, 9 ára

Efni

Upptökur frá frumsýningu Íslensku óperunnar á Hans og Grétu þann 26. nóvember 2018

Umsjón:

Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í þessum þætti ætlum við að rifja upp helstu fréttir vikunnar. Við sögðum meðal annars frá miklum bókalestri á Bíldudal , fengum unga fréttamenn og nokkra sérfræðinga til að segja frá alþjóðadegi barna, heyrðum af tómstundaverkefni sem tengir saman börn af ólíkum uppruna og fræddumst um risastóran gíg á Grænlandi.

Umsjón:

Jóhannes Ólafsson

Í þættinum í kvöld fjöllum við um sögur og í þetta sinn tökum við fyrir norrænar goðasögur. Rætt verður við rithöfundinn Kristínu Rögnu Gunnarsdóttur um goð, gyðjur, vættir og varga í heillandi heimi heiðinnar trúarhefðar.

Viðmælandi:

Kristín Ragna Gunnarsdóttir

Umsjón:

Sævar Helgi Bragason

Í þættinum höldum við áfram að spjalla um fiska við Freydísi Vigfúsdóttur sjávarlíffræðing. Hvernig anda fiskar? Geta fiskar fundið lykt og hvernig sjá þeir?

Viðmælandi:

Freydís Vigfúsdóttir

Umsjón:

Sævar Helgi Bragason