Í þessum þætti fáum við til okkar fulltrúa úr þeim þremur atriðum sem skipuðu efstu sætin í Skrekk árið 2018.

Skrekkur er hæfileikakeppni ungmenna í grunnskólum Reykjavíkur, sem fram fer ár hvert í Borgarleikhúsinu. Þau undirbúa metnaðarfull atriði útfrá eigin hugmyndum, oft með frumsömdum söng- og leiktextum, tónlist og dansatriðum - svo ekki sé minnst á búninga, sviðsmynd, förðun, hár og fleira.

Um hvað fjölluðu siguratriði Skrekks í ár? Hvernig er hægt að koma saman svona flóknum atriðum með þrjátíu unglingum? Skiptir máli að halda svona keppni?

Viðmælendur:

Rebekka Rán Guðnadóttir úr atriðinu Gott, betra, best (Árbæjarskóli)

Helga Harðardóttir úr atriðinu Komið að okkur (Langholtsskóli)

Steinunn Thalia Jónsdóttir úr atriðinu 1918 (Seljaskóli)

Umsjón:

Ingibjörg Fríða Helgadóttir

Skrekksatriðin í fullri lengd er hægt að horfa á inni á www.ungruv.is.

Fréttaþáttur fyrir börn á aldrinum 8-12 ára þar sem litið er yfir það helsta í fréttum liðinnar viku.

Í þættinum í kvöld ætlum við að rifja upp helstu Krakkafréttir vikunnar. Við sögðum meðal annars frá úrslitum hæfileikakeppninnar Skrekks, kíktum á sýninguna Gosa sem ungir leikhúsáhugamenn settu upp, heyrð um af heimsmeti í pítsubakstri og fræddumst um dag íslenskrar tungu.

Umsjón:

Jóhannes Ólafsson

Í þessum þætti höldum við áfram spjalli okkar við þau Agnesi Helgu, Guðlaugu Karen og Brynjar Dag um íslensku. Við ræðum íslenskukennslu í skólanum, hvernig íslenska og enska blandast saman í þeirra daglega lífi, hvaða orð þeim þykja skrítin, framtíð íslenskunnar og förum svo aftur í tungubrjóta- og málsháttaráskoranir. Krakkarnir völdu líka fyrir okkur sín uppáhalds íslensku lög sem við heyrum í þættinum.

Viðmælendur:

Agnes Helga Gísladóttir, 15 ára

Guðlaug Karen Ingólfsdóttir, 15 ára

Brynjar Dagur Sighvatsson, 15 ára

Umsjón:

Ingibjörg Fríða Helgadóttir

Seinni þáttur af tveimur

Í þættinum spjöllum við um það hvernig fiskar urðu til við Freydísi Vigfúsdóttur sjávarlíffræðing. Vissir þú að innan í þér eru leifar af fiskum sem syntu í sjónum fyrir mörg hundruð milljónum ára?

Viðmælandi:

Freydís Vigfúsdóttir

Umsjón:

Sævar Helgi Bragason

*Athugið að í kynningu þáttarins mismælir þáttastjórnandi sig og segir að dagur íslenskrar tungu sé haldinn hátíðlegur þann 16. október ár hvert, þegar rétt er að hann sé 16. nóvember*

Í þessum þætti, og þeim næsta, fáum við til okkar þrjú ungmenni í spjall um íslensku. Við förum yfir hvaða slangurorð þau nota, hvað uppáhalds orðið þeirra er, hvernig enska smitast inn í þeirra daglega líf, hvernig íslenskan er öðruvísi í símaspjalli en augliti til auglitis og fleira. Við leggjum líka fyrir þau tungubrjóta- og málsháttaráskoranir og heyrum uppáhalds íslensku lögin þeirra.

Viðmælendur:

Agnes Helga Gísladóttir, 15 ára

Guðlaug Karen Ingólfsdóttir, 15 ára

Brynjar Dagur Sighvatsson, 15 ára

Umsjón:

Ingibjörg Fríða Helgadóttir

Fyrri þáttur af tveimur

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í kvöld fjöllum við meðal annars um fyrsta snjóinn á Höfuðborgarsvæðinu, undankvöld hæfileikakeppninnar Skrekks, fimleikastelpu sem rakaði til sín gullverðlaunum, fræðumst um nokkur orð tengd veðrinu og segjum frá ballettskóm í nýjum litum.

Umsjón:

Jóhannes Ólafsson

Sögur af Múmínálfunum í Múmíndal hafa verið vinsælar víða um heim í mörg, mörg ár. Fyrsta sagan um þessar vinalegu verur kom út árið 1945 og var skrifuð og myndskreytt af finnsk-sænsku myndlistarkonunni og rithöfundinum Tove Jansson. Síðan héldu sögurnar áfram að koma út og persónur að þróast. Við þekkjum öll Múmínsnáða, Múmínmömmu, Snorkstelpuna, Hemúlinn, Snabba og fleiri - en um hvaðan koma þau og um hvað eru sögurnar af múmínálfunum?

Í þættinum í dag skreppum við í Múmíndal og tölum við góða gesti um íbúa hans og sögur af þeim.

Viðmælendur:

Þórdís Gísladóttir, skáld og þýðandi

Hólmfríður Helga & Höskuldur Sölvi, múmínaðdáendur

Umsjón:

Jóhannes Ólafsson

Í síðasta þætti var svo gaman að spjalla um hvali að við höldum því áfram í þessari viku. Við hlustum á nokkur hvalahljóð og veltum fyrir okkur hvers vegna til eru svona margar tegundir hvala.

Viðmælandi: Edda Elísabet Magnúsdóttir, hvalasérfræðingur

Umsjón: Sævar Helgi Bragason

Í þættinum í dag lítum við inn á tvær krakkasýningar á Óperudögum í Reykjavík. Fyrst heyrum við brot úr Plastóperunni, en hún er glæný íslensk ópera um plastmengun og feðgin sem eru heima saman á starfsdegi í skólanum. Síðan förum við og sjáum óperuna Sónata sem var síðast sýnd fyrir 24 árum síðan, en það er líka íslensk ópera um ævintýri þeirra Trompets og Sónötu. Eftir sýningarnar heyrum við í nokkrum krökkum sem hlustuðu og heyrum þeirra pælingar og skoðanir á sýningunum og óperum yfir höfuð!

Viðmælendur á Plastóperunni:

Ögmundur, 7 ára

Sveinn, 6 ára

Tóbías, 9 ára

Benedikt, 11 ára

Viðmælendur á Sónötu:

Steinunn, 7 ára

Áshildur, 9 ára

Heiðar Dagur, 10 ára

Mikael Köll, 10 ára

Freydís Helgadóttir, 12 ára

Ísgerður, 8 ára

Tónlist:

Plastóperan eftir Gísla Jóhann Grétarsson og Árna Kristjánsson

Sónata eftir Hjálmar H. Ragnarsson og Messíönu Tómasdóttur

Umsjón:

Ingibjörg Fríða Helgadóttir

Farið er yfir það helsta úr Krakkafréttum vikunnar og það sem var efst á baugi skoðað. Rætt er við reynda fréttamenn og sérfræðinga sem útskýra atburði líðandi stundar.

Í þættinum í kvöld segjum við meðal annars frá plastbanni í Evrópu, fræðumst um grasker og hrekkjavöku, heyrum af fimleikastelpu sem fékk æfingu nefnda eftir sér og kynnum okkur geimfar sem nálgast sólina hratt.

Umsjón: Jóhannes Ólafsson