ប្លក់ ជាមធ្យោបាយធ្វើម៉ាឃីធីងរបស់អាជីវកម្ម ហើយវាក៏ជាផ្នែកមួយរបស់ Content Marketing ដែរ។ វេបសាយដែលមានប្លក់ អាចទទួលបាន traffic ច្រើនជាងវេបសាយដែលគ្មានប្លក់។ 

ក្នុង​ Episode នេះ ខ្ញុំនឹងលើកពីហេតុផលពីក្រោយនៃការបង្កើតប្លក់។ 

ខ្ញុំជឿថា អ្នកដែលស្តាប់ Podcast នេះពីដើមមក អាចយល់បានច្រើនពី Content Marketing ហើយ។

ខ្ញុំយកវីដេអូឡាយរបស់ខ្ញុំមក Convert ជា Podcast ដើម្បីកុំឲ្យខាត Content។

អ្នកជំនាញ​ ដើរតួយ៉ាងសំខាន់នៅក្នុងការបង្កើត Content ដើម្បីធានាបាននូវភាពច្បាស់លាស់ និង​ត្រឹមត្រូវក្នុងអត្ថន័យរបស់ Content នីមួយៗ។​ បញ្ហា គឺ​តើអ្នកទៅរកអ្នកជំនាញមកពីណាបាន ដើម្បីជួយអ្នក?

នៅក្នុង Episode នេះ​ ខ្ញុំនឹងលើកពីមធ្យោបាយដែលអាចជួយឲ្យអ្នកបង្កើត Expert Content បានដោយមិនចាំបាច់រកអ្នកដទៃ។ Expert អាចនឹងនៅជិតដៃរបស់អ្នក គ្រាន់តែអ្នកមិនចេះប្រើប៉ុណ្ណោះ។

តើអ្វីដែលជាគោលបំណងពិតប្រាកដរបស់អ្នកបង្កើត Content?

នៅក្នុង Episode នេះ ខ្ញុំនឹងលើកឡើងជាគំនិតមួយសម្រាប់អ្នកទាំងអស់គ្នាគិតលេងៗ នៅពេលបង្កើត Content។ តើអ្នកបង្កើត Content ក្នុងគោលបំណងអ្វី? បើអ្នកមិនអាចឆ្លើយចេញ ឬឆ្លើយមិនត្រូវ ការធ្វើ Content Marketing របស់អ្នក ក៏មិនខុសពីការលក់ឆៅៗ ដែរ។

បទពិសោធន៍ក្នុងការសរសេរអត្ថបទដើម្បីធ្វើជា Content ប្រាប់ខ្ញុំឲ្យយល់ពីគំនិតមួយនេះ។

មនុស្សចូលចិត្តធ្វើការជាមួយអ្នកជំនាញ ហេតុនេះទើបអាជីវកម្មមួយចំនួនព្យាយាមកសាងឈ្មោះជាអ្នកជំនាញក្នុងផ្នែកច្បាស់លាស់មួយ។

នៅក្នុង Episode នេះ ខ្ញុំនឹងលើកពីចំណុចដែលទាក់ទងគ្នារវាង Content Marketing និង​ការមានឈ្មោះជាអ្នកជំនាញ។ បើអ្នកចេញរកស៊ីរាប់ឆ្នាំ តែមិនដែលខ្វាយខ្វល់ពីការធ្វើខ្លួនជាអ្នកជំនាញ ឥលូវនេះ គួរតែដល់ពេលហើយ។

Content ដែលជោគជ័យតែងតែទៅប៉ះអារម្មណ៍របស់អ្នកណាម្នាក់មិនខាន។ ជួនកាល វាធ្វើឲ្យគេរីករាយ តែពេលខ្លះក៏ធ្វើឲ្យគេនៅមិនសុខដែរ។ Content ត្រូវធ្វើឡើងដើម្បីអារម្មណ៍របស់មនុស្ស។ មានតែរឿងមួយគត់ដែលយើងគួរតែជៀសវាង។

នៅក្នុង​ Episode នេះ ខ្ញុំនឹងលើកពីអារម្មណ៍មួយដែលយើងមិនចង់ឲ្យអ្នកតាមដាន Content របស់យើងមាន។ នោះគឺអារម្មណ៍ថាខ្លួនឯងល្ងង់។

Content ឆ្លាត ធ្វើឲ្យអ្នកដទៃមានអារម្មណ៍ថាខ្លួនឯងឆ្លាតជាងមុន ក្រោយពេលអានចប់ ឬមើលចប់។

ការធ្វើទីផ្សារ ជាការបង្កើតទំនាក់ទំនងរវាងម្ចាស់អាជីវកម្ម និង​អ្នកប្រើប្រាស់។ ទំនាក់ទំនង ចាប់ផ្តើមឡើងដោយការជ្រើសរើសពាក្យសម្តី ឬវិធីប្រើភាសារបស់យើង។

ក្នុង Episode នេះ ខ្ញុំលើកឡើងពីការបង្កើត Content ដោយគិតថា​ខ្លួនឯងកំពុងញ៉ែអ្នកណាម្នាក់។​ ការញ៉ែ ជារូបភាពមួយនៃការធ្វើទីផ្សារក្នុងជីវិតពិត។ អ្នកមិនចេះញ៉ែ គឺមិនចេះធ្វើទីផ្សារ។​

ដំរីជើងបួន គង់មានភ្លាត់។

អ្នកដែលបង្កើត​ Content សម្រាប់ម៉ាឃីធីង តែងតែផ្តោតលើការបង្កើត Cotent ខ្លាំងពេករហូតធ្វើកំហុសមួយដដែល។ កំហុសនេះ ធ្វើឲ្យ Content របស់ពួកគាត់មានបញ្ហា ឬជាប់គាំង។

នៅក្នុង Episode នេះ​ ខ្ញុំនឹងលើកពីកំហុសនោះ និងរបៀបដោះស្រាយវា។

ដើម្បីកុំឲ្យមានការយល់ច្រឡំរវាង Online Marketing និង Content Marketing​ យើងត្រូវដឹងឲ្យច្បាស់ថា តើការធ្វើ Marketing ទាំង២ប្រភេទនេះ ចេញមកកពីប្រភពណា ហើយវាគ្របដណ្តប់ទៅលើផ្នែកអ្វីខ្លះនៅក្នុង Marketing។

ក្នុង​ Episode នេះ ខ្ញុំនឹងពន្យល់ពីចំណុចខុសគ្នារវាងការធ្វើ Marketing ទាំង២នេះ ដោយប្រើប្រាស់ឧទាហរណ៍ដែលខ្ញុំដឹង។​ គ្មានការយល់ច្រលំ ទើបងាយស្រួលរៀបចំយុទ្ធសាស្ត្រទីផ្សារ។

ខ្ញុំធ្លាប់និយាយថា  Content Marketing ជាការធ្វើទីផ្សារដែលស្មោះត្រង់បំផុត។ ម្ចាស់អាជីវកម្មគ្រប់រូប គួរតែធ្វើ Content សម្រាប់បណ្តាញសង្គម ឬវេបសាយរបស់ខ្លួនឯង។

ក្នុង Episode នេះ ខ្ញុំនឹងលើកពីមូលហេតុដែលម្ចាស់អាជីវកម្ម គួរតែគិតឡើងវិញ នៅពេលជួលអ្នកដទៃមកធ្វើជាតំណាងឲ្យអាជីវកម្មឲ្យខ្លួនឯង។ គ្មានអ្នកណាដឹងច្បាស់ពីអាជីវកម្មរបស់យើង ជាងយើងនោះទេ។