زیاتر لە هەفتەیەکە ئەمەریکا هۆشداری پلە چواریداوە و داوای لە هاووڵاتیانی کردووە سەردانی عێراق نەکەن، ئاستی هۆشدارییەکە لە بەغدا و بەتایبەتی دەوروبەری باڵیۆزخانەی ئەمەریکا دەبینرێت.

لە کەشێکی پڕترس و دڵەڕاوکێدا، هاوکاتی هێرشە مووشەکی و درۆنەکانی ئێران و بەکرێگیراوەکانی لە عێراق، کریستیانەکان لە کڵێساکانی عەنکاوە لە هەولێر جەژنی گەورەیان لەیەکتر پیرۆزکرد. ئەوان دەڵێن نزا دەکەن ئەم دۆخە زوو تێبپەڕێت.

هاوکاتی ساڵیادی دامەزراندنی یەپەژە و گفتوگۆی لایەنە سیاسییەکان سەبارەت بە داهاتووی یەکینەکانی پاراستنی ژنان (یەپەژە)، شرۆڤەکاران دەپرسن: ئایا ئەوان وەک هێزێکی سەربەخۆ دەمێننەوە یان دەبنە بەشێک لە وەزارەتی بەرگری سوریا؟

بەهۆی هێرشەکانی ڕژێمی ئێران بۆ سەر هەرێمی کوردستان، قەیرانی غاز دروستبووە، چونکە بەرهەمهێنانی غازی کەمیکردووە و هاووڵاتیانیش نیگەرانن و دەڵێن،" غاز بە ئاسانی دەست ناکەوێت."

پلاتفۆرمێکی زمانی کوردی بە ناوی کوردۆلینگۆ لە زیاتر لە 35 وڵات زمانی کوردی فێری خوێندکاران دەکات. دامەزرێنەرانی دەڵێن ئامانجیان بڵاوکردنەوەی زمانی کوردییە لە ڕێگەی تەکنەلۆجیای نوێوە لە سەرانسەری جیهاندا.

هێرشە موشەکی و درۆنییەکانی ئێران و گرووپە بەکرێگیراوەکانی بۆ سەر هەرێمی کوردستان، جگە لەوەی ڕێژەی بێکاری بەرزکرردووەتەوە، زیانی ئابوری ملیۆنان دۆلاریشی بە ئابوری هەرێم گەیاندووە.

ڕۆژی چوارشەممە کەشتی واڵایی ئۆریۆن گەشتی ئارتمیسی دووی دەستپێکرد کە بڕیارە 10 ڕۆژ بخایەنێت و چوار ئاسمانگەڕ بە دووری 405 هەزار کیلۆمەتر لە زەوییەوە بگەیەنێتە خولگەی مانگ. ئاسمانگەڕان لە ڕێگادا بۆ ماوەیەکی کەم کێشەی توالێتیان بۆ دروست بوو. .

ماوه‌ی دوو رۆژه‌ هێرشه‌ درۆنییه‌كانی به‌ره‌ی موقاوه‌مه‌ی عێراقی كوێرانه‌ ناوچه‌ی نیشته‌جێبوون ده‌كاته‌ ئامانج، له‌ سه‌ره‌تای جه‌نگه‌وه‌ هەتا ئێستا زیاتر له‌ 580 هێرشی مووشه‌كی و درۆنی كراوه‌ته‌ سه‌ر هه‌رێمی كوردستان و زۆربه‌ی ئه‌و هێرشانه‌ش ئاڕاسته‌ی هه‌ولێر كراون.

لە نێو ئەو پەنابەرە سوریانەی کە لە تورکیا ماونەتەوە، کوردێکی زۆر هەیە. هەرچەندە دۆخی سوریا گۆڕاوە، بەڵام هێشتا بەشێکی زۆریان نایانەوێت بگەڕێنەوە و دەڵێن ئەگەر دۆخەکە باشتر بێت، پاشان دەگەڕێنەوە بۆ وڵاتەکەیان.

هێرشە درۆنییەکانی ئێران لە گوندە سنورییەکانی هەورامان، مەترسی لەسەر مەراسیمە کۆمەڵایەتی و کلتوری و فەرهەنگییەکانیان دروست کردووە، ئەوان لەگەڵ وەرزی بەهاردا دەست دەکەن بە مەڕاسیمی کۆمەڵایەتی و چوونەدەرەوە بەڵام لەم ساڵدا تەنها یەک گوند ئەو مەڕاسیمەی گێرا