به‌هۆی هێرشه‌ مووشه‌كی و درۆنییه‌كانی ڕژێمی ئێرانه‌وه،‌ كه‌مپی كۆمه‌ڵه‌كان له‌ سوورداش و سێ گه‌وره‌ترین كه‌مپی ماڵباته‌كانی حزبی دیموكراتی كوردستانی ئێران له‌ شاری كۆیه‌ چۆڵکراون.

کاسبکاران و خەڵکی ناوچەی هەورامان کە ناوچەیەکی گەشتیاریە بەهۆی هێرشەکانی ئێرانەوە بێکار ماونەتەوە و توشی زیانی دارایی بوون، وەک خۆیان دەڵێن, ناتوانن کرێی دووکانەکانیان بدەن، قائیمقامی هەڵەبجە و چاودێرانی ئابوری دەڵێن، بەهۆی ناسەقامگیری ناوچەکەوە، رێژەی هاتنی گەشتیاران زۆر کەم بووەتەوە.

دانیشتووانی شارۆچکەی گرکێ لەکێ لە ڕۆژئاوا ڕژانە سەر شەقامەکان و هێرشەکانی ڕژێمی ئێران بۆ سەر هەرێمی کوردستان شەرمەزار دەکەن.

عەبدوڵڵا حیجاب شرۆڤەکاری سیاسی لە وتوێژێکدا بە دەنگی ئەمەریکای ڕاگەیاند، قازی محەممەد ڕەمزی نەتەوەی کوردە و دۆناڵد ترامپ سەرۆکی ئەمەریکا بڕیاری دروستی لە بارەی ئێرانەوە داوە.

ژمارەیەکی بەرچاو لە کوردانی ڕۆژئاوا لە قامیشلۆ، لە دژی هێرشەکانی ئێران و گرووپە بەکرێگیراوەکانی بۆ سەر هەرێـمی کوردستان ڕژانە سەر شەقامەکان و سەرکۆنەی هێرشەکانیان کرد، هەروەها پشتیوانی خۆیان بۆ ڕۆژهەڵات دووپاتکردەوە بۆ بەدەستهێنانی مافی خۆیان و ڕزگاربونیان لە دەستی ڕژێم.

هەڕەشەکانی ئێران لە زانکۆ ئەمەریکیەکان لە هەرێم و عێراق بۆتە هۆی داخستنی دەرگای زانکۆکان، بەرپرسانی زانکۆکەش ڕەتی دەکەنەوە زانکۆی ئەمەریکی پەیوەندی بە حکومەتی ئەمەریکاوە هەبێت و دەڵێن تەنها بە سیستەمی ئەمەریکا خوێندکاران لەوێ دەخوێنن، بۆیە هەڕەشەکان تەنها بیانوون بۆ لێدان لە هەرێم.

لە سەرەتای دەستپێکردنی شەڕی دژ بە ڕژێمی ئێران، چەند ساڵێکە ناوچە کوردنشینەکانی سوریا کەوتوونەتە بەر هێرشی ئێران و میلیشیاکانی. دوایین هێرشیش ڕۆژی یەکشەممە بوو بۆ سەر بنکەی قەسرک لە پارێزگای حەسەکە. کوردانی ڕۆژئاوا دەڵێن، ڕژێمی ئێران سەقامگیریی ناوچەکەیان و ناوچەکەی بە گشتی تێکداوە.

بێژەن قارەمان چالاکوانی سیاسی لە سوید دەڵێت" هەتا ئێستا بە لایەنی کەمەوە دە بۆ دوازدە وڵات و لایەن لە شەڕەکەدا زیانیان بەرکەوتووە، ڕژێمی ئێران دەیەوێت لەو شەڕەدا کە لە وڵاتەکانی ناوچەکەدا ناویەتەوە و زیانی زۆری پێ‌گەیاندوون خۆی ڕزگار بکات."

چین و توێژە جیاوازەکانی هەرێمی کوردستان داوا لە ئەمەریکا و وڵاتانی هاوپەیمان دەکەن یاسایەک دەربکەن بۆ پارێزگاری لە کورد بۆ ئەوەی چیتر ڕووبەڕووی مەترسی نەبنەوە، بەو پێیەی هەر جارە و بە بیانوویەک هێرش دەکرێتە سەر کورد، دوایینیان ئەو هێرشە درۆنییانەن کە دەکرێنە سەر هەرێمی کوردستان.