Volle Evangelie Kerk Bronkhorstspruit bied aan: Is jy bereid? Is jy bereid om elke deel van jou lewe oor te gee aan God? Is jy gereed om jou dorp en kou land tot redding te bring? Ons moet elke dag ons kruis opneem en Jesus volg. Verandering begin by jou. Kom luister saam om uit te vind hoe ek kan verander en 'n vehouding met God en my medemens bou. Hoe kan ek verander en wat moet ek doen om God te eer. Mag die vrede van die Here saam met elkeen wees.

Volle Evangelie Kerk Bronkhorstspruit bied aan: Oorlewende of Oorwinnaar. Ons kan besluit om oorlewendes te wees of ons kan besluit om oorwinnaars te wees. Kom luister saam met ons hoe om oorwinnaars in Jesus te wees. God soek ons gehoorsaamheid, God gaan eendag oes waar Hy nie gesaai het nie. Laat die saad in goeie grond val. Ons het almal talente ontvang. Wat doen ons met ons talente? Hoe kan ons ons talente gebruik tot eer van God. Soos God vir Dawid gehelp het, help God ons vandag om oorwinnaars te wees.

Die Volle Evangelie Kerk Bronkhorstspruit bied aan: Vadersdag 2016. Pa is die beelddraer van God. Pa het baie verantwoordelikhede as koning en priester van sy huis. As Pa moet ons ons vrouens bedien met nederigheid en sagmoedigheid. Met die bloed kan Pa die leier van sy huis wees. Mag elke Pa 'n geseënde Vadersdag hê.

Bou die mure van jou lewe al is dit hoe moeilik. Dit is nie maklik om jou lewe van rommel af op te bou nie, maar dit is moontlik deur Jesus Christus en die kragtige werking van die Heilige Gees. Ons moet ontslae raak van die rommel in ons lewe. Kom luister saam en vind uit hoe om van die rommel ontslae te raak en sterk mure in Jesus te bou. Mag die vrede van die Here saam met elkeen hierdie week wees.

Jesus het vir ons die sleutels gegee en daarom is dit belangrik dat ons weet hoe om dit te gebruik. Ons moet die sleutels neem en beheer neem oor ons eie huis, die gemeente en die dorp. Ons sien 'n getransformeerde dorp vir Jesus, waar ons weer veilig, gelukkig en geseënd kan wees. Hierdie sleutels moet ons gebruik om die deure oop te sluit wat oop moet wees. Ons moet bid, ons moet in gesag staan vir Jesus, ons moet skoon wees en ons verlede aflê en ons moet die deure oopsluit sodat die Gees van God kan beweeg. Prys God se heilige Naam!

Gemeenskap transformasie. Dit het tyd geword dat die kerk weer sy plek in ons samelewing en gemeenskap inneem. God is ons leier en saam gaan ons die verskil maak. Ons moet die atmosfeer skep sodat God se Gees kan beweeg. Wanneer God se Gees in ons gemeenskap beweeg, begin daar verandering in ons gemeenskap plaasvind. Dit is in hierdie Goddelike atmosfeer wat ons elke dag God se seëninge in oorvloed kan ervaar. Die eerste stap is om onsself te was en reinig voor God. Leer om goed te doen, soek wat reg is. Eendag gaan Jesus sy bruid kom haal en ons moet elke dag reg wees daarvoor. God het deur Jesaja met Isreal gespreek en gesê dat Isreal soos Sodom en Gomorra geword het. Hulle moet hulle sonde neerlê en terug keer na Hom. Vandag begin ons as kinders van God deur ons verlede voor God neer te lê. Dit is tyd om te verander. Aan God onse Vader al die eer!

Die Volle Evangelie Kerk Bronkhorstspruit bied aan: Warroom. Pastoor Jimmy Wright kom wys ons hoe belangrik gebed is. Hoe kan ek die atmosfeer verander? Hoe kan ons bid vir oorwinning? Een van die kragtige gedeeltes van wat Jesus ons geleer het oor hoe om te bid: "laat U koninkryk kom; laat U wil ook op die aarde geskied, net soos in die hemel." Indien jy nog nie Warroom (Die fliek) gekyk het nie, bemoedig ons jou om daarna te kyk. Mag elkeen die liefde van God elke dag ervaar.

Die Volle Evangelie Kerk Bronkhorstspruit bied aan: Lewe die ou mens nog? Ons het daagliks 'n stryd tussen die ou mens in die wêreld en die nuwe mens in Christus. Kom luister saam met ons hoe om die ou mens dood te maak en hoe om te lewe in die nuwe mens. Kom vind uit watter kleed ek moet aantrek. Mag die vrede van die Here met elkeen wees.

Die Volle Evangelie Kerk Bronkhorstspruit bied aan: Ignite Your Passion. Openbaring 3:15 tot 3:16 - Ek ken jou werke, dat jy nie koud is en ook nie warm nie. Was jy tog maar koud of warm! Maar nou, omdat jy lou is en nie koud of warm nie, sal Ek jou uit my mond spuug. - Wat kan ons as kinders van die God doen om warm en aan die brand te wees. Kom luister gerus saam met ons na hierdie kragtige boodskap.

Die Volle Evangelie Kerk Bronkhorstspruit bied aan: Die Boek van Judas Deel 2. Die Boek Judas is die korste boek in die Bybel. Ons vind kosbare beginsels in hierdie boek. Dankie Vader dat daar selfs in hierdie kort boek soveel wysheid van U af is.