Die lewe het verskeie stresfaktore. Oorlewing raak moeiliker op verskillende vlakke. Dit is te verwagte dat die meeste van ons ‘n soort verslawing sal hê, om te kan cope met alles, byvoorbeeld selfoon, sjokolade, kos, oefen, water, TV-reekse en films. Wat is jou afhanklikheid? Is jy seker dat die lekker die moeite werd is?

Pica, ‘n diagnose wat onder eetversteurings val, is wanneer ‘n persoon iets gereeld eet, of wil eet wat nie as ‘n kossoort gekategoriseer kan word nie. Dit sluit in glas, papier, hare, lemmetjies, grond en klei. Hoekom sou mense sulke vreemde goed wou eet? Is daar suksesvolle behandeling vir Pica?

Dr. Sulette Ferreira is al vir jare besig met navorsing oor emigrasie, en watter effek hierdie omstandighede het op die ouers wat agterbly in Suid-Afrika, veral wanneer daar kleinkinders betrokke is. Sy het onlangs ‘n gedig ontdek wat geskryf is deur Corne Kruger. Dit het het vir haar gevoel asof dit ‘n jaar se navorsing presies vasvang - die tasbare verlies wat grootouers ervaar wanneer hulle kleinkind weggaan.

Tot onlangs het die samelewing mans en pa’s hanteer as minderwaardig teenoor die ma-figuur. Die menslike wetenskap het baie navorsing om te bewys watter kardinale rol ‘n pa-figuur in kind se lewe vervul. Heartline het ‘n bewusmakingsveldtog, Fathers Matter (pa’s maak saak!), waar hulle op verskeie platforms aan mans ondersteuning en inligting bied om ‘n betrokke pa te wees. ‘n Pa se rol kan die verskil maak in toekomstige volwassenes se hantering van emosies, aggressie, geweld en mishandeling.

Voel jy jy kies aanhoudend die “verkeerde” verhoudingsmaat? Is jy nie seker wat jy anders moet doen nie? Wil jy weet wat die geheim is agter goeie, suksesvolle verhoudings? ‘n Ervare verhoudingsterapeut verklap al die geheime.

Die meeste mense assosieer psigometrika met skoolkinders en vakkeuses, maar hierdie toetse kan soveel meer vir mense beteken. Mense besef nie altyd daar is toetse wat jou kan help om geluk in jou beroep te vind, of om ‘n beroep te vind waar jy gelukkig sal wees. Psigometrika kan jou ook help om geluk te vind in jou verhoudings, nie net liefdesverhoudings nie. Jy kan uitvind wie jy is, hoe jy is en hoe die wêreld jou ervaar. Die inligting wat tot jou beskikking is, is oneindig Lise Swart praat met dr. Kincaid Kotzé oor hoe psigometrika jou lewensgeluk kan beïnvloed.

Een van die belangrikste verhoudings in die lewe is ‘n liefdesverhouding. Almal wil altyd weet wat die sukses agter ‘n langlewende verhouding of huwelik is. Is daar ‘n geheim? Ja, daar is, maar daar is ook baie misverstande en aannames wat mense se menings affekteer, tot die punt waar hulle hulle eie geluk saboteur sonder om dit agter te kom. Lise Swart praat met die ervare verhoudingsterapeut Louis Awerbuck oor die struikelblokke wat verhoudingsmaats moet oorkom, en wat volgens hom die enigste uitweg is om ware geluk in ‘n verhouding te vind.

Hoor hoe belangrik dit vir kinders en tieners is om aan te leer hoe om vriende te maak en om dit te onderhou. Hoe gemaak as jou kind geen vriende het nie, of ander maklik vervreem? Wat kan ouers doen om hulle kinders te help om die kardinale vaardigheid van sosialisering aan te leer?

Om tyd vir jouself te neem, voel baie keer soos selfsugtige optrede, veral in hierdie tye waar dit ‘n luukse is om nie te stres nie, en om mooi na jouself te kyk. Maar wat as jy dit nie doen nie? Wat kan die implikasies wees vir jouself en jou gesin? Kom vind uit hoe om na jouself om te sien, hoekom jy moet en watter aktiwiteite die meeste vir jou sal beteken.

Wanneer iemand ountrou is in ‘n verhouding, soek die partye gewoonlik iemand om te blameer. Wie se skuld is dit? Hoe kan 'n mens jou verhoudingsmaat weer vertrou? Hoe weet jy dis die moeite werd om aan te gaan met die verhouding?