Ons kyk na die opsies van by die huis werk, of op kantoor. Daar is nog nie genoeg navorsing om klinklaar te sê of mense verkieslik tuis moet werk nie, en of ‘n kantoor ‘n beter opsie is nie. Al wat wel duidelik is, is dat die pandemie baie vrae by ons gelos het. So hoe moet ons hierdie besluit benader, en vir watter tekens moet ons uitkyk om te sien of ons die regte besluite maak, want beide by die huis werk en kantoorwerk het sy goeie en slegte punte. Wat pas by jou?

Agorafobie is die irrasionele vrees vir openbare of oop spasies. Die persoon vrees situasies waar hulle beheer kan verloor, vasgevang kan raak en/of nie hulp kan kry nie. Internasionaal is die getalle van hierdie fobie besig om toe te neem. Hoekom? Wat is die dryfkrag agter hierdie siekte, en wat kan ons daaraan doen?

Alle kinders moet aanleer hoe om te sosialiseer. Dit sluit in hoe om vriende te kies. Maar wat beteken dit “om vriende te kies”? Watter rol vervul ouers om hulle kinders te help om die beste moontlike vriende te kies? Wat staan jou te doen as jou kind maats kies wat die “verkeerde” invloed op hulle het?

Nageboorte-depressie affekteer ‘n geweldige groot aantal vroue, en interessant genoeg mans ook. Ons fokus was nog altyd op die ma se gemoed, maar navorsing wys ons hoe die siekte die baba lewenslank affekteer. Om hulp te kry vir nageboorte-depressie speel dus ‘n kardinale rol in ma, baba en gesin se welstand.

Om lugtig te wees vir ‘n vreemdeling was vir miljoene jare deel van ons oorlewingstaktiek, maar waar pas hierdie gedrag in ons moderne lewe in? Affekteer dit ons oorlewing op ander vlakke? Hoe beïnvloed dit ons gemoed? Kom vind meer uit oor hoe en hoekom ons almal kan baat daarby om anders te dink oor groepsdinamika en vreemdelingehaat – die ons-teen-hulle-gedrag.

Baie mense sit in die onmoontlike situasie waar hulle geliefdes hulleself in ‘n boeliesituasie bevind, hetsy by 'n aftreeoord of die sorgsentrum, of selfs by die bure, vriende of personeel. Boeliegedrag is nie vreemd onder ons ouer geslag nie. Hoe kan familie help? Watter stappe kan gedoen word?

“Hoekom hou ek nie van myself nie?” Sukkel jy om jouself lief te hê? Hoor hoekom, en hoe, jy hierdie pad van rigting kan laat verander.

Obsessief-kompulsiewe versteuring word gekenmerk deur onredelike gedagtes en vrese (obsessies), wat lei tot kompulsiewe gedrag. Ons ken die prentjie van iemand wat aanhoudend hande was, of die persoon wat aanhoudend deure sluit, wat alles tel, en diegene wat kaste oor en oor regpak. Daar is verkeie voorbeelde van hierdie diagnose, so hoe onderskei jy die gedrag? Hoe word die siekte gediagnoseer? Help behandeling?

Familievervreemding is aan die toeneem. Meer en meer volwasse kinders maak die keuse om alle kommunikasie met hulle familie, of spesifiek met hulle ouer(s) te staak. Mag jy familie afskryf? Nie almal hou van hulle familie of ouers nie, maar om hulle af te skryf is ekstreem. In baie gevalle is dit vir ‘n persoon se geestesgesondheid die beste opsie om liewers kommunikasie permanent te staak, maar hoe is mens seker van die besluit, en wat is die moontlike emosionele implikasies?

Om te kan nee sê sonder om skuldig te voel, is ‘n vaardigheid waarmee die meeste van ons sukkel. Volgens die menslike wetenskappe is mense meer gelukkig as hulle van jonk af geleer het hoe om nee te sê, hoe om grense te stel en hoe om hulle wense te kan uitdruk. Hoekom sukkel sekere mense meer as ander hiermee? Hoekom kan ons nie sommer net begin nee sê wanneer dit ons pas nie? Kom leer meer oor hierdie vaardigheid, en hoe jy jou grense kan aanpas.