Louis en Lise bespreek twee luisteraarsbriewe waar die skrywers voel hulle geliefdes maak verkeerde keuses oor hulle lewe. Die vraag is: Vir wie is hierdie keuses verkeerd, die skrywers of die persoon wat die keuses maak?

Ontmoet die nuwe span sielkundiges wat nou deel is van Wie is ek? Ons kinderspesialis bespreek die waarde van Jungian Sandplay-terapie, en ons verslawingspesialis verduidelik die krag van professionele hulp.

Hoe help ek 'n geliefde vandag, om môre se sielkundige probleme te voorkom? Die beste manier om sielkundige probleme te hanteer, is deur proaktief op te tree. Maar hoe? Louis en Lise leer jou hierdie vaardigheid aan.

Hoekom sal iemand hulle eie lewe neem? Hierdie is nie net vir families wat 'n geliefde aan selfdood verloor het, 'n kwelvraag nie, maar ook vir die meeste van ons wat nog nooit die behoefte ervaar het om nie meer te lewe nie.

Louis en Lise beantwoord 'n verskeidenheid kort vrae van luisteraars.

Aftrede is 'n lewensfase wat die meeste van ons eendag sal moet deurgaan. Ons almal is bewus van die finansiële implikasies wat gepaard gaan met aftrede, maar wat van die sielkundige effek?

Daar is 'n tendens dat ouers voel hulle tieners moet verkieslik dagga gebruik as alkohol. Is dit 'n veiliger alternatief? Wat is die sielkundige effek van dagga op 'n tiener?

Louis Awerbuck en Lise Swart gesels oor die redes waarom 'n ma haar eie kind, of kinders se lewens sal neem. Hulle bespreek ook 'n brief waarin daar moontlike redes kan wees vir 'n seun se moord op sy ma.

'n Miskraam kan 'n vreeslike traumatise ervaring vir 'n vrou en haar verhoudingsmaat wees, maar tog hanteer die samelewing 'n miskraam as iets wat vroue maklik behoort te oorkom. “Probeer net weer”, of “Volgende keer sal jy 'n babatjie hê”, is goed wat vroue gereeld moet aanhoor.

Ons kyk aan die hand van twee luisteraarsbriewe na wat jou te doen staan as die mense om jou jou sielkundige toestand of diagnose teen jou gebruik. Wat kan jy byvoorbeeld doen as werkgewers jou met afdanking dreig as gevolg van jou gediagnoseerde depressie, of wanneer jou ma jou selfbeeld afbreek nadat jy gediagnoseer is met skisofrenie.