የኢትዮጵያ መንግስት ከፍተኛ ጥበቃ በሚያደረግበት በቂሊንጦ ማረምያ ቤት ላይ ቃጠሎ ዉድመት ካስከተለ በኋላ እስር ላይ የነበሩት ስድስት ከፍተኛ አመራሮቻቸዉና ሌሎች እስረኞች ያሉበት ሁኔታ እንዲነገራቸዉ የመንግሥት ተቃዋሚዎች መጠየቃቸዉን ሮይተርስ ዛሬ ዘገበ። ሌላዉ በጋቦን የተካሄደዉን ፕሬዚዳንታዊ ምርጫን ተከትሎ በርካታ ሰዎች የተገደሉበትን ኃይል የቀላቀለ ብጥብጥና የምርጫ ዉጤትን ለማጣራት የአፍሪቃ ኅብረት የራሱን አንድ ወኪል ለመላክ እንደሚፈልግ መግለፁ የምሽቱ ዋና ዋና ዜናዎች ናቸዉ። የድምፅ ማዕቀፉን በመጫን ይከታተሉ!

ዜና

የጋቦኑ ፕሬዝዳንት አሊ ቦንጎ እና ብቸኛ ተቀናቃኛቸው ምርጫውን አሸንፈናል እያሉ ነው፤የደቡብ አፍሪቃው የፋይናንስ ሚንሥትር ፕራቪን ጎርድሃን በሙስና ተጠርጥረው ሊከሰሱ እንደሚችሉ ሲቲ ፕሬስ የተሰኘው ጋዜጣ የአገሪቱ ከፍተኛ የፖሊስ መኮንኖችንና የግብር መስሪያ ቤት ባለስልጣናትን በመጥቀስ ዘገበ፤የጀርመን የፍልሰት ቢሮ ከፍተኛ ባለስልጣን እስከ መጪው ኅዳር ወር መጨረሻ 300,000 ስደተኞች ወደ አገራቸው ይመጣሉ ተብሎ እንደሚጠበቅ ተናገሩ፤ቱርክ በዛሬው ዕለት በሶርያ ራሱን «እስላማዊ መንግስት» ብሎ በሚጠራው ጽንፈኛ ቡድን ላይ እና በኩርድ ታጣቂዎች ላይ በፈጸመችው ድንገተኛ ጥቃት በርካታ ሰዎች ተገደሉ