የዓለም ዜና

ሶማሊያ ውስጥ በተካሄደው የአካባቢዊ ምርጫ ከ500 ሺህ በላይ መራጮች መሳተፋቸው ተገለጸ።

እስራኤል ለራስ ገዟ ሶማሊላንድ ዛሬ በፋ የሀገርነት እውቅና ሰጠች። ሶማሊላንድ የእስራኤልን እርምጃ ታሪካዊ ብላዋለች።

አሸባብ የተሰኘው ጽንፈኛ ቡድን ለሶማሊያም ሆነ ለአካባቢው ሰላምና መረጋጋት ከፍተኛ ስጋት ነው ሲሉ የተመድ ባለሙያዎች አሳሰቡ።

በደቡባዊ የመን ለመገንጠል የሚንቀሳቀሱ ኃይሎች ሳውድ አረቢያ በዛሬው ዕለት ሠራዊታቸውን በአየር ጥቃት ደበደበች ሲሉ ከሰሱ።

ዩናይትድ ስቴትስ ትናንት ምሽት ሰሜን ምዕራብ ናይጀሪያ አካባቢ በሚንቀሳቀሰው እራሱን እስላማዊ መንግሥት በሚለው ታጣቂ ቡድን ይዞታ ላይ የአየር ድብደባ አካሄደች።

• በጋምቤላ ክልል እየተባባሰ በሄደው ግጭት ስጋት እንደገባው ድንበር የለሽ የሀኪሞች ቡድን በእንግሊዘኛ ምህጻሩ MSF አስታወቀ ።

• ታንዛንያው ውስጥ በሚገኘው የኪሊማንጃሮ ተራራ ላይ ሄሌኮፕተር ተከስክሶ የአምስት ሰዎች ህይወት አለፈ።

• ሶማሊያዉያን ለአካባቢ ምርጫ መዲናዋ ሞቃዲሾ ውስጥ ድምጽ ሲሰጡ ዋሉ ።

• በኢንተር ፖሊስ ለአመታት ሲታደን የነበረው ኤርትራዊው ኪዳነ ዘካሪያስ ሃብተማሪያም ኔዘርላንድስ መዲና አምስተርዳም ውስጥ ፍርድ ቤት ሊቀርብ ነው።

• የሮማ ካቶሊካዊት ቤተክርስትያን ርዕሰ ሊቃነ ጳጳሳት ሊዮ አስራ አራተኛ በተለይ የዩክሬን እና ጋዛ ጦርነቶችን «ትርጉም አልባ» ሲሉ አወገዙ ።

ጋምቤላ ከተማን ጨምሮ የፀጥታ ችግር በሚስተዋልባቸው የክልሉ አካባቢዎች የሰዓት እላፊ ገደብ ከዛሬ ምሽት ሁለት ሰዓት ጀምሮ መጣሉ ተገለጸ።

ዩናይትድ ስቴትስ አራት አዲስ ዓለም አቀፍ የጤና የመግባቢያ ስምምነቶችን ከአራት የአፍሪቃ ሃገራት ጋር ተፈራረመች።

በቱርክ አንካራ አቅራቢያ በተከሰከሰ አውሮፕላን ውስጥ የነበሩ የሊቢያ ጀነራሎች እና የልዑካን ቡድናቸው ሕይወት ማለፉ ተነገረ። ሦስቱ የበረራ ሠራተኞችም አልተረፉም።

ዩናይትድ ስቴትስ የቀድሞ የአውሮፓ ሕብረት ኮሚሽነርን ጨምሮ በአምስት አውሮጳውያን ላይ የጣለችውን የቪዛ እገዳ የአውሮጳ ሕብረት፤ ጀርመን እና ፈረንሳይ አወገዙ።

የኢትዮጵያ ብሔራዊ ምርጫ ቦርድ ቀጣዩን ሀገር አቀፍ ምርጫ አስመልክቶ በምርጫ አስቻይ ኹኔታ እና መሠል ጉዳዮች ላይ ትናንት ገዢው ብልጽግና ፓርቲን ጨምሮ ከፖለቲካ ፓርቲዎች ተወካዮች ጋር ተወያይቷል።የየመን ሁቲ አማጽያንና በአለም አቀፉ ማሕበረሰብ ቅቡልነት ያለውና አሁን የመንን እየመራ ባለው መንግስት መካከል በተደረገው ድርድር ከሁለቱም በኩል ወደ 3,000 የሚሆኑ የጦር እስረኞችን ለመልቀቅ ተስማሙ።ንብረትነቱ የሜክሲኮ የባሕር ሐይል የሆነና ለሕክምና አገልግሎት የሚንቀሳቀስ አንስተኛ አውሮፕላን ዛሬ ተከስክሶ ቢያንስ 5 ሰዎች መሞታቸው ተሰማ።

የኢትዮጵያ ሕዝቦች አብዮታዊ ፓርቲ (ኢህአፓ) በትግራይ ክልል መጠለያ ውስጥ የሚገኙ ወገኖች ለረሀብ መጋለጣቸውን አመለከተ። በረሀብ ላይ ለሚገኙት ወገኖች መንግሥትን ጨምሮ ሁሉም አስፈላጊውን ድጋፍ ማድረግ እንዳለበት፤ የተፈናቀሉትም ወደ የቀያቸው መመለስ እንዳለባቸውም አሳስቧል።

የናይጀሪያ መንግሥት በቅርቡ ታግተው ከነበሩ የቀሩትን 130 ልጆች ማስለቀቁን አስታወቀ። በዛሬው ዕለት ቤተሰቦቻቸውን ያገኛሉ ተብሎ ይጠበቃል።

በዛሬው ዕለት በሩሲያ ዋና ከተማ ሞስኮ በተከሰተ የቦምብ ፍንዳታ አንድ የሀገሪቱ ጀነራል ተገደሉ።

ኢራን የሚሳኤል መርኀግብሯ መከላከያ እና የሚቃጣባትን ጥቃት ለማስቆም የተነደፈ መሆኑን አሳሰበች።

ወደ ጋምቤላ በቂ የጸጥታ አካላት በአስቸኳይ እንዲሰማሩ ኢሰመኮ አሳሰበ ፤ ደቡብ አፍሪቃ ፤ ቢያንስ ዘጠኝ ሰዎች በታጣቂዎች ጥቃት ተገደሉ ፤ የእስራኤል ካቢኔ እስራኤል በኃይል በያዘችው የፍልስጤም ግዛት የዮርዳኖስ ወንዝ ምዕራባዊ ዳርቻ 19 አዳዲስ የሰፈራ መንደሮች እንዲቋቋሙ አፀደቀ፤ ዩናይትድ ስቴትስ ከቬንዙዌላ የባህር ዳርቻ ለሁለተኛ ጊዜ ድፍድፍ ዘይት የጫነ መርከብ በቁጥጥሯ ስር አዋለች፤

የሱዳን ጠቅላይ ሚኒስትር ካሚል ዒድሪስ ጦርነት በሚካሔድባቸው አካባቢዎች ሰብአዊ ርዳታ በሚቀርብበት ሁኔታ ላይ ከተባበሩት መንግሥታት ዋና ጸሀፊ አንቶኒዮ ጉቴሬዝ እና ሌሎች ባለሥልጣናት ጋር ለመነጋገር ወደ ኒው ዮርክ አቀኑ። የናይጄሪያ ፕሬዝደንት ቦላ ቲኑቡ የሀገራቸውን የጸጥታ ተቋማት በከፍተኛ ሁኔታ ለማጠናከር ቃል ገቡ። አንድ ኤርትራዊን ጨምሮ አራት ሰዎች ባለፈው አንድ ሣምንት በዩናይትድ ስቴትስ የፍልሰት እና የጉምሩክ መስሪያ ቤት በእስር ላይ ሳሉ መሞታቸውን የሀገሪቱ መንግሥት መረጃ ይፋ አደረገ። የአፍሪካ ዋንጫ የእግር ኳስ ጨዋታ ከጎርጎሮሳዊው 2028 በኋላ በየአራት ዓመቱ እንደሚካሔድ ተወሰነ።

ጠቅላይ ሚኒስትር ዐቢይ አሕመድ እና የሶማሊያው ፕሬዝደንት ሐሰን ሼክ ማሕሙድ በአዲስ አበባ ተገናኙ። በኢትዮጵያ ለስደተኞች የሚደረገው ድጋፍ ከውድቀት አፋፍ እንደሚገኝ መንግሥት እና አራት ድርጅቶች አስጠነቀቁ። በአማራ ክልል ያለው ሁኔታ ሊባባስ እንደሚችል የዓለም አቀፉ ቀይ መስቀል ኮሚቴ ባልደረባ ሥጋታቸውን ገለጹ። ስዊድን በኤርትራ ላለፉት 24 ዓመታት በእስር ላይ የሚገኘው ጋዜጠኛ ዳዊት ይስሐቅ በሕይወት እንዳለ ገለጸች። የፕሬዝደንት ዶናልድ ትራምፕ አስተዳደር ኢትዮጵያውያንን ጨምሮ የሌሎች ሀገር ዜጎች ቋሚ የአሜሪካ የመኖሪያ ፈቃድ በዕጣ የሚያገኙበትን የዲቪ ሎተሪ ፕሮግራም ሊያቆም ነው።

ጋምቤላ፥ ከፖሊስ አዛዥ ግድያ በኋላ በከተማዪቱ ሥጋቱ እንዳየለ ነው፤ አጣዬ፥ የአማራና ኦሮሞ ማኅበረሰብ ሰላም በማውረድ በጋር ማረስና መሥራት ጀመሩ፤ ዋጋዱጉ፥ቡርኪና ፋሶ በቁጥጥር ስር አውላቸው የነበሩ 11 የናይጄሪያ አየር ኃይል አባላትን ለቀቀች፤ ዋሽንግተን፥ የአሜሪካ ባለሥልጣናት በደቡብ አፍሪቃ መታሰራቸውን የአገሪቱ ውጭ ጉዳይ መሥሪያ ቤት አወገዘ፤ ብራስልስ፥ በአውሮጳ ኅብረት ጉባኤ የታገደው የሩስያ ሐብት ዋነኛው አጀንዳ ነው፤ ኪዬቭ፥ በጎርጎሪዮሱ 2026 እስከ 50 ቢሊዮን ዩሮ የበጀት ክፍተት እንዳለባት ዐሳወቀች

• የፕሪቶሪያ ስምምነት በሙሉ ተፈጻሚ አለመሆን ኢትዮጵያ ውስጥ ለቀጠለው ግጭት አንዱ ምክንያት መሆኑን የኢትዮጵያ የሰብአዊ መብቶች ጉባኤ አስታወቀ።

• የሱዳን ፈጥኖ ደራሽ ኃይል ወይም በእንግሊዘኛ ምህጻሩ አር ኤስ ኤፍ በዳርፉሯ የኤል ፋሽር ከተማ የጅምላ ጭፍጨፋ እና የአካል ማጉደል ተግባር መፈጸሙን የሚያረጋግጥ አዲስ ዘገባ ይፋ ሆነ።

• የዩናይትድ ስቴትሱ ፕሬዚደንት ዶናልድ ትራምፕ ፍልስጥኤማዉያንን ጨምሮ ከሰባት በላይ ሃገራት ላይ የጉዞ ዕቀባ ጣሉ።

• በአውስትራሊያ የቦንዲው የባሕር ዳርቻ ጥቃት የተጠረጠረው ግለሰብ 15 የግድያ ክሶችን ጨምሮ በ59 ወንጀሎች ክስ ተመሰረተበት ።