كل شخص مننا ليه شخصيته الخاصة وليه الحق أنه يكون ليه قراراته الخاصة وميسمحش لأي شخص انه يتحكم فيه التحكم ده سواء من صديق سواء من حبيب أيًا يكن لازم أي علاقة بشرية تكون قائمة على التساوي مابين كل الاطراف وانهاردة فاطمة حسين جاتلكم عشان تتكلم معاكم عن الموضوع في حلقة بعنوان التحكم السلبي .

فالحياة يوجد نوعين من الحقائق فيه حقائق ثابتة وحقائق نسبية والحقائق النسبية من الممكن أن تتحول لخرافة لو صدقها الناس وتناقلتها الاجيال واعتبرتها حقائق ثابتة وانهاردة احنا معانا خرافية وهي خرافة معايير الجمال واللي بتعد شئ نسبي تمامًا لكن عالرغم من ده بتسبب أذى نفسي لأشخاص كتير وانهاردة مريم طارق هتتكلم معاكم فالموضوع ده وتتناقش فيه .

معادنا انهاردة مع ملك هنتكلم فيه عن شخصية مش بس مؤذية لنفسها بل هي مؤذية جدًا للحواليها لأنها ببساطة شايفة نفسها محور الكون وأنها هي الوحيدة اللي تستاهل النجاح والتفوق احنا انهاردة هنتكلم عن الأنانية.

للأسف فيه اشخاص فالدنيا بيكونوا تايهين مش عارفين ايه هو حلمهم ورؤيتهم للناس حواليهم وهما ناجحين بتجعلهم يسحوا أنهم اشخاص غير ناجحين فحياتهم وعُمر ده مهيتغير ولكن الشخص اللي عنده حلم واللي اكتشف طريقة لترجمة حلمه وشغفه على ارض الواقع هوا شخص خاض رحلة وهي رحلة البحث عن الحلم وده اللي هنتعرف عليه انهاردة مع محمد مسعد

كلمة بنسمعها كتير وبتردد في كل حتة وهي توكسيك انت شخص توكسيك طيب هل عُمرنا سألنا نفسنا يعني ايه توكسيك وهل الناس بتبقى توكسيك لبعض بس ولا ممكن تكون توكسيك لنفسك كمان ده بقا اللي هنعرفه انهاردة مع منار السيد فرحلتها معانا للتعرف على مفهوم التوكسيك💜✨

العائلة هي ملاذنا الآمن من شر العالم والشئ اللي بيميز العائلة هوا دفئها وحُب كل افرادها لبعض وخوفهم على بعض وتمنيهم الدائم انهم يشوفوا بعض أنجح ولكن للأسف في لحظة غياب أي عنصر من دول بتتحول العائلة من ملاذ أمن لمصدر حقد وغل وصراع وده اللي هنتعرف عليه وعلى اسبابه انهاردة مع رنيم العشري .

دايمًا نسمع عن الشخص الموسوس ونقول لنفسنا أنه مجرد شخص بيفكر كتير فالأمور بل واحيانًا بناخدها بشكل هزار لكن الوسواس القهري هو مرض نفسي حقيقي وأشخاص كتير يمكن يكونوا فحياتنا بيمروا بيه ولازم نعرف ازاي نساعدهم وانهاردة مع رودي هنتعرف على الوسواس القهري أو الOCD

للأسف أصبح حلم معظم الشباب هو السفر ظنًا منهم أن حلمهم بوابته السفر ولكن لما الشخص بيسافر بيصطدم بالواقع وبيكتشف أن العالم برا مش جنة زي ماهو فاكر وانهاردة مع بيكي محمد هنتعرف على عيوب السفر

كل واحد فيننا بيمر بفترة صعبة فحياته وده شئ طبيعي فدوامة الحياة اليومية لكن من المهم جدًا أننا نعرف ازاي نتعامل مع الفترة ديه بل ونعرف ازاي ناخدها كوسيلة اننا نبقى احسن ونطور من ذاتنا ومترجعناش لنقطة الصفر .

الفن السينمائي مش مجرد اداة ترفيهية بل هو رسالة تجمع كل اشكال الفنون في مكان واحد لتوصيل فكرة قوية مفيش آداة آخرى تقدر توصلها ولذلك انهاردة ملك نور الدين جابتلنا واحد من اقوى الكُتاب السينمائيين حسن سامي يوسف ومعاها هنتعرف عليه اكتر وايه اللي بيجعله من الشخصيات المثيرة للإهتمام