هل معنى أن المسلسل كان تريند ف هو كده نجح ؟

خاصة أن كل المخرجين و الكُتاب و شركات الإنتاج بتستني السباق الرمضاني عشان تظهر و تقدم أعمالها وتستعرض قوتها وانهاردة مع رنيم العشري هنتعرف مع بعض على أهم المسلسلات السنة ديه💜✨

سوق العمل أصبح يُمثل تحدي كبير لكل شخص وبسبب الطلبات الكثيرة التي يفرضها عليك سوق العمل أصبح من السهل التشتت وعدم إدراك ماهي المهارات الاساسية لتعلمها وعشان كده بيكي محمد جاتلكم انهاردة عشان تقولكم أهم المهارات اللي لازم نعرفها قبل سن ال25💜✨

التفكير من أكبر وأهم نعم ربنا علينا لكن كل حاجة لازم تتعمل بعقل ومقدار وتأنيب الضمير ومراجعة النفس اشياء ضرورية لضمان نضج البني آدم لكن في حالة زيادتهم هيعيش الشخص في سجن عقله وانهاردة جولنا ملك نور الدين ومنار السيد عشان ياخدونا في اول رحلة في سيزون 4 جوا دوامة التفكير الزائد💜✨

انهاردة جينالكم بالحلقة رقم 100 في رحلة بودكاست YEN والحلقة 40 والأخيرة من سيزون 3 ومعانا انهاردة محمد مسعد عشان يكلمنا عن العنصر والركيزة الأساسية في بناء الفريق وإستمرار الحلم وهو "الأمل" مفهوم يبان سهل لكنه معقد جدًا

ومفهوم قيمته لا تقل تمامًا عن الموهبة ولذلك كان لازم نتكلم معاكم في ختام رحلة سنة 2023 عن العنصر الرئيسي وايه الخلانا نكمل طول الفترة ديه.

جه معاد آخر حلقة لسلسلة كل حلقة شخصية في سيزون 3 وانهاردة ختام السلسلة مع استاذ محمد السيد الشخصية المصرية المؤثرة وبشدة في المجتمع المصري الاجتماعي

وهو عضو برلمان شباب ابي قير التابع لوزارة الشباب و الرياضة

عضو مبادرة السياسي الشاب

أحد متطوعين حملة داعم

عضو إتحاد شباب الجمهورية الجديدة

عضو محتمل بمؤسسة التعاون العربي الافريقي استضافته في قناة الخامسة ( قناة الاسكندرية ) في برنامج خطوات شابة تقديم الإعلامي / عبد الله عبد الصبور وحديث حول تأهيل الشباب لسوق العمل

استضافته في قناة الصحة والجمال في برنامج بداية حلم تقديم الإعلامية / منى خيري والإعلامي / عمرو محروس وحديث حول سوق العمل في مصر

واللي هيكلمنا انهاردة عن سوق العمل وكيفية الخوض فيه كشاب بشكل مناسب .

كل واحد مننا عنده هواياته وشغفه وحاجات هو مبدع فيها وحاجات لا وحاجات بنكون بنتمنى اننا نوصلها لكننا من جوانا عارفين أن قدراتنا مش هتسمحلنا ولكن فيه ناس بتسعى وهي مش مدركة ده اصلا وعشان كده مريم طارق جاتلنا انهاردة عشان تسألنا سؤال واحد بس انت مين؟

مش كل العلاقات مكتبولها انها تدوم لكن مينفعش أننا ننسى لحظة حلوة لبعض لأن كل علاقة كانت فيوم من الايام مبنية عالود والمحبة وكونها مكملتش لا يعني أن كل اللي فات كان مزيف ولكن ده فقط يعني أن مفيش نصيب ولذلك انهاردة جاتلنا رودي عشان تكلمنا عن الموضوع فحلقتها بعنوان النهايات اخلاق.

فقدان الشغف هي مشكلة بنمر بيها كلنا وده بيرجع لاسباب كتيرة زي الرتم السريع للحياة ورغبتنا فتجربة حاجات كتير و وانجذابنا لكل حاجة جديدة بتظهر واختفاء اهمية الحاجة القبلها واسباب تانية كتير هنتعرف عليها انهاردة مع منار السيد .

ورجعتلكم بيكي محمد بتكملة لعيوب السفر والعيشة فالغربة الحلم لكل شاب عربي واللي لما بيوصله بيكتشف انه مش حلم وردي وأن مفيش جنة فالخارج بل فيه صعوبات ومسؤوليات زي اي مكان فالعالم لأن ديه هي سُنة الحياة

سن المراهقة والشباب هو سن التمرد وعدم الرغبة في سماع رأي مختلف عن رأيك حتى لو رأي غلط ولكن مينفعش ننسى دور اهالينا في حياتنا وهو انهم يرشدونا فعز توهتنا وانهم يكونوا صوت العقل والحكمة واننا المفروض نسمعم وده موضوع حلقتنا انهاردة مع سهيلة فريد .