YEN

المقاطعة تُعد هي أهم خطوة وتحالف اتحد عليها كل الشعوب العربية من فترة طويلة ويمكن ناس كتيرة مننا بدأت تقلق وتحس أنها بتأذي نفسها واننا كده بنضر شعبنا وشبابنا اللي شغالين فالاماكن ديه بل وفيه ناس بدأت تسأل ايه فدايتها من الاساس كل ده هنتعرف عليه واكتر مع مريم خالد

مع تقدم المجتمع وانتشار العولمة اصبح من الصعب جدًا التمسك بآراء ومتعقدات مجتمعك واصبح التفريق ما بين الصح والغلط شئ صعب جدًا والطرق اصبحت رمادية وعشان كده جاتلنا سهيلة فريد عشان تتكلم معانا انهاردة عن تشتت القيم والمبادئ في مجتمعنا العربي .

لتكوين شاب سوي قادر أنه يبدع في حياته لابد من مخاطبة وتكوين بيئة تربية إيجابية ليه والتربية الإيجابية اصبحت شئ مهم جدًا في الجيل الحالي بسبب الاختلاف الطبيعي بينن الاجيال وطريقة تقبل كل جيل للنصايح اللي بتقدم ليه وانهاردة جاتلنا رودي محمد عشان تتكلم مع الاهالي ومع الابناء فكله يجيب والده او والدته ويسمع الحلقة للتعرف على اسرار تكوين بيئة التربية الإيجابية .

كل شخص مر بماضي وزكريات فيها الحلو والوحش ولكن انهاردة ياسمين جايلنا بأغنية بتعبر عن كل واحد فينا اغنية عنوانها الماضي والزمان ياسمين انهاردة جاية تكلمنا عن واحدة من اهم الاغاني في المزيكا المصرية والعربية حكايتي مع الزمان .

كل واحد مننا سعات بيحس أنه مقصر في اتجاه اصدقاءه والناس القريبين منه وده بيخلينا نطرح على نفسنا سؤال وهوا ازاي نبين حُبنا للناس ديه ازاي نقدر نظهر مشاعرنا لصحابنا خصوصًا أن مش كل الناس عندها القدرة ديه تماما وبيواجهوا مشكلة وصعوبة في التعبير عن مشاعرهم فالعموم وعشان كده جاتلنا خيرية ابو القاسم عشان تكلمنا فالموضوع ده بالتفصيل

اوقات كتير بنضغط نفسنا عشان خاطر الناس اللي حوالينا وبنحبهم لكن حتى المساعدة لازم يكون ليها حدود ولازم اننا نتعلم امتى نقول لا لأن الرفض عُمره ما كان شئ يقلل من الإنسان لكن اذية الشخص الذاته هوا ده الغلط الحقيقي وانهاردة مع ريمان يوسف هنتعلم ازاي نقول لا.

ليه الإنسان ممكن يكرر نفس الغلطة اكتر من مرة وهل ده بيكون شئ غصب عنه فعلًا أم بإرادته لكن عقله بيحاول يقنعه بشئ مختلف لإرضاء ضميره كل ديه اسئلة محتاجين نعرف إجابتها وعشان كده جاتلنا انهاردة جنا إبراهيم عشان تعرفنا ايه هوا التكرار القهري.

العلاقات جزء من حياة كل بني آدم وربنا خلق البشر عشان يكون مابينهم علاقات سواء عائلية او صداقة او حتى علاقات مؤذية تؤدي لخبرات نكتسبها في حياتنا ولازم نكون متفهمين أن كل علاقة مهما كان نوعها لازم هنمر بيها وانهاردة مع حبيبة محمد هنتعرف بالتفصيل عن العلاقات في حياتنا.

كل واحد مننا بيمر بحرب التاني ميعرفش عنها حاجة واول خطوات الفوز في الحرب هي إدراك أنها جزء من كياننا كبشر أننا نكون في صراع واضطراب فنتقبل الازمة ونفكر ازاي هنتعامل معاها وانهاردة مع شهد سعيد جاية تكلمنا بالتفصيل عن الصراع النفسي