YEN

بسبب صعوبة ودوشة الحياة وسعينا المتواصل نحو النجاح أصبح من الصعب احيانا اننا نُدرك قيمة النعم اللي فأيدنا وده بيؤدي اننا بنخسر نعمة كبيرة وهي نعمة الامتنان واللي هتكلمنا عنها انهاردة نور ايمن.

ربنا ليه حكمة في كل شئ في الأرض وده شئ تتفق عليه كل الأديان السماوية وحتى الأعياد ليه حكمة فيها وكل عيد ليه سحر خاص عالشخص وعالمجتمع ككل والسنة ديه العيد كان مختلف في ظل مشاكل مجتمعية وصراعات دولية حقيقي كل ده ابرز مدى سحر الاعياد وأن حتى في اضيق الأوقات ربنا عاطينا وقت نستريح فيه وانهاردة ملك نور الدين جاية تتكلم معاكوا في الموضوع بالتفصيل.

أصبح السعي ورا الشهرة والترندات من أهم الاولويات عند أي شخص وبسبب السوشيال ميديا وإلتقاء الثقافات أصبح فيه جزء كبير مننا في حالة من التشتت والسعي الخاطئ نحو ترندات تخالف معتقدات كتير في حياتنا والسعي ده بيترك صاحبه شخص مشوهه تائه في رحلة الحياة وانهاردة مع رودي وجنا هنتكلم بالتفصيل عن أزمة الترندات

مصر روحها وعادات شعبها بيضيفوا لكل مناسبة بشكل كبير وده من عاداتنا القديمة والاجواء العائلية حاجات كتير بتخلي ليها نكهة مختلفة وانهاردة مع ياسمين إسلام هتتكلم معانا عن رمضان في مصر وايه اللي بيميزه عن اي حتة فالعالم.

الأم هي مصدر الحياة والسعادة في كل شخص وعلاقة الأم بطفلها تعتبر من أكثر العلاقات حميمية وعُمق فهي علاقة مليئة بالحُب الغير نهائي والغير مشروط و زي اي حاجة فالدنيا لابد من الحرص على تطويرها وأن الأم لابد عليها أنها تفهم طفلها أكتر وتُدرك كيفية تعاملها معاه وفي حلقة انهاردة شُِرف فريق YEN بعمل مقابلات مع مسؤولين ومتطوعين في مركز إيمي للتعليم المستمر خلال إيفنت عيد الأم المُقام بالمركز في الكنيسة المرقسية.

ليه بنخاف من الفشل ؟🤔دايما عند الإنسان حتة الخوف من الفشل و خوض تجربه جديده ممكن يفشل فيها طب ليه بنخاف من المحاوله و الخسارة ده اللي هنعرفه مع ريمان يوسف 💜✨

الذكاء الإصطناعي أصبح جزء اساسي من واقعنا وعصرنا الحالي وأصبح من اللازم على كل واحد مننا أنه يتواكب مع ثورة هذا العصر لأن الوقوف امام سباق التطور مش هيؤدي غير للخسارة وانهاردة مع مريم خالد هتكلمنا عن الذكاء الإصطناعي في حياتنا بكل تفصيل

مع أختلاف الأجيال والعاات والتقاليد والبيئة والمُحيطة يظل هدف الإنسان في الحصول على الراحة النفسية واحد ومهما تنوعت مُسببات الراحة النفسية تظل الاسباب واحدة وانهاردة خيرية ابو القاسم هتتناقش معانا في مفهوم الراحة النفسية عند كل جيل واختلافه من جيل لأخر وهتاخدنا في رحلة نفسية بين الأجيال.

رمضان شهر الصوم والعبادة والتقرب من ربنا لكن العادات الإيجابية اللي بنعملها فرمضان من المفترض أنها تكون طول السنة وفيه عادات مغلوطة كتير الناس في شهر رمضان جه الوقت اننا نتعرف عليها مع سهيلة فريد ونتعرف ازاي نتخلص من العادات ديه💜✨