یوه موضوع، څو زاویې - Voice of America

په داسې حال کې چې د امریکا ولسمشریزو ټاکنو ته له ۵۰ ورځو کم وخت پاتې دی، د ډونالډ ټرمپ د ترور هڅې، د سیاسي تاوتریخوالي په اړه تازه پوښتنې را منځ ته کړي دي. د یوه موضوع څو زاویې په دې اونیزه خپرونه کې د امریکا راتلونکي ولسمشریزو ټاکنو ته کتنه شوې ده.

په افغانستان او نړۍ کې د تودو پيښو تحلیل او څیړنه د امریکا غږ په "یوه موضوع، څو زاویې" ځانګړې خپرونه کې هره شنبه د امریکاغږ د سپوږمکۍ او د ډیجیټلي شبکو له لارې وګورئ.

که څه هم په افغانستان کې د کوکنارو په کښت کې د پام وړ کمښت راغلی دی، خو د یوې څېړنې پراساس د اپینو د زېرمو د له منځه وړلو پر وړاندې هېڅ اقدام نه دی شوی، خو طالبان دا خبره ردوي. د یوه موضوع څو زاویې په دې اونیزه خپرونه کې په افغانستان کې د معیشت بدیل او د مخدره توکو سره د مبارزې څرنګوالي ته کتنه شوې ده.

د ولسمشر جوبایډن مرستیالې کاملا هریس د پنجشنبې په شپه اګست ۲۲ (سنبله لومړۍ) د ایلینوای ایالت په شیکاګو ښار کې د دیموکرات ګوند په کنوانسیون کې د ۲۰۲۴ کال د ولسمشرۍ په ټاکنو کې د خپل ګوند نوماندي په رسمي ډول ومنله.

په تېرو شاوخوا لسو ورځو کې په متحده ایالتونو او ترکیه کې د ځنګلي اورونو څخه نیولي بیا په پاکستان او د پورتوریکو په ټاپو کې تر سېلابونو پورې، نړۍ د اقلیمي بدلون جدي اغېزې تجربه کړې. د یوه موضوع څو زاویې په دې اونیزه خپرونه کې په نړۍ او افغانستان کې د اقلیم د بدلون اغېزو ته کتنه شوې ده.

درې کاله وړاندې په افغانستان کې د امریکا په مرسته رامنځته شوی جمهوري نظام سقوط او طالبان کابل ته ننوتل.د بشري حقونو نقضول یو له هغو مهمو لاملونو ګڼل کېږي چې تر اوسه په نړیواله کچه د طالبانو حکومت په رسمیت نه ‌دی پېژندل شوی. په افغانستان کې د طالبانو د حاکمیت پرمهال د بشري حقونو څځه سرغړونې پر طالبانو له جدي نیوکو او تورونو څخه ګڼل کېږي.

د ډونالډ ټرمپ او کاملا هرېس ټآکنیزو کمپاینونو زور اخیستی دی. ټرمپ د هرېس نژادي هویت تر پوښتنې لاندې راوستی دی او مېرمن هرېس وایي چې رقیب یې ورڅخه له مناظرې کولو وېره لري. د یوه موضوع څو زاویې په دې اونیزه خپرونه کې د متحده ایالتونو د ولسمشرۍ ټاکنیزو هلو ځلو ته کتنه شوې ده.

په افغانستان او نړۍ کې د تودو پيښو تحلیل او څیړنه د امریکا غږ په "یوه موضوع، څو زاویې" ځانګړې خپرونه کې هره شنبه د امریکاغږ د سپوږمکۍ او د ډیجیټلي شبکو له لارې وګورئ.

د جمهوري ریاست له ټاکنیز بهیر څخه د جو بایډن په شا کېدل او په راتلونکو ټاکنو کې له خپل مرستیالې څخه د ډموکرات ګوند د کاندیدې په توګه د ملاتړ اعلان، د پخواني ولسمشر ډونالد ټرمپ د وژلو ناکامه هڅه او د نومبر میاشتې په ټاکنو کې د جمهوري غوښتونکي ګوند د نوماندۍ ترلاسه کولو په ګډون د امریکا وروستیو سیاسي بدلونونو ته د یوه موضوع څو زاویې په دې اونیزه خپرونه کې کتنه شوې ده.

د شمالي اتلانتیک تړون (ناټو) سازمان په واشنګټن ډي سي کې خپله کلنۍ سرمشریزه بشپړه کړه. دغه پوځي سازمان سږکال خپله ۷۵ کلیزه ونمانځله. د ناټو غړو هیوادونو د اوکراین سره د اوږده مهال نظامي ملاتړ او په راتلونکې کې دې تړون کې د غړیتوب د ورکولو ژمنې وکړلې او په چین، ایران او شمالي کوریا یې انتقادونه وکړل چې په اوکراین باندې یرغل کې د روسیې سره مرسته کوي.