Zürigschnätzlets mit Sugo

S02E01, sozsäge. Ändlich simmer sowiit. Ändlich hämmer eus d Ziit gno. Ändlich.

Für die unter eu, wo's chuum ohni eus usghalte händ, hämmer ei Frag: Hender nüt bessers z tue?

Für die unter eu, wo das die aller erst Folg isch, wo's lose werdet, hämmer zwei Bemerkige: Was fallt eu nur iih? Mir hend no zig Episode scho ufgno - fanget gfälligsch bi Nr. 1 ah.

Danke.

Ach, und i dere Episode redemer dadrüber, ob di romantisch Liebi zwüsche zwei Mänsche, wo allfällig ine Beziehig chönnt münde, no existiert.

Öppis Liechts.

#ewigiliebi #zürigschnätzletsmitsugo #schweizerpodcast

Zum Abschluss vo de erste Staffle vo üsem Podcast luegemer zrugg uf e wunderbari Reis (ganzi 30 Episode hemmer ufgno, Wahnsinn!), besprächet, was mr eus vom kommende Summer erhoffet und rüehred mal d Frag in Ruum, ob's e zweiti Staffle geh sött, oder doch nöd.

Mir nähmed somit e Summeruusziit und wünsched eu allne en wunderbare Summer. Bis im Septämber, everyone!

#schweizerpodcast #seasonfinale #sommerauszeit

Mir sitzed doch beidi im gliiche Glashuus! Hauet einisch i de Wuche e Podcast-Episode use, posted uf Instagram (obwohl, das macht alles de Pino, de Vale rüehrt dött kein Finger) und spamet eui Ohre mit Belanglosem zue... isch'n das nöd arrogant vo eus? Isch'n das nöd 'von oben herab'?

Hand uf's Herz: Wänn hört d 'ich gönn dir nöd'-Iistellig uf und wänn fangt arrogants Verhalte ah?

Mir hend, wie doch so oft i dene mickrige 50min, wo mr mitenand verbringet, kei Antworte uf die Frage. Mir sind aber arrogant gnueg und fühlet eus berächtigt, imne semi-öffentliche Weg drüber z schwätze.

Dass du die Episode losisch isch denn dini Entscheidig :-D

#arroganz #selbstbewusstsein #schweizerpodcast

Bisch du zfriede mit dim Ussehe? Isch s Ussehe vo dinre Partner:in dir wichtig? Wänn ja, wie viel?

Mir gönnd dene Frage nöd wüki wüsseschaftlich nache, sondern chotzet - wie gwohnt - eusi Meinige use.

#iambeautiful #youarebeautiful #schweizerpodcast #dieschönenundderwahnsinn

De Pino het's gschafft: De Vale het dermasse wenig Idee, über was mr rede chönnd, dass mr über Autos schwätzet. Wobii, wie so oft bi üsne Folge, lohne tut sich s Lose ersch ab de Pause. Überprüefet's sälber!

#vrooom #schweizerpodcast #mobilitaet #personenwagen

Ässed meh Frücht und meh Gmües. Usserd iehr sind allergisch.

#schweizerpodcast #keilustufenlängeretext #früchteundgemüse

Stadtzürcher Bevölkerig bestaht über 30% us Usländer; fasch 50% vo de Stadtzürcher:inne sind im Usland uf d Wält cho; 170 Nationalitäte läbet i de Stadt; Jede und jedi het e eigeti Gschicht; ali eus verbindet grad mal eis: Mir wännd nöd uf Glarus zieh.

https://www.stadt-zuerich.ch/prd/de/index/stadtentwicklung/integrationsfoerderung/integrationsthemen/zahlen_und_statistik.html

#schweizerpodcast #migranten #stadtzüri #tsüri

ps: Lüütet euem Mami ah.

Ja, iehr hend's richtig gläse - mir redet tatsächlich über es Thema, wo i de Schwiiz in Bälde zur Abstimmig staht. Ja, hüt simmer mal wieder belehrend... zumindest de Vale. De Pino versuecht's mit persönliche Anekdote und - mal wieder und leider - mit Witz z neh. Insgesamt allerdings nur vier.

Lustig simmer zwar immer no, allerdings immer wie weniger. Was meined iehr?

ps: Info zu de Abstimmig findet iehr unter https://www.bag.admin.ch/bag/de/home/medizin-und-forschung/transplantationsmedizin/rechtsetzungsprojekte-in-der-transplantationsmedizin/indirekter-gegenvorschlag-organspende-initiative.html

#schweizerpodcast #organspende

Mir glaubet, dass d Beschriibig vo dere Folg am beste grad de Iileitigstext vo de Studie vom 'Bündnis gegen Cybermobbing' beinhalte sött:

"Mobbing und Cybermobbing ist leider ein fester Bestandteil unserer Gesellschaft geworden. Die gezielte Ausgrenzung und Demütigung von Personen oder Personengruppen über einen längeren Zeitraum, führt in vielen Fällen zu schwerwiegenden gesundheitlichen Problemen der Betroffenen und einer erheblichen Einschränkung ihrer Lebensqualität."

Quelle: https://www.buendnis-gegen-cybermobbing.de/fileadmin/pdf/studien/Mobbingstudie_Erwachsene_end_2021_fin.pdf

Mir hend's scho mal gseit: Sind lieb zunenand.

#schweizerpodcast #mobbing #cybermobbing

Mir merket, dass mr immer weniger lang redet, dafür immer meh z säge händ. Au i de drüezwänzigst Episode chömmer's nöd sii lah eus z fröge, wieso iehr euis zueloset (isch eus ächt es Gheimnis). Eigentlich wür's i dere Folg um's Altwerde gah, jedoch het sich de Pino nöd vorbereitet (het anschiinend anders z tue) und de Vale schwaflet mal wieder was vo Statistike und zahle über d Altersverteilig i de Schwiiz.

Losed sälber drii, dänn wüsseder's ja au.

#schweizerpodcast #überalterung #ALTER