Zürigschnätzlets mit Sugo

Nettolohn, Überschuldig, Leasing-Verträg... und de Mah im Schatte, wo nur druf wartet, eus umzbringe.

I dere Episode wüssemer ächt nöd, was besser worde isch: Eusi Diskussion vo finanzielle Theme (vom Vale induzierti Besprächige vo Statistike rund um Vermögens- und Lohnverteilige i de Schwiiz), oder de allerletzti Witz vom Pino.

D Antwort überlömmer eu.

Sind gspannt uf eui Antworte.

#schweizerpodcast #lohnverteilung #crazyrichzürcher

Bestefalls duuret die Episode maximal 50min, damit gwüssi unter eui (a) sich nöd ufreget und (b) nöd z viel verpasset, wil sie spötistens nach de dritte Minute scho iischlafet.

Was übrigens sicher au lang hebet sind Dinosaurier, Joghurt (gemäss Lagerigsempfehlig) und Uftragskunst.

#schweizerpodcast #ewigiliebi #daswünschidir

De Pino zieht's dure und verzellt mal wieder foif Witz, wobii's tatsächlich eine bis zwei schafft und halbwegs, teilwiis lustig sind. De Vale langwiilt mal wieder d Zuehörer:inne mit Statistike, wo nur er druf Zuegriff het (stimmt nöd) und niemmer interessieret. Alles natürlich immer im Thema bliibend: (Huus)Tier.

E tierisch gueti Folg, halt.

#schweizerpodcast #haustiereschweiz #hundoderkatze #howdoesthefoxsay

874,36.

So viel Milligramm Kokain het d Untersuechig vom Europäische Zentrum für Droge und Drogesucht 2020 pro 1'000 Iiwohner im Zürcher Abwasser gfunde. Jetzt verstömmer au, wieso öpper vo eus das Wasser immer trunke het.

Mir redet über eusi Kontaktpünkt zu Droge und Suchtmittel und sind beidi dr Meinig, dass, wänn mr beidi vo hüt uf morn kei Gäld meh uf'm Konto hettet, sich nöd viel wür verändere. Mr würed beidi brüelle und denn äfach wiiterschaffe.

Was würed iehr so mache?

#podcast #schweizerpodcast #kokainimabwasser

Anschiinend sind mir zwei als Chind viel lustiger gsi, als mr's jetzt sind. Wobii, mir sind wiiterhii zwei Chindschöpf und nani wüki erwachse worde, trotz eusem Alter. Und ja, die Ussag basiert uf Evidenz und isch kei Anekdote. Was ebefalls evident isch, isch, dass Pluto kein Planet isch, sondern en Zwergplanet.

Für die Info und wiiters unnützes Wüsse, los dri!

#schweizerpodcast #podcast #chindschöpf #plutoistnotaplanet

Wie und wo hemmer eus über de Krieg i de Ukraine informiert? Was hämmer gläse und wie verarbeitet mier de Inhalt? Was chönnd mir denn vo da us überhaupt mache?

So viel Frage, so viel Vertüüfige rund um die Tragödie, wo sich momentan im Oste vo Europa abspielt. Mir sind kei Politiker, mir sind kei Journaliste, mir sind kei humanitäri Experte - es nimmt eus mit und mir hoffed dademit, eu zur Inspiration z diene, so wiit wie's nur gaht, z hälfe.

#schweizerpodcast #podcasts #standwithukraine

Für die, wo dänked, i dere Episode gaht's um s*x o.Ä.: Shame on you! De Titel isch womöglich irrefüherend - allerdings bewusst. Mir redet mitenand drüber, wie mir mit de Entscheidige vom Bundesrat (16. Februar 2022) umgönnd und was die für eus bedüütet. Es sind kei Empfehlig, wie ihr damit umgah sötted, sondern meh üses Bedürfnis, eu eusi Meinig ufzdrucke. So simmer halt.

Und übrigens: wtf Russia?

#schweizerpodcast #podcasts

Mir beidi wüssed ganz gnau, dass es bis zu de Ferie na eeeeewigs gaht, trotzdem hemmer eus - i richtiger masochistischer Manier - über Ferie unterhalte. Wie so oft simmer allerdings abgschweift. S Resultat? Losed sälber ieh.

Eigentlich hämmer welle über de neu Netflix-Film 'Tinder-Schwindler' [1] welle rede und eus drüber ustuusche, wie sehr s Online-Läbe afällig für etwaigi Ver*rschige vo (semi-)kriminelle Akteure isch.

Dadrus isch allerdings öppis Fantastischs und für d Annale vo de Podcast-Wält entstande: Di wohl hässigst Episode vo üsere Reihe. Falls iehr also Lust uf durenandschwätze und af*gge uf tüüfem bis mittlerem Niveau hend, loset dri. Iehr werdet nöd enttüscht sii. Falls nöd, machet's doch trotzdem, mr bruuchet höcheri und besseri Zahle...

[1]: https://de.wikipedia.org/wiki/Der_Tinder-Schwindler

Nöchst Wuche stimmt d Schwiizer Bevölkerig über s Massnahmepaket zugunste vo de Medie ab. I dere Folg gömmer ÜBERHAUPT nöd uf das iih und verzellet vom Nähchästli, was mr lueget, was mr loset und was susch so lauft (und läset, aber das passt nöd eso schön in heilige Strasseverkehrdrügespann).

Und no öppis: Speedos sind cool.

#schweizerpodcast #podcast #medienpaket #luegeloselaufe