Wieso losed iehr eus überhaupt zue? Wieso wännd iehr meh drüber erfahre, was mr über s Stinke, über soziali Medie und über Organspänd dänket? Das ergit doch überhaupt kei Sinn?!

Aso mir würed eus nöd zuelose. Aber, hey, was wüssed mir scho was iehr wännd. Hauptsach es isch wieder mal e Episode duss.

#schweizerpodcast #organspende #notoninstagram #gutstrasseistnichtgut

Unterschiedlichi Meinige zu de Unterschiid zwüsche Manne und Fraue werdet i dere Episode thematisiert. Debii sprächemer d Stereotypisierig vo Manne und Fraue ah. Mir gönnd uf konkreti Veränderige ii, wo mr us üsere Sicht chönnted de Minderig vo de negative Effekt vo söttige Stereotypisierige biiträgend umsetze. Drüber hinuus verzellemer au öppis über üse Porno-Konsum. Alles schön verpackt i bitzli länger we e Stund. Was wott mr meh?

#steretypen #venusundmars #podcast #schweizerpodcast

Es isch knapp 70 Jahr her, wo sich in Basel (wäh) Tumult dur d Strass breit gmacht het: Da het doch tatsächlich öpper welle es Fründschaftspiil i de Stadt am Rheinchnüü dürefüehre lah. Holland vs Düütschland. Nüt speziells. Doch es isch es Spiil zwüsche de zwei Frauenationalmannschafte. De Schwiizerischi Fuessballverband het sich anno dazumal distanziert und gmeint, de Alass seg doch «eher in die Kategorie einer Schaustellung oder Zirkusdarbietung» iizordne. (Quelle: blog.nationalmuseum.ch)

Mir üsseret üs i dere Episode über Fuessball und über das, was euis de Teamsport bedüütet und sind dr Überzüügig, dass es völlig egal isch, welles vo de vilne Gschlächter Mänsche hend: De Fuessball ghört de Lüüt.

ps: Was in Tenero passiert, bliibt in Tenero. #trainingslager

#fussball #frauenfussball #fcwiedikon #teamsport #königinfussball

Mir nähmet euis vor:

1. viel meh Ziit mit dene Mänsche z verbringe, wo mr gern hend

2. gsünder z ässe

3. mit Sport ufzhöre, mir sind nämli z alt dafür worde

Und was nähmed iehr eu so vor für's 2022?

#neujahresvorsätze #podcast #schweizerpodcast #franksinatra #trivialpursuit #2022 #adieu2021

ps: Um de Titel z verstah, muesch die Episode bis zum bittere Ändi lose.

WAS?! De Samichlaus isch en Türk gsi?

WAS?! Coca Cola het de Santa Claus NÖD erfunde?

WAS?! Bafana Bafana isch de Spitzname vo de südafrikanische Fuessballnationalmannschaft?

Das sind nur drü vo viel meh Mysterie, wo mr i dere Folg lüftet.

Lüfte sötteder au regelmässig eui Wohnig.

#wiehnachte #schweizerpodcast #festtage #podcast #samichlaus #befana #bafanabafana

Mir überflüüged die meiste Kantön, beleidiget - nur am Rande - immer wieder de Kanton Glarus (meinets aber nöd ernst, usserd de Pino) und glanget zu üsem Lieblingskanton: Saan Gallä (+ Thurgau, isch ja gliich). Mir sind dr Überzüügig, dass s beste zum Schluss chunnt. Tschiuff-Tschiuff (aka Zug).

Das isch nöd de besti Text, wo mr jemals gschriibe händ, aber öpper vo euis findet en fantastisch.

#schweizerpodcast #kantönligeist #podcast #züri #nacktwandere #zurich #alphabetisch

Mir gönnd de Reihe nah und hated jeglichi Kantön ab, versueched au dadebii au de Kontext z geh. Im erste Teil vo dere Episode - wobii gseit (oder söllemer 'xeit' schriibe? lieber nöd.) werde muen, dass mr französischsprächendi Kantön uslönd / usgränzet - gömmer uf d Kantön Aargau bis Glarus iih.

Züri schriibt mr mit Z. Zum Glück nöd mit W.

#schweizerpodcast #kantönligeist #podcast #züri #nödtsüri #zurich #alphabetisch

Hüt machemer s Feister uf. S Feister, wo en Blick ermöglicht, i di tüüfste Sorge und Ängst, wo mr mit eus träget. S isch nöd immer ganz eifach, sich sälber zuezgestah, dass es eim nöd guet gaht. Fasch gnau so schwierig isches, sich anderne z öffne.

Es isch nöd immer alles Gold, wo glänzt und nöd alles Gold glänzt. Wänns eis git, wo eus di letzte Mönet glehrt hät, dänn isches eis: Läbet nöd i de eigete Seifeblase, sondern lönd Platz für eui Mitmänsche zue. Hebed Sorg zunenand.

--> https://www.promentesana.ch/selbstbestimmt-genesen/psychische-krankheiten-a-z

--> https://www.bag.admin.ch/bag/de/home/strategie-und-politik/politische-auftraege-und-aktionsplaene/politische-auftraege-im-bereich-psychische-gesundheit.html

Wänn's vier Key Takeaways i dere Episode geh sött, dänn sind's di Folgende:

1) S Bundesamt für Statistik sammlet fasch so viel Date über dis Bruefsläbe we LinkedIn. #datenkrakensalat

2) Reinigungskräft vo Schwiizer Usgeh-Clubs sötted meh Lohn becho. #graciasmaria

3) Lehrling sind nümm motiviert. Früehner isch alles besser gsi. #bruefstolz

4) Eus gaht's guet. #lügnöd

Häsch Vorschläg für s nöchste Thema? Mäld di bi euis uf Instagram!

Vergangeheit. Gägewart. Zuekunft.

D Familie repräsentiert d Riissfestigkeit vom rote Fade, wo sich dur euises Läbe spanne laht. Dass sich s Familiebild debii stark veränderet het, das isch klar. Dass mir zwei nur scho vor 10 Jahr es anders Bild vo dr damalige familiäre Zuekunft (aka dr hütige familiäre Gägewart) gha hend, isch ebefalls klar. Was sich hingege nöd veränderet het isch de Stellewert vom Glücklichsii im Läbe sälber, sozsäge em Rotton vom Fade.

Und was sich ebefalls nöd veränderet het isch üses Schmatze bim Chips ässe. Zwiifellos.