Mr munklet, e grossi Nase füehri dezue, eher z schnarche. Debii stimmt das gar nöd.

Mr munklet, jüngeri Lüüt seget nöd vo Schlafinterferenze ufgrund vonre schwache Blase betroffe. Debii stimmt das gar nöd.

Mr munklet, Träum sötted gläbt und s Läbe sött nöd träumt werde. Debii isch das nüt andersch als e doofi Bildbeschriibig uf Instagram.

I dere Folg gömmer uf Theme rund um de Schlaf los. Schlaflos. Schlaf, los!

Weisch ja wie's isch... laufsch dur s Quartier und *schwupp* gsehsch uf dr andere Strassesiite es bekannts Gsicht, oder *schwupp* im Gspröch mit me guete Kolleg wird öpper erwähnt, wo du vom Usgang vo 'früehner' kännsch, oder *schwupp* stalksch dis zuekünftige Tinder-Date uf Insta und gsehsch ganz viel Lüüt, wo d kännsch, wo dem Date au scho folget und... oops... eui gmeinsame Bekannti sind dir nöd so wohlwollend.

Züri isch chli, Züri wachst. Züri isch e Stadt, aber au es Dorf.

I dere Podcast-Folg redemer drüber, was mr unterneh cha, um dem goldene Käfig z entflieh und au, was es so schön glänze laht.