Stibä erklärt mir was Padel isch - nei, das het nüt mit Böötlä ufdr Aare zdüe. Padel isch e Mischig zwüschä Tennis und Squash. Inelosä!

Warschindläch die dümschdi Aktion woni bis ize gmacht ha und das erschd no mitem Robin zämä - hammer ^^

Mri si zämä über 16'000x ufne Box ufe gstande und wider abe.

Bim "Everesting" probiertmä dHöchi vom Everest zbewältige. Meistens machtme das amnä Berg zfuess oder mitem Velo. Mir heis ize haut mau dinne gmacht ufere Box... cm für cm. Dumm? Ja, scho bizeli... aber so simr ab und zue.

Fäbu vo erpse Institut für Ernährungsdiagnostik verzeut :)

Mir luege unger angerem ah: Ernährigsstrategieä für schneuäri Regeneration nachem Training, uswürkigä ufe Schlaf und vieles meh! Drilosä und Frage via Kommentar oder Nachricht steuä! Die düemer de ire Folg alli beantworte - ouso dr Profi - Fäbu.

dLara het gnue Geduld gha und erklärt mir, was Bachata-tanzä isch, was Afänger söte beachte und no viles meh! Inelose und bi Frage, sofort mäudä!

Name Studio/Community; Bachata Community Bern

Dr Marco verzeut vo sine Erfahrige us sogenannte Hybrid-Athlete.
Was genau macht ä Hybrid-Athlete us i sinä Ougä? Wie träniert dr Marco? Inelosä!

Bi Frage wie immer: Sofort mäudä – dr Marco chunt no paar mau zu mir iz Studio 🙂

Boah - Was fürnä Ehr! Dr Fabian Krebs (Fäbu) verzeut vo sine wertvouä Erfahrige.

Dr Fäbu schaffet zBärn bi "erpse" und het soones krasses wüsse dür si Lehrgang aber ou dür si Bruef, abartig!

Mir vö dr erschd Teil ah (äs wärdä no paar folgä!) und redä übere Energiehuushaut, Makronährstoff und schweifä ou bizeli ab.

Ganz wichtig: Mir wärdä mehreri Teilä mache, sit gspannt! We Du e Frag hesch bezüglich Ernährig schribmr bitte ä Kommentar oder Nachricht und i wirde dr Fäbu disbezüglich agah und evtl. wärdä mir dini Frag usfüürläch thematisiärä!

Das isch nur ä chline Teil gsi, äs chunt meh!

Dr Yvu - Ä Hockeyler erklärt Goufä are Person wo ke Ahnig het - mir :) Mir redä übere Iiistig i dä Sport und einiges meh! Inälosä ;)

Hesch Frage a Gast? Bisch mit öbisem nid iiiverstande? Schribmr es Mail ([email protected]), mach ä Kommentar hie oder DM uf Instagram.

Bitte was? Ja genau. dAnna isch ar Front gsi, ir Ukraine - Donezk. Wiso und was het gnau dr Sport dermit zdüä? Inelosä!

Hesch du Frage ad Anna oder wetsch meh ghöre zu dem Thema? Schribmr es Mail ([email protected]), mach ä Kommentar hie oder DM uf Instagram.

Dr Pädu verzeut ohni es blatt vor zmuu znää, wie är vore Sportsucht ine Depression grütscht isch. Dür sini offeheit erhoffimr, dasmr für serigi fäu enand ir Gsellschaft besser ungerstütze und enand zuelose und ärnschd nämä. Merci Pädu für dä iiblick.

Hesch du Frage a Pädu oder wetsch meh ghöre zu dem Thema? Schribmr es Mail ([email protected]), mach ä Kommentar hie oder DM uf Instagram.

5000km und 52'000hm - dr Robin isch aus Staff derbi gsi und verzeut bizeli, was är so erläbt het a eim vode hertischdä Strassevelo-Rennä vor Wäut.