Pinagusapan namin ang naging sagot ni James Reid sa isang interview kaya naman naisip namin na baka pinaparinggan nya ang kanyang ex na si Nadine Lustre. Hindi naman kami mga fan kaya pinagusapan na lang namin ang pagpaparinig sa panahon ng social media. May mga pinaringgan na ba kami? Ano ba ang mga paraan para magparinig? Kapag nagparinig ka ba sa isang bingi, tatamaan ba sya?

Una sa lahat, *shot* nakikiramay kami sa naiwang pamilya ni John Matthew Salilig. Sana ay makamit ninyo ang mailap na hustisya sa Pilipinas. Pinagusapan namin kung ano ba talaga ang pakinabang ng fraternity at bakit patuloy pa rin ang hazing. Ano ba ang pagkakapareho ng hazing ng fraternity sa faith healing ng mga televangelist? Kung ipinaglalaban natin ang equality, bakit walang oblation run ang mga sorority?

Dahil busy si Rico sa mga chicks nya, naghanap kami ng sikat na artista na pwede maging guest. Wala kami pambayad kaya nakipagkwentuhan na lang si Richard sa pinakacute nyang anak, si Rhian. Ano ba ang paborito nyang pagkain? Nagliligpit ba sya ng mga nakakalat nyang laruan? Anong mga skills ang gusto nya matutunan?

Movie Review ito ng Ant-man and the Wasp Quantumania kaya kung may marinig kayong spoilers, sorry na agad. Pinagusapan namin kung anong maganda at pangit sa movie na 'to dahil wala na kaming tiwala sa rotten tomatoes at imdb. Ano nga ba ang meron sa Quantumania? Bakit ito ang umpisa ng phase 5? Sino nga ba si Kang at bakit ang pangit ng pangalan nya?

Dahil tapos na ang Valentine's Day, pinagusapan namin ang mga heartbreaks namin sa buhay. Ilang beses na ba si Rico na-basted? Anong ginawa ni Richard sa kanyang first break up? Bakit nga ba hindi pa nababangga ng tren ang mga babae na nanakit sa amin?

Pinagusapan namin ang bagong scoring champion na si Lebron James at ang mga achievements namin. Gaano nga ba kahirap ang bagong achievement ni Lebron? Kaya ba nya maging top 2 sa klase nya? O magchampion sa chess nung grade 5? Kasi kami, kaya namin.

Pinagusapan namin ang ginawang pagtulong ni Mr. Beast sa isang libong bulag. Ano nga ba ang epekto ng pagtulong sa mga nangangailangan? Nakakadagdag ba ito ng pag-asa o tinuturuan lang silang umasa? Nawalan na nga ba kami ng pag-asa sa buhay kaya kami nagpopodcast?

Ano ang mga dahilan para magsunog ng tulay? May mga tao ba na karapat-dapat lang sunugan ng tulay? Gaano kahirap magsunog ng tulay? Yan ang pinagusapan namin sa episode 75 at kung masunog man ang tulay namin sa mga tao sa paligid namin dahil sa episode na ito, handa kami tanggapin ito para sa ikauunlad ng ating bansa. Pero sana 'wag.

Dahil maarte kami, pinagusapan namin ang A.I. art at kung gaano kalaki ang effort na kailangan para dito. Kailangan pa ba ng effort sa panahon ngayon kung karamihan sa mga bagay ay pwede mo na makuha sa isang click lang? Uso pa ba ang effort sa generation ni Rico at ano ang mga gawain na binibigyan namin ng effort?

Happy New Year mga ka-bote. Dahil 1 month na naman kami hindi nagrecord, pinagusapan namin sa episode na ito ang mga success stories namin na pinasasalamatan namin sa taong 2022 kasama na ang bakasyon nitong Christmas break. At syempre, kung may success, meron din failures na pinagtawanan na lang namin para masaya.