Original Podcast with clickable words

https://tinyurl.com/25ut5yg9

Contact: [email protected]

China to impose 125% tariffs on American goods.

An tSín le taraifí de 125 faoin gcéad a ghearradh ar earraí ó Mheiriceá.

China is to impose tariffs of 125% on goods from the United States from tomorrow instead of the 84% previously announced.

Tá an tSín le taraifí de 125 faoin gcéad a ghearradh ar earraí ó na Stáit Aontaithe ó amárach seachas an 84 faoin gcéad a fógraíodh cheana.

The Chinese have raised the tariffs after US President Donald Trump raised tariffs on goods from China to up to 145%.

Tá na taraifí ardaithe ag na Sínigh tar éis d’Uachtarán na Stát Aontaithe Donald Trump taraifí ar earraí ón tSín a ardú go dtí suas le 145 faoin gcéad .

While Trump is lashing out at everyone, his focus is particularly on China at the moment.

Cé gur ag diúracadh an cháich sa tor atá Trump is sa tSín go háirithe atá a gha i láthair na huaire.

In this regard, and in accordance with the well-established art of war, China is seeking to ally itself with those other countries that Trump is imposing tariffs on, including member states of the European Union.

Ina dhíol sin, agus de réir ealaín sheanbhunaithe an chogaidh, tá an tSín ag féachaint le comhghuaillíocht a dhéanamh leis na tíortha eile sin a bhfuil Trump ag taraifthromaíocht orthu, lena n-áirítear ballstáit an Aontais Eorpaigh.

Chinese President Xi Jinping met with Spanish Prime Minister Pedro Sánchez in Beijing today to discuss the major transformation of the global economic order.

Bhí cruinniú ag Uachtarán na Síne Xi Jinping le Príomh-Aire na Spáinne Pedro Sánchez i mBéising inniu leis an gclaochló mór ar eagar eacnamaíochta an domhain a chíoradh.

Xi reportedly called on the Spaniard, and by extension the rest of the European Union, to join hands with China and stand firm against Trump’s “unilateral bullying.”

Tuairiscítear gur iarr Xi ar fhear na Spáinne, agus dá réir sin ar an gcuid eile den Aontas Eorpach, dul i gcomhar leis an tSín agus an fód a sheasamh in aghaidh “mhaistíneacht aontaobhach” Trump.

At a press conference after the meeting, Sánchez said that the international trade conflict should not be allowed to affect relations between the European Union and China.

Ag preasócáid i ndiaidh an chruinnithe, dúirt Sánchez nár cheart ligean don choimhlint trádála idirnáisiúnta cur isteach ar an gcaidreamh idir an tAontas Eorpach agus an tSín.

He indeed suggested that the Union intended to expand that relationship and sell much more goods to China in the future.

Thug sé le tuiscint go deimhin go raibh faoin Aontas cur leis an gcaidreamh sin agus i bhfad níos mó earraí a dhíol leis an tSín san am le teacht.

Without stopping China and the European Union, Trump’s ‘I ask for a reason’ doesn’t seem to be slowing down and he announced last night that he would impose tariffs and sanctions on Mexico if that country did not provide flood water from the Rio Grande to the state of Texas.

Gan an tSín agus an tAontas Eorpach a bhac, is cosúil nach bhfuil ‘Iarraim cúis’ Trump ag maolú pioc agus d’fhogair sé go taghdach aréir go ngearrfadh sé taraifí agus smachtbhannaí ar Mheicsiceo mura gcuirfeadh an tír sin tuiileadh uisce ón Rio Grande ar fáil do stát Texas.

RTÉ News and Current Affairs

Nuacht agus Cúrsaí Reatha RTÉ