«Sche jau scriv insatge, lura vegn quai dal venter e n'è betg insatge tschertgà» – quai di il cumponist Gion Balzer Casanova sin la dumonda co el cumponia.

Las emprimas chanzuns che Gion Balzer Casanova ha cumponì èn stadas per il diever en scola. Tranter quellas, era ses grond hit «La sera sper il lag». Propi edì uffizialmain chanzuns, ha el plitost tard. Ma lura ha el gì grond success cun diversas cumposiziuns. Sin l'anniversari dal cumponist oriund da Sursaissa e Rueun, ch'abitescha a Laax, pudain tadlar en l'emissiun dad oz insaquantas da sias cumposiziuns.