L'ultim di dal WEF è i a fin. Il chancelier da la Germania Olaf Scholz ha tegnì in pled ed era qua era l'Ucraina en il center. Nus essan dentant era stadas a la tschertga dal «Spirit of Davos» e nus avain fatg in facit dal WEF da la primavaira.

Tge pensan ils uffants dal WEF a Tavau? Nus essans idas a dumandar a scolaras e scolars da Tavau. Ed era els dus eran uffants a Tavau: Ils dus moderaturs dad SRF Urs Gredig ed Arthur Honegger èn creschids si a Tavau ed uss rapportan omadus dal WEF. 

Entant che Urs Gredig ha lavurà gia en giuvens onns en in hotel durant il WEF aveva Arthur Honegger da cumbatter cun la polizia pervi da ses chavels colurads.

Empè da messa datti discussiuns: In affar da finanzas è sa chasà durant il WEF en ina baselgia a Tavau. Dispittaivel? Ed era ha oz la Cussegliera federala Viola Amherd inscuntrà al secretari general da la NATO Jens Stoltenberg.

En ses pled è il president da l'Ucraina Wolodimir Selenski sa drizzà a las participantas ed ils participants dal Forum mundial d'economia cun in clom da s'unir internaziunalmain. Quai entant che ils dus frars Klitschko van dad in a l'auter termin a Tavau.

Il mund cumbatta cun guerra, crisas economicas, crisa da corona e la crisa dal clima. Uschia ha lieu il WEF durant in temp difficil per il mund. Tge rolla prenda il WEF en, en quest temp? Nus avainsa discurrì cun il directur dal WEF Alois Zwinggi.