Damaun è il di da sontg Valentin. «Noss chors» chantan perquai chanzuns d'amur. Quellas èn oz deditgadas a las giuvnas. La tradiziun dal di da sontg Valentin vegn dal terz tschientaner. Lura aveva l'imperatur roman Claudius il Segund scumandà ad umens che vivevan persuls da maridar durant il temp da guerra. In augsegner cun il num Valentin aveva dentant tuttina ensinà insaquants pèrs, ed è perquai vegnì executà ils 14 da favrer 269.

Perquai vegn ozendi festivà quest di il di da sontg Valentin. Ins regala massa matgs fluras, tschigulattas e bunas tschainas. Cun quests pitschens regals vegni fatg in plaschair ad il char u a la chara. «Noss chors» fan oz quai cun chanzuns d'amur ch'èn deditgadas a la matta.