Abbyr Shen Reesht - Say That Again

Ayns 'Jamys Jeheiney', ta Jamys Kinry cur feyshtyn mychione baagh, mychione film, as eisht ta'n doolane foin dy chur enn er three coraaghyn. Ta Phil Gawne smooinaghtyn mychione y Nollick, lesh three arraneyn cochianglt ree, as va ny fockleyn (paart jeu, ec y chooid sloo) ry chlashtyn ayns 'Goll as Gaccan'. Ta Richmal Crompton mie er enn son ny skeealyn scruit eck mychione Jus Illiam, agh ayns 'Claare ny Gael' ta shin clashtyn yn chied ayrn jeh chyndaays 'sy Ghaelg jeh skeeal scruit eck mychione Toyrtys Nollick.

In 'Jamys Jeheiney', James Harrison poses questions about an animal, about a film, and then the challenge to us is to recognize three voices. Phil Gawne is thinking about Christmas, with three songs associated with it, and the words (some of them, at least) were to be heard in 'Goll as Gaccan'. Richmal Crompton is well-known for the stories written by her about Just William, but in 'Claare ny Gael' we hear the first part of a translation into Manx of a story written by her about A Christmas Present. 

Ta Jamys Kinry cur nuy questionyn orrin ayns 'Jamys Jeheiney', 'sy chlaare shen vees goll er jannoo eddyr yn BBC as Radio Vannin. Ayns 'Goll as Gaccan', ta Phil Gawne ginsh dooin ny fockleyn jeh drane cochianglt rish shenn chliaghtey faggys da toshiaght y vee shoh, as jeh drane elley cochianglt rish y Nollick as rish y Vlein Noa - foddee dy bee paart jeh ny fockleyn shen ymmydoil eh son screeu chaghteraght ayns kaartyn ny Nollick. Ta caa dooin clashtyn skeeal ghiare va scruit hoshiaght liorish Matsuo Basho, agh enmyssit Yn Chenn Voir ayns chyndaays 'sy Ghaelg ayns 'Claare ny Gael'.

James Harrison poses us nine questions in 'Jamys Jeheiney', in the programme which is a BBC/Manx Radio co-production. In 'Goll as Gaccan', Phil Gawne tells us the words of a rhyme connected with an old custom close to the start of this month, and of another rhyme connected with the Christmas time and with the New Year - perhaps some of those words will be useful for writing a message in Christmas cards. We have the opportunity to hear a short story that was written originally by Matsuo Basho, but called Yn Chenn Voir (The Old Mother) in a translation into the Manx Gaelic in 'Claare ny Gael'.  

Ayns firrinys, cha nel veg ain y cheayrt shoh, agh shoh ny oyryn nagh row!

In truth, we don't have anything this time, but these are the reasons why not!

Ta three feyshtyn er Arran, three er Cosoylaghyn ny Co-chianglyssyn, as three Coraaghyn orroo dy chur enn ayns 'Jamys Jeheiney' marish Jamys Kinry. Ayns 'Goll as Gaccan' ta shin clashtyn coraa Juan y Christeen Mac y Nellan, hooar baase er y gherrid, ayns recortys jeant liorish Phil Gawne ec yn Chooish blein ny ghaa er dy henney. Foddee nagh nee skeeal ghiare ee t'ain ayns 'Claare ny Gael' y cheayrt shoh, agh studeyrys ny sketch scruit ec yn ughtar ass Bodmin, 'sy Chorn, 'Q', ny Arthur Quiller-Couch. She Scaan Dorraghey ta'n peesh shoh.  

There are three questions about Bread, three about Similarities or Connections, and three Voices to recognise, in 'Jamys Jeheiney' with James Harrison. In 'Goll as Gaccan' we hear the voice of John Christian Crellin, who died recently, in a recording made by Phil Gawne at the Cooish a year or two ago. Perhaps we don't have a short story in 'Claare ny Gael' this time, but a study or a sketch written by the author from Bodmin in Cornwall, 'Q', or Arthur Quiller-Couch. This piece is Dark Mirror.

Cha nel agh daa chlaare er-nyn-son y cheayrt shoh. Hoshiaght ta caa dooin smooinaghtyn er ny ansooryn da nuy questionyn currit orrin liorish Jamys Kinry ayns 'Jamys Jeheiney'. Lurg shen, ta skeeal ghiare ain va ry chlashtyn ayns 'Claare ny Gael', chyndaays 'sy Ghaelg jeh fer va scruit ec Neel Rana 'sy Vaarle, ny yei nagh nee'n Vaarle ta chengey ny mayrey echey.

There are only two programmes for us this time. First we have an opportunity to ponder on the answers to nine questions posed for us by James Harrison in 'Jamys Jeheiney'. After that, we have a short story that could be heard in 'Claare ny Gael', a translation into Manx of one that was written by Neel Rana in English, although English isn't his mother tongue.

Ta nuy questionyn er-nyn-son ayns 'Jamys Jeheiney' reesht, as ta Jamys Kinry prowal y stoyr fys as y cooinaght ain reesht. Ta shin clashtyn drane ny arrane beg ayns 'Goll as Gaccan', as ta Aalin Clague goaill arrane as ta Phil Gawne ginsh dooin ny fockleyn jeh. As ayns 'Claare ny Gael' ta skeeal ain ayns cummey far-skeeal, agh scruit er y gherrid 'sy Vaarle liorish Neel Rana mychione Shorys, y Ree Neu-Vainshtyragh, as chyndaait 'sy Ghaelg son y chlaare.

There are nine questions for us in 'Jamys Jeheiney' again, and James Harrison tests our store of knowledge and our memory again. We hear a rhyme or little song in 'Goll as Gaccan', and Aalin Clague sings and Phil Gawne tells us the words of it. And in 'Claare ny Gael' we have a story in the form of a myth, but written recently in English by Neel Rana about Shorys, the Invincible King, and translated into Manx for the programme.

Son y cheayrt s'jerree ta shin clashtyn meer liorish Juan y Geill ass Pargys Caillit ayns 'Traa dy Liooar'. She Fiona McArdle vees chebbal 'Shiaght Laa', as she'n chlaare s'jerree ee 'sy straih shoh. Ta nuy feyshtyn orrin reesht ayns 'Jamys Jeheiney' marish Jamys Kinry. Ayns meer ass 'Goll as Gaccan' ta shin clashtyn Sarah Hendy goaill yn chied ronney jeh arrane mychione Hop tu Naa. Ta skeeal ghiare ain ayns 'Claare ny Gael' ta mychione troailt ayns traa dy chur aash da cooinsheanse arryssagh.

For the final time we hear an extract by Jack Gell from the Manx paraphrase of Paradise Lost in 'Traa dy Liooar'. It's Fiona McArdle who's presenting 'Shiaght Laa', and it's the final programme in this series. There are nine questions put to us in 'Jamys Jeheiney' by James Harrison. In an extract from 'Goll as Gaccan' we hear Sarah Hendy singing the first verse of a song about Hop tu Naa. We have a short story in 'Claare ny Gael' which is about travelling in time to ease a guilty conscience.

Ta shin er jeet bunnys gys jerrey yn recortys jeant ec Juan y Geill jeh Pargys Caillit - cha nel agh un veer er mayrn lurg y pheesh shoh va ry chlashtyn ayns 'Traa dy Liooar'. Lurg meer ny ghaa ass 'Shiaght Laa', ta nuy questionyn orrin reesht choud's ta Jamys Kinry Mainshtyr y Whuiz ayns 'Jamys Jeheiney'. Ta shin clashtyn arrane beg jeant dy hoilshaghey magh y phoneme / l / ayns 'Goll as Gaccan', as ta Phil Gawne ginsh dooin ny fockleyn, chammah's cur dooin lessoon elley. Ta'n skeeal ghiare ain ayns 'Claare ny Gael' mychione dooinney ren cosney y Cronchor - agh cre'n aght hooar eh ny earrooyn shen?

We have come almost to the end of the recording made by Jack Gell of the Manx paraphrase of Paradise Lost - there is only one extract remaining after this piece that was to be heard in 'Traa dy Liooar'. After one or two bits from 'Shiaght Laa', we are asked nine questions again as James Harrison is Quizmaster in 'Jamys Jeheiney'. We hear a little song done to demonstrate the phoneme / l / in 'Goll as Gaccan', and Phil Gawne tells us the words, as well as gives us another lesson. Our short story in 'Claare ny Gael' is about a man who won the Lottery - but how was it that he got those numbers?

Ta shin goll bun-ry-skyn trooid yn chiaghtin y cheayrt shoh, myr shoh ta shin goaill toshiaght lesh nah ayrn y skeeal ghiare scruit hoshiaght 'sy Vaarle ec Americanagh, Joe Giordano, v'ayns 'Claare ny Gael'. Ta shin clashtyn coontey giare, roish my vees kione currit er y skeeal. Ayns 'Goll as Gaccan', ta shin clashtyn arrane beg son Mooinjer Veggey as ta Phil Gawne ginsh dooin ny fockleyn, chammah's cur lessoon ny Gaelgey neesht. Ta nuy questionyn er nyn son reesht ayns 'Jamys Jeheiney', as Jamys Kinry briaght jin mychione Jeshaghteyrys Cruinlagh (!), Aanrityn as Coraaghyn. She Maralyn Crellin ta ry chlashtyn ayns 'Shiaght Laa', as ta shin cheet gys jerrey y phodchreeley lesh meer elley ass Pargys Caillit 'sy recortys jeant liorish Juan y Geill, as va ry chlashtyn ayns 'Traa dy Liooar'.

We go upside down through the week this time, so we're making a start with the second part of the short story written originally in English  by an American, Joe Giordano, that was in 'Claare ny Gael'. We hear a short overview, before the story is brought to an end. In 'Goll as Gaccan', we hear a little song for Mooinjeer Veggey and Phil Gawne tells us the words, as well as giving a Manx lesson as well. There are nine questions for us again in 'Jamys Jeheiney', and James Harrison asks us about Orbital Mechanics (!), Fabrics and Voices. It's Maralyn Crellin who's to be heard in 'Shiaght Laa', and we come to the end of the podcast with another extract from the Manx paraphrase of Paradise Lost in the recording made by Jack Gell, and which was to be heard in 'Traa dy Liooar'.

Ta 'Traa dy Liooar' cur-lesh dooin meer elley ass Pargys Caillit, 'sy recortys liorish Juan y Geill. She Fiona McArdle ta chebbal 'Shiaght Laa' y cheayrt shoh. Ta questionyn mychione Hybridyn, Thieyn Aaght as Coraaghyn goll er cur liorish Jamys Kinry ayns 'Jamys Jeheiney' , as eisht ta shin clashtyn arrane giare 'sy Ghaelg, jeh ta Phil Gawne cur dooin ny fockleyn, roish my vees eh dyn leeideil trooid lessoon elley. Ta'n chied ayrn jeh skeeal scruit hoshiaght 'sy Vaarle ec Americanagh, Joe Giordano, ry chlashtyn ayns 'Claare ny Gael'.  

'Traa dy Liooar' brings us another extract from the Manx paraphrase of Paradise Lost, in the recording by Jack Gell. It's Fiona McArdle who presents 'Shiaght Laa'. Questions about Hybrids, Hotels and Voices are put to us by James Harrison in 'Jamys Jeheiney', and then we hear a short song in Manx, of which Phil Gawne gives us the words, before leading us through another lesson. The first part of a story written originally in English by an American, Joe Giordano, is to be heard in 'Claare ny Gael'.