Abbyr Shen Reesht - Say That Again

Lurg meer elley jeh Pargys Caillit liorish Juan y Geill ass 'Traa dy Liooar' ta shin clashtyn peesh giare ass 'Shiaght Laa'. Ayns 'Jamys Jeheiney', ta nuy questionyn er-nyn-son reesht, as ayns 'Goll as Gaccan' ta shin gynsaghey arrane beg dy ynsaghey y phoneme / p / roish my vees shin goll magh 'sy gharey marish Phil Gawne son lessoon ny Gaelgey. Fy yerrey, ayns 'Claare ny Gael', ta shin feddyn magh dy vel eer jeeanid noa elley ec Toad, cre erbee ta ny cumraagyn echey smooinaghtyn.

After another extract from Pargys Caillit by Jack Gell from 'Traa dy Liooar', we hear a short piece from 'Shiaght Laa'. In 'Jamys Jeheiney', there are nine questions for us again, and in 'Goll as Gaccan' we learn a little song to teach the phoneme / p / before going out into the garden with Phil Gawne for a Manx lesson. Finally, in 'Claare ny Gael', we find that Toad has yet another new passion, whatever his companions think.

Ta shin goaill toshiaght lesh meer ass Pargys Caillit, recortit ec Juan y Geill, as va ry chlashtyn ayns 'Traa dy Liooar' fastyr Jelune er Radio Vannin AM1368. Er coontey yn reihys mooar cadjin, cha row 'Shiaght Laa' goll fastyr beg Jerdein, myr shoh ta shin lheimmey er oaie gys 'Jamys Jeheiney', fastyr Jeheiney er Radio Vannin AM1368, as ta tooilley questionyn symoil goll er cur orrin liorish Jamys Kinry. Son 'Goll as Gaccan', hug Phil Gawne lesh recortys jeh Annie Kissack goaill arrane dy hoilshaghey magh y phoneme / h /, as eisht t'eh goll trooid ny fockleyn jeh roish my vel shin clashtyn eh reesht. Fastyr beg Jedoonee ayns 'Claare ny Gael', ta shin goll y raad ayns cart jiptianagh marish Mnr Toad, y Roddan Ushtey as y Chyaghan.

We start with a piece from Pargys Caillit, recorded by Jack Gell, and which was to be heard in 'Traa dy Liooar' on Monday afternoon on Manx Radio AM1368. Because of the general election, 'Shiaght Laa' wasn't on on Thursday evening, so we jump forwards to 'Jamys Jeheiney', on Friday afternoon on Manx Radio AM1368, and there are more interesting questions posed to us by James Harrison. For 'Goll as Gaccan', Phil Gawne brought with him a recording of Annie Kissack singing a song to illustrate the phoneme / h /, and then he goes through the words before we hear it again. On Sunday evening in 'Claare ny Gael', we take the road in a gypsy caravan with Mnr Toad, y Roddan Ushtey as y Kyaghan.

Lurg meer elley liorish Juan y Geill ass Pargys Caillit va ry chlashtyn ayns 'Traa dy Liooar', ta shin clashtyn meer ny ghaa ass 'Shiaght Laa' marish Maralyn Crellin. Ayns 'Jamys Jeheiney' ta nuy feyshtyn reesht currit orrin liorish Jamys Kinry. Ta arrane beg dy hoilshaghey magh y phoneme / a / ry chlashtyn ayns 'Goll as Gaccan', as Aalin Clague as Rob Cain cloie as goaill arrane, as Phil Gawne goll trooid ny fockleyn jeh. Ta arraneyn elley er-nyn-son ayns 'Claare ny Gael', lesh daa arrane tradishoonagh as fockle ny ghaa mychione sorchyn dy hiyn.

After another extract by Jack Gell from the Manx paraphrase of Paradise Lost that was to be heard in 'Traa dy Liooar', we hear some pieces from 'Shiaght Laa' with Maralyn Crellin. In 'Jamys Jeheiney' there are nine questions again put to us by James Harrison. There's a little song to illustrate the phoneme / a / to be heard in 'Goll as Gaccan', with Aalin Clague and Rob Cain playing and singing, and Phil Gawne going through the words of it. There are other songs for us in 'Claare ny Gael', with two traditional songs and a word or two about sorts of vessels.

Ass 'Traa dy Liooar' fastyr beg Jelune, ta meer elley ain ass Pargys Caillit, 'sy recortys jeant ec Juan y Geill. Fastyr beg Jerdein, she Fiona McArdle ta chebbal 'Shiaght Laa', agh ta shin clashtyn coraa Brian Mac Stoyll neesht. Tooilley feyshtyn er-nyn-son ayns 'Jamys Jeheiney' fastyr Jeheiney, lesh Jamys Kinry cur questionyn mychione Miallyn ard-ghooagh, Germanee ard-ghooagh, as mychione arrane ennoil. Lurg lessoon liorish Phil Gawne ta cur-lesh shin gys y gharey reesht, ta shin clashtyn arrane dy ynsaghey paitchyn Mooinjer Veggey y phoneme / j /, as eisht ta Phil cur kiare enmyn dooin, as daa jeu ayns rieughid er Rheynnyn y Reiltys as daa enmyn elley. Va ny meeryn shoh ry chlashtyn ayns 'Goll as Gaccan' fastyr Jedoonee. Fastyr beg Jedoonee ayns 'Claare ny Gael' ta meer elley as yn skeeal, Y Gheay ayns ny Shellee.

From 'Traa dy Liooar on Monday evening, we have another piece from Pargys Caillit, in the recording made by Jack Gell. On Thursday evening, it's Fiona McArdle who presents 'Shiaght Laa', but we hear the voice of Brian Stowell as well. More questions for us in 'Jamys Jeheiney' on Friday afternoon, with James Harrison posing questions about famous Michaels, famous Germans, and about a popular song. After a lesson by Phil Gawne that takes us to the garden again, we hear a song to teach the children of Mooinjer Veggey the phoneme / j /, and then Phil gives us four names, with two of them genuinely of Government Departments and two other names. These extracts were to be heard in 'Goll as Gaccan' on Sunday afternoon. On Sunday evening in 'Claare ny Gael' there's another part of the story, The Wind in the Willows.

As veg ain jeh Pargys Caillit er yn oyr nagh row 'Traa dy Liooar' goll, ta shin clashtyn hoshiaght meeryn ass 'Shiaght Laa', roish my vees doolane currit foin lesh feyshtyn liorish Jamys Kinry ass 'Jamys Jeheiney'. Ta lessoon giare er-nyn-son liorish Phil Gawne ass 'Goll as Gaccan', as eisht ta shin clashtyn toshiaght nah chabdil y skeeal ard-ghooagh, Y Gheay ayns ny Shellee, as chyndaays 'sy Ghaelg jeh'n Vaarle scruit hoshiaght ec Kenneth Graham.

With nothing of the Manx paraphrase of Paradise Lost because 'Traa dy Liooar' wasn't on, we hear first pieces from 'Shiaght Laa', before a challenge is thrown down to us with questions by James Harrison from 'Jamys Jeheiney'. There's a short lesson for us by Phil Gawne from 'Goll as Gaccan', and then we hear the start of the second chapter of the famous story, The Wind in the Willows, and a translation into Manx of the English written originally by Kenneth Graham.

Ass 'Traa dy Liooar' ta shin clashtyn meer elley jeh Pargys Caillit, lesh obbyr yn Arrymagh Thomas y Christeen goll er lhaih magh liorish Juan y Geill.

She Maralyn Crellin ta chebbal 'Shiaght Laa' y cheayrt shoh.

Ayns 'Goll as Gaccan' ta Phil Gawne lhaih magh ass screeuyn naight mychione taghyrtyn ny Gaelgey, as eisht t'eh jeeaghyn er daa ronney jeh hymn.

Ta shin cheet gys jerrey yn chied chabdil jeh Y Gheay ayns ny Shellee ayns 'Claare ny Gael'.

From 'Traa dy Liooar' we hear another extract from the Manx paraphrase of Paradise Lost, with Rev Thomas Christian's work being read by Jack Gell.

Maralyn Crellin presents 'Shiaght Laa' this time.

James Harrison is asking questions again in 'Jamys Jeheiney', this time about Afghanistan, The Muppets and Ships.

In 'Goll as Gaccan' Phil Gawne reads from a newsletter about Manx language events, and then looks at two verses of a hymn.

We reach the end of the first chapter of The Wind in the Willows in 'Claare ny Gael'. 

Lurg meer elley ass Pargys Caillit 'sy recortys liorish Juan y Geill va ry chlashtyn ayns 'Traa dy Liooar' ta shin goll er oaie gys towse dooble jeh 'Shiaght Laa' - va'n chied chlaare 'sy straih noa jarroodit y cheayrt s'jerree, myr shoh ta shin clashtyn shen, roish my vees Fiona McArdle chebbal meeryn as y chlaare shoh chaie.

Va questionyn ain ayns 'Jamys Jeheiney' reesht, agh ta foast three jeu ry heet, myr ta shin clashtyn Jamys Kinry soilshaghey magh.

Ayns 'Goll as Gaccan' ta Phil Gawne jeeaghyn er yn chied ronney jeh hymn Isaac Watts ayns chyndaays 'sy Ghaelg liorish yn Arrymagh J T Clarke .

Ta'n nah ayrn jeh chied chabdil y skeeal ard-ghooagh liorish Kenneth Grahame, Y Gheay ayns ny Shellee, ry chlashtyn ayns 'Claare ny Gael'.

After another piece from the Manx paraphrase of Paradise Lost in the recording by Jack Gell that was to be heard in 'Traa dy Liooar' we move on to a double dose from 'Shiaght Laa' - the first programme in the new series was overlooked last time, so we hear that, before Fiona McArdle presents pieces for the last programme.

We have questions in 'Jamys Jeheiney' again, but there are still three of them to come, as we hear James Harrison explaining.

In 'Goll as Gaccan' Phil Gawne is looking at the first verse of an Isaac Watts hymn in a translation into Manx by the Reverend J T Clarke.

The second part of the first chapter of the famous story by Kenneth Grahame, The Wind in the Willows, is to be heard in 'Claare ny Gael'.   

Ass 'Traa dy Liooar' ta shin clashtyn meer elley jeh Pargys Caillit 'sy recortys jeant ec Juan y Geill 'sy vlein 1980.

Cha row 'Jamys Jeheiney' ry chlashtyn y cheayrt shoh, myr shoh ta shin goll dy jeeragh gys 'Goll as Gaccan', as aynjee va Phil Gawne loayrt mychione gobbraghey 'sy gharey as goaill paart dy yough neesht - agh cre'n sorch?

Ayns 'Claare ny Gael' y cheayrt shoh chaie, cheayll shin mychione y Chyaghan faagail thie arragh dy row, as t'eh er jeet gys awin. Y cheayrt shoh ta shin clashtyn mychione yn aght ta'n Kyaghan as y Roddan Ushtey cheet dy ve nyn gaarjyn 'sy chyndaays shoh jeh skeeal Kenneth Grahame.

From 'Traa dy Liooar' we hear another extract from the Manx paraphrase of Paradise Lost in the recording made by Jack Gell in the year 1980.

'Jamys Jeheiney' wasn't to be heard this time, so we go directly to 'Goll as Gaccan', and in it Phil Gawne is talking about working in the garden and taking some drink as well - but what sort?

In 'Claare ny Gael' last time, we heard about the Mole leaving home one spring, and he's come to a river. This time we hear about the way y Kyaghan and y Roddan Ushtey come to be friends in this translation from Kenneth Grahame's story.

My vees oo geiyrt er ny fockleyn jeh Pargys Caillit ayns Lioar XX y Heshaght Vanninagh, yn cheayrt shoh ayns 'Traa dy Liooar' ta shin clashtyn Juan y Geill lhaih magh veih'n hoghtoo linney er duillag 11 gys yn chied linney er duillag 12.

Ta three boutyn dy whestionyn as three questionyn y pheesh ayndaue, ayns 'Jamys Jeheiney', as Jamys Kinry cur orrin feyshtyn mychione Lioaryn Roald Dahl, mychione Mraane ayns Sheanse, as mychione ny Gammanyn Olympagh.

Ta lessoon 'sy Ghaelg ain ayns 'Goll as Gaccan', as ta shin goll marish Phil Gawne stiagh 'sy gharey.

Ta shin jeeaghyn er chyndaays 'sy Ghaelg jeh toshiaght y skeeal, Y Gheay ayns ny Shellee, ayns 'Claare ny Gael', as shen jeh'n lioar ard-ghooagh shen liorish Kenneth Grahame, as ta shin clashtyn mychione yn aght ta'n Kyaghan cheet quail y Roddan Ushtey.

If you're following the words of the Manx paraphrase of Paradise Lost in Vol XX of the Manx Society, this time in 'Traa dy Liooar' we hear Jack Gell reading out from the eighth line on page 11 to the first line on page 12.

There are three rounds of questions and three questions apiece in them, in 'Jamys Jeheiney', and James Harrison puts questions to us about the Books of Roald Dahl, about Women in Science, and about the Olympic Games.

We have a Manx lesson in 'Goll as Gaccan', and we go with Phil Gawne into the garden.

We look at a translation into Manx of the beginning of the story, The Wind in the Willows, in 'Claare ny Gael', and that's of that famous book by Kenneth Grahame, and we hear about the way in which the Mole comes to the meet the Water Ringie. 

Ta shin clashtyn Juan y Geill choud's t'eh lhaih magh meer elley ass Pargys Caillit er-nyn-son ayns 'Traa dy Liooar'.

Va'n lioar Skeealaght clouit ec yn Cheshaght Ghailckagh 'sy vlein 1976, as va kuse dy skeealyn scruit er-e-son liorish Colin y Jerry. Ta Phil Gawne lhaih magh fer jeu, Corkish, ayns 'Goll as Gaccan'.

Ren Sean O Bradaigh chyndaays jeh skeeal ass Mannin scruit 'sy Vaarle ec Dora Broome, The Merman's Coat. Ayns 'Claare ny Gael' ta shin clashtyn vershoon jeh shen 'sy Ghaelg, Cooat yn Dooinney Marrey, cur geill da'n vershoon 'sy Yernish chammah's da'n skeeal 'sy Vaarle.

We hear Jack Gell as he reads out another extract from the paraphrase in Manx of Paradise Lost for us in 'Traa dy Liooar'.

The book Skeealaght was published by Yn Cheshaght Ghailckagh (The Manx Language Society) in the year 1976, and there were several stories written for it by Colin Jerry. Phil Gawne read out one of them, Corkish, in 'Goll as Gaccan'.

Sean O Bradaigh made a translation of a story from Mannin written in English by Dora Broome, The Merman's coat. In 'Claare ny Gael' we hear a version of that in the Manx Gaelic, Cooat yn Dooinney Marrey, noting the version in Irish as well as the story in the English language.