Abbyr Shen Reesht - Say That Again

Va meer ass Pargys Caillit ry chlashtyn ayns 'Traa dy Liooar' y cheayrt shoh, myr shoh ta caa dooin clashtyn Juan y Geill lhaih magh shen er-nyn-son.

Ayns 'Goll as Gaccan' ta drane ry chlashtyn, jeusyn ta goll er screeu dy ynsaghey paitchyn sheeanyn ny Gaelgey. 

Ta shin foast jeeaghyn er cooinaghtyn Neddy Beg Hom Ruy ayns 'Claare ny Gael', as y cheayrt shoh t'eh cheet er yn aght va ny eeasteyryn gymmyrkey tra v'ad cheet gys jerrey yn imbagh as va'n eeastagh skeddan cheet gy kione.

There was an extract from the Manx paraphrase of Paradise Lost in 'Traa dy Liooar', so we have the opportunity to hear Jack Gell reading out that for us.

In 'Goll as Gaccan' there's a rhyme to be heard, one of those that are being written to teach children the sounds of the Manx Gaelic language.

We're still looking at the reminiscences of Neddy Beg Hom Ruy in 'Claare ny Gael', and this time he's referring to the way that the fisherman behaved when they were coming to the end of the season and the herring fishery was coming to a close.

Ta ny nuy questionyn er-nyn-son ayns 'Jamys Jeheiney' mychione : Cayrnyn; Armyn (yn Heraldys); as mychione Eeym (ny stoo vees jeant dy ve myr eeym). Myr shoh, reayn lhean dy chooishyn t'er nyn reih ec Jamys Kinry.

Ta caa dooin goaill soylley jeh show va jeant mleeaney ec paitchyn y Vunscoill Ghaelgagh - Skeeal mychione y Chliwe Macabuin. Ta Phil Gawne lhaih magh toshiaght y skeeal ayns 'Goll as Gaccan', as eisht ta shin clashtyn ny paitchyn hene.

Ayns 'Claare ny Gael' ta shin mooie er y cheayn reesht marish Neddy Beg Hom Ruy choud's t'eh ginsh dooin mychione ny cliaghtaghyn cochianglt rish yn eeastagh skeddan ayns ny laghyn va ny baatyn eeastee fo hiauill.

There are nine questionyn for us in 'Jamys Jeheiney' about : Horns; Coats of Arms (Heraldry); and about Butter (or stuff that's made to be like butter). So, a wide range of subjects that have been chosen by James Harrison.

We have an opportunity to enjoy a show that was performed this year by children of the Bunscoill Ghaelgagh - A Story about the Sword Macabuin. Phil Gawne reads out the start of the story in 'Goll as Gaccan', and then we hear the children themselves.

In 'Claare ny Gael' we're out on the sea again with Neddy Beg Hom Ruy as he tells us about the customs associated with the herring fishery in the days when the fishing boats were under sail.  

Ayns 'Jamys Jeheiney', ta Jamys Kinry cur nuy feyshtyn orrin, bentyn rish three cooishyn t'eh er reih y cheayrt shoh : yn Chapaan; Fynnoddereeyn; as Lughee. 

Ta shin clashtyn drane elley jeant ec Phil Gawne as Annie Kissack dy ynsaghey y phoneme /r/ 'sy Ghaelg da paitchyn. Chammah's shen ayns 'Goll as Gaccan', ta Phil Gawne loayrt mychione shappal.

Ta shin clashtyn dy row Neddy Beg Hom Ruy screeu sheese e chooinaghtyn as skeealyn cheayll eh woish sleih elley choud's v'eh er boayrd baatey eeastee va ny lhie ayns Crookhaven, as dy vel ooilley ny reddyn shoh jannoo seose screeuyn. Ta ny meeryn shoh ry chlashtyn ayns 'Claare ny Gael'.

In 'Jamys Jeheiney', James Harrison puts nine questions to us, associated with three topics he's chosen this time : Japan; Fynnodderees; and Mice.

We hear another rhyme performed by Phil Gawne and Annie Kissack to teach the phoneme /r/ in the Manx language to children. As well as that in 'Goll as Gaccan', Phil Gawne talks about shopping.

We hear that Neddy Beg Hom Ruy was writing down his reminiscences and stories he heard from other people whilst he was aboard a fishing boat which was lying at Crookhaven, and that all of these things comprise a letter. These extracts are to be heard in 'Claare ny Gael'.

Ta shin clashtyn meer elley ass Pargys Caillit ayns 'Traa dy Liooar', as Juan y Geill lhaih magh obbyr yn Arrymagh Thomas y Christeen er-nyn-son.

Ayns 'Jamys Jeheiney' ta jeih questionyn goll er cur orrin liorish Jamys Kinry, agh cha nel agh nuy ansooryn ry gheddyn - shegin dooin fuirraghtyn derrey y nah cheayrt dy gheddyn magh y jeihoo ansoor. Reesht, questionyn er caghlaaghyn cooish as caa dy gheddyn magh tooilley fys my-nyn-gione neesht.

Er yn oyr dy row 'Goll as Gaccan' goll er scaalheaney yn laa roish sharmaneys bleinoil y Reiltys ayns Balley Keeill Eoin, ta Phil Gawne ginsh dooin raaghyn cooie da'n laa hene, as mychione shiartanse dy leih vees ry akin goaill ayrn 'sy charmaneys.

Myr cheayll shin ayns 'Claare ny Gael' roish nish, va ayr Neddy Beg Hom Ruy mie er enn myr eeasteyr, agh va'n baatey echey mooirchoorit blein dy row. Tra va oyr ec Thomas Nicky, yn Gaaue Garroo, va mainshter y vaatey eeastee, H B Duke, tannaghtyn sthie, vrie eh jeh ayr Neddy Beg dy ve ny vainshter, as hie Neddy Beg Hom Ruy marish e ayr, myr oltey jeh skimmee va beggan keoie as currit da'n jough. 

We hear another extract from Pargys Caillit in 'Traa dy Liooar', with Jack Gell reading out the work of Rev Thomas Christian for us.

In 'Jamys Jeheiney' there are ten questions put to us by James Harrison, but there are only nine answers to be had - we have to wait until the next time to find out the answer to the tenth question. Again, questions on various subjects and an opportunity to find out further information about them as well.

Because 'Goll as Gaccan' was being broadcast the day before the Government's annual ceremonial in St John's, Phil Gawne tells us about phrases appropriate to the day itself, and about certain people who are to be seen taking part in the ceremony.

As we heard in 'Claare ny Gael' before now, Neddy Beg Hom Ruy's father was well-known as a fisherman, but his boat was wrecked one year. When there was a reason for Thomas Nicky, the Gaaue Garroo (the Rough Smith), master of the fishing boat, H B Duke, to remain at home, he asked Neddy Beg's father to be the skipper, and Neddy Beg Hom Ruy went with his father, as a member of a crew that was a bit wild and given to the drink.

Ta shin foast tannaghtyn lesh y recortys liorish Juan y Geill jeh meeryn ass Pargys Caillit ayns 'Traa dy Liooar'.

Ayns 'Shiaght Laa' ta shin jeeaghyn er Laa Columb Killey as Gaelg Nane as Feed, er bun yn ockle as yn eie, Utopia, ta goll er ymmydey 'sy lhing shoh, as ta shin clashtyn arrane noa scruit ec Emily, Cristl as Ned jeh'n Vunscoill Ghaelgagh son Gaelg Nane as Feed, Gaelg Aboo!

Ta jeih questionyn er-nyn-son y cheayrt shoh ayns 'Jamys Jeheiney', as ta Jamys Kinry ginsh dooin beggan mychione ny cooishyn neesht.

Cha row lessoon ny skeeal ain 'sy Ghaelg ayns 'Goll as Gaccan' y cheayrt shoh, myr shoh ta shin goll er oai gys 'Claare ny Gael', as cooinaghtyn elley liorish Neddy Beg Hom Ruy.

We still stick with the recording by Jack Gell of extracts from the Manx paraphrase of Paradise Lost in 'Traa dy Liooar'.

In 'Shiaght Laa' we're looking at Laa Columb Killey and Gaelg 21, at the meaning of the word and the idea, Utopia, which is used these days, and we hear a new song written by Emily, Cristl and Ned of the Bunscoill Ghaelgagh for Galeg 21, Gaelg Aboo!

There are ten questions for us this time in 'Jamys Jeheiney', and James Harrison tells us a little about the topics as well.

There wasn't a lesson or a story for us in Manx in 'Goll as Gaccan' this time, so we go ahead to 'Claare ny Gael', and more reminiscences of Neddy Beg Hom Ruy.

Ayns 'Traa dy Liooar' ta shin clashtyn Juan y Geill choud's t'eh lhaih magh meer elley jeh Pargys Caillit, recortys va jeant echey 'sy vlein 1980.

Ta Maralyn Crellin loayrt mychione yn Iomairt Colm Cille ayns 'Shiaght Laa', as yn traa v'eh lhunnit 'sy vlein 1997, as eisht mychione yn aght ta Ellan Vannin cheet dy ve cochianglt rish. T'ee loayrt neesht mychione Noo Carbory as yn skylley lesh yn ennym echey, agh cha nel yn ennym echey er keeill ny skylley.

Ta nuy questionyn er-nyn-son ayns 'Jamys Jeheiney', as Jamys Kinry ad y chur dooin.

Va keayrtagh goaill ayrn ayns 'Goll as Gaccan', as ta shin clashtyn Rob Teare lhaih magh fogrey mychione obbyr ny Cossackyn Sulby, eisht ta Phil Gawne lhaih magh skeeal liorish Caesar Cashin, as eisht screeuyn aitt va er clouit 'sy Chaghter Vona.

Ta shin tannaghtyn rish clashtyn cooinaghtyn Neddy Beg Hom Ruy ayns 'Claare ny Gael', as eh ginsh dooin mychione yn traa echey er yn eeastagh skeddan as hake.

In 'Traa dy Liooar' we hear Jack Gell as he reads out another extract from Paradise Lost, a recording that was made by him in the year 1980.

Maralyn Crellin talks about the Iomairt Colm Cille in 'Shiaght Laa', and the time it was launched in the year 1997, and then about the way in which the Isle of Man has come to be involved with it. She also talks about St Carbory and the parish which has his name, but his name is not given to the parish church.

There are nine questions for us in 'Jamys Jeheiney', and James Harrison puts them to us.

There was a guest taking part in 'Goll as Gaccan', and we hear Rob Teare reading out an announcement about the work of the Sulby Cossacks, then Phil Gawne reads out a story by Caesar Cashin, and then an amusing letter which was published in the Mona's Herald.

We're continuing with hearing about the reminiscences of Neddy Beg Hom Ruy in 'Claare ny Gael', as he tells us about his time at fishing for the herring and for the hake.

Ayns 'Traa dy Liooar' ta shin clashtyn meer elley ass Pargys Caillit, 'sy recortys jeant ec Juan y Geill.

She Fiona McArdle vees chebbal 'Shiaght Laa', as ta shin clashtyn mychione daa cheeill ayns Doolish nagh vel ry akin nish, as ad er nyn lhieggal paart dy vleeantyn er dy henney. Ta shin clashtyn neesht mychione Noo Colum Killey.

Ta nuy questionyn er-nyn-son ayns 'Jamys Jeheiney', as Jamys Kinry cur ad shen ayns three boutyn, bentyn rish Gorillaghyn, rish ny Naightyn as rish Ratchyn Liauyrey.

Ta Phil Gawne leeideil shin trooid kuse dy raaghyn ass Lessoonyn Toshee 'sy Ghailck liorish Edmund Goodwin ayns 'Goll as Gaccan', as eisht ta shin clashtyn drane va scruit dy ynsaghey sheeanyn ny Gaelgey da ny paitchyn ayns Mooinjer Veggey.

Ta shin jeeaghyn er cooinaghtyn Neddy Beg Hom Ruy reesht ayns 'Claare ny Gael', cur kione er yn skeeal echey mychione traa myr aarleyder, as goaill toshiaght er skeeal mychione yn eeastagh tra haink eh dy ve ny shinney.

In 'Traa dy Liooar' we hear another section of Pargys Caillit (Paradise Lost), in the recording made by Jack Gell.

It's Fiona McArdle who presents 'Shiaght Laa', and we hear about two churches in Douglas that aren't to be seen now, as they were demolished several years ago. We hear as well about St Columba of the Church.

Phil Gawne leads us through some sentences in First Lessons in Manx by Edmund Goodwin in 'Goll as Gaccan', and then we hear a rhyme that was written to teach the sounds of the Manx language to the children in Mooinjer Veggey.

We're looking at the reminiscence of Neddy Beg Hom Ruy again in 'Claare ny Gael', finishing off the story about a time as a cook, and beginning another story about the finishing when he became older.  

Ayns 'Shiaght Laa' ta shin clashtyn mychione Laare Ellynyn Phurt Chiarn, mychione y ghowaltys Abb Bell ayns Colby, mychione Colum Killey, as mychione yn skeeal cheu-chooylloo jeh'n arrane, Birlinn Ghorree Chrovan.

Ta caghlaa 'syn aght ta Jamys Kinry reaghey ny questionyn er-nyn-son ayns 'Jamys Jeheiney', agh she quiz t'ain reesht, kiart dy liooar.

Ta Phil Gawne jeeaghyn er paart beg jeh arrane liorish Neddy Beg Hom Ruy ayns 'Goll as Gaccan', roish my vees eh goll trooid raaghyn ayns lessoon ass Lessoonyn Toshee 'sy Ghailck, as eisht t'eh lhaih magh skeeal liorish Colin y Jerry va clouit ayns yn lioar Skeealaght.

Ta tooilley mychione Neddy Beg ayns 'Claare ny Gael', as eisht bit beg liorish Neddy Beg, ass screeuyn as ass skeeal mychione ceau oie er baatey eeastee - ta shin clashtyn yn toshiaght jeh shen.

In 'Shiaght Laa' we hear about the Erin Arts Centre, about Belle Abbey farm in Colby, about Colum Killey, and about the story behind the song, Birlinn Ghorree Chrovan.

There's a change in the way that James Harrison arranges the questions for us in 'Jamys Jeheiney', but we have a quiz again, right enough.

Phil Gawne looks at a small part of a song by Neddy Beg Hom Ruy in 'Goll as Gaccan', before he goes through the phrases in a lesson from First Lessons in Manx, and then he reads out a story by Colin Jerrey which was printed in the book Skeealaght.

There's more about Neddy Beg in 'Claare ny Gael', and then a little bit by Neddy Beg, from a letter and from a story about spending a night on a fishing boat - we hear the start of that.

Ta shin clashtyn toshiaght y daan hene, Pargys Caillit, 'sy recortys va jeant ec Juan y Geill, as va ry chlashtyn ayns 'Traa dy Liooar'.

Ta Maralyn Crellin chebbal 'Shiaght Laa', as ta shin clashtyn mychione Goaill Padjer ec ny Shenn Chialteenyn, mychione bea as obbyr y chloieder snag-chiaull, John Coltrane, as mychione y skeeal cochianglt rish arrane as va chyndaays jeant jeh 'sy Ghaelg liorish Doolish y Karagher.

Ta daa whestion jeig er nyn son ayns 'Jamys Jeheiney', rheynnit er kiare ayrnyn jeh three questionyn y pheesh liorish Jamys Kinry.

Son 'Goll as Gaccan', ta Phil Gawne stiurey shin trooid lessoon 42 jeh Lessoonyn Toshee 'sy Ghailck liorish Edmund Goodwin, roish my vees Phil as Annie Kissack goaill drane liorish Sharon Christian dy ynsaghey paitchyn yn sheean [k].

Ta shin cur kione er yn straih dy hyndaaysyn liorish Neddy Beg Hom Ruy jeh Skeealyn Aesop ayns 'Claare ny Gael', as ta shin clashtyn meeryn ass screeuyn Neddy Beg neesht. 

We hear the start of the poem itself, Pargys Caillit (Paradise Lost), in the recording that was made by Jack Gell, and was to be heard in 'Traa dy Liooar'.

Maralyn Crellin presents 'Shiaght Laa', and we hear about Praying the Keeills, about the life and work of jazz player, John Coltrane, and about the story connected with a song of which a translation into Manx was made by Doug Fargher.

There are twelve questions for us in 'Jamys Jeheiney', shared between four parts of three questions apiece by James Harrison.

For 'Goll as Gaccan', Phil Gawne leads us through lesson 42 of First Lessons in Manx by Edmund Goodwin, before Phil and Annie Kissack perform a rhyme by Sharon Christian to teach children the sound [k].

We come to the end of the series of translations by Neddy Beg Hom Ruy (Edward Faragher, Cregneash) of Aesop's Fables in 'Claare ny Gael', and we hear extracts from a letter of Neddy Beg as well. 

Ayns 'Traa dy Liooar' ta Juan y Geill cur kione er Gys yn Lhaider, yn roie-raa roish Pargys Caillit, y paraphrase jeh Paradise Lost 'sy Ghaelg, scruit ec yn Arr Thomas y Christeen.

Ta obbyr yn Olloo Avril Maddrell myr geo-oaylleeagh sheshoil as cultooroil goaill stiagh yn sym eck er y taghyrt bleinoil, Goaill Padjer ec ny Shenn Chialteenyn, jehsyn ta shin clashtyn ayns 'Shiaght Laa' Agh va paart dy voghtynys ayn neesht, as ta shin clashtyn my-e-chione, roish my vees goaill ayrn marish Doolish y Karagher ayns arrane.

Ta shin goltaghey back 'Jamys Jeheiney' , as goaill soylley jeh daa whestion jeig currit ec James Harrison.

Ta Phil Gawne as Annie Kissack goaill drane dy chur trimmid er yn sheean [g] ayns 'Goll as Gaccan'.

Ta 'Claare ny Gael' cur lesh dooin straih elley dy skeealyn giarey chyndaait 'sy Ghaelg liorish Neddy Beg Hom Ruy.

In 'Traa dy Liooar', Juan y Geill finishes Gys yn Lhaihder, the forward to Pargys Caillit, the paraphrase of Paradise Lost in Manx, written by Rev Thomas Christian.

Professor Avril Maddrell's work as a social and cultural geographer includes her interest in the annual event, Praying the Keeills, which we hear about in 'Shiaght Laa'. However, there was also a bit of a misfire, and we hear about that, before we join Doolish y Karagher in song.

We welcome back 'Jamys Jeheiney', and enjoy twelve questions put by Jamys Kinry.

Phil Gawne and Annie Kissack perform a rhyme to emphasise the phoneme [g] for us in 'Goll as Gaccan'.

'Claare ny Gael' brings us another series of short stories translated into Manx by Neddy Beg Hom Ruy.