Abbyr Shen Reesht - Say That Again

In 'Shiaght Laa' Maralyn Crellin refers to animals - particularly pigs (and starved pigs at that!) as well as birds in Manx song and tune titles. She also looks at St Bride/Bridget. James Harrison is worried that his questions may be too complicated for his guests, Daniel Quayle and Cesar Joughin in 'Jamys Jeheiney'. Simon Clarke and Phil Gawne enjoy something to eat in 'Goll as Gaccan'. Jonathan Harker is standing in front of Castle Dracula in our translation of Bram Stoker's story. What now? We find out in 'Claare ny Gael'.

Ayns 'Shiaght Laa' ta Maralyn Crellin cheet er beiyn - as er lheh er mucyn (as mucyn starvit, dy jarroo!) chammah's er ushagyn ayns enmyn arraneyn as carryn Vannin. T'ee jeeaghyn er Noo Breeshey neesht. Ta Jamys Kinry boirit foddee dy bee ny feyshtyn echey ro chramp son ny keayrtee echey, Daniel Quayle as Cesar Joughin ayns 'Jamys Jeheiney'. Ta Simon Clarke as Phil Gawne goaill soylley jeh red ennagh dy ee ayns 'Goll as Gaccan'. Ta Jonathan Harker ny hassoo roish Cashtal Dracula 'sy chyndaays ain jeh skeeal Bram Stoker. Cre nish? Ta shin feddyn magh ayns 'Claare ny Gael'.

Ayns 'Shiaght Laa' ta shin clashtyn mychione padjeryn ayns aght ny ayns aght elley, as paart jeu ayns arrane. Ta nuy questionyn reesht ayns 'Jamys Jeheiney', agh chammah's Jamys Kinry ve ayn dy chur ad shen, ta Daniel Quayle ayn dy hebbal ansooryn da ny feyshtyn neesht. Ta Phil Gawne ginsh dooin goo va goll er ghra dy chur cooidjagh ben aeg as dooinney aeg, ny yei nagh vel shen son Laa'l Valentine; ta shin clashtyn drane ny arrane beg cheet er y phoneme / q / 'sy Ghaelg; as ta shin clashtyn beggan mychione Snouter Mac Stoyll 'sy lioar liorish yn aa-oe echey, Brian Mac Stoyll. Ta shin foast fo raad marish Jonathan Harker gys Cashtal Dracula ayns 'Claare ny Gael'.

In 'Shiaght Laa' we hear about prayers in one way or another, and some of them in song. There are nine questions again in 'Jamys Jeheiney', but as well as James Harrison being there to pose those, Daniel Quayle is there to offer answers to the questions as well. Phil Gawne tells us the utterance that was said to put together a young woman and a young man, although this isn't for St Valentine's Day; we hear a rhyme or a little song about the phoneme / q / in the Manx Gaelic; and we hear a little about Snouter Stowell in the book by his great-grandson, Brian Stowell. We're still en route with Jonathan Harker to Castle Dracula in 'Claare ny Gael'. 

Ayns 'Shiaght Laa' ta shin jeeaghyn er jee smoo yn Ellan - agh cre'n aght lhisagh yn ennym echey ve ayns nyn meeal? Ta shin clashtyn Caarjyn Cooidjagh goaill arrane neesht. Ta nuy feyshtyn er-nyn-son reesht choud's ta shin goltaghey Jamys Kinry as 'Jamys Jeheiney' lurg barney mysh y Nollick as y Vlein Noa. Ta Phil Gawne lhaih magh er-nyn-son ayns 'Goll as Gaccan' ass lioar scruit ec Brian Mac Stoyll, as ta drane ny arrane beg elley neesht liorish Aalin Clague as Rob Cain. Ta shin goll marish Jonathan Harker ayns 'Claare ny Gael' choud's t'eh fo raad gys Cashtal Dracula.

In 'Shiaght Laa' we look at the Island's greatest god - but what way ought his name to be in our mouth? We hear Caarjyn Cooidjagh singing as well. There are nine questions for us again as we welcome James Harrison and 'Jamys Jeheiney' after a break round the Christmas and New Year. Phil Gawne reads out for us in 'Goll as Gaccan' from a book written by Brian Stowell, and there's another rhyme or little song as well by Aalin Clague and Rob Cain. We're accompanying Jonathan Harker in 'Claare ny Gael' as he's en route to Castle Dracula.  

Ta meer giare ass 'Shiaght Laa' mychione yn skeeal cochianglt rish dooinney ass yn churragh ayns Jurby, Mylecharaine, as yn arrane jeant ersyn, as ta shoh geiyrt er cooish v'ain 'sy chlaare roish shoh. Ayns 'Claare ny Gael' ta shin jeeaghyn er chied chabdil yn lioar, Dracula, liorish Bram Stoker, as ta Jonathan Harker ayns couch goll y raad choud's ta'n dorraghys cheet stiagh ayn.

There's a short piece from 'Shiaght Laa' about the story associated with a man from the curragh in Jurby, Mylecharaine, and the song made about him, and this follows on from a subject we had in the programme before this. In 'Claare ny Gael' we're looking at the first chapter of the book, Dracula, by Bram Stoker, and Jonathan Harker is in a coach as the darkness comes on.

Ayns 'Shiaght Laa' ta shin clashtyn carr cochianglt rish tradishoon yn 17 Jerrey Geuree, rere yn eaillere noa-emshiragh. Vershoon jeh arrane er Mylecharane eh. Ren W H Gill ymmyd jeh vershoon yn charr shen son arrane ashoonagh Vannin, as fockleyn 'sy Ghaelg jeant ec J J Kneen. Va enn oikoil currit er obbyr Gill myr Arrane Ashoonagh 22 Jerrey Geuree 2003. As ayns 'Claare ny Gael' ta shin clashtyn meer elley y skeeal, Dracula, liorish Bram Stoker.

In 'Shiaght Laa' we hear a tune associated with a tradition of 17 January, by the modern-day calendar. It's a version of Mylecharane. W H Gill used a version of that tune for a Manx national song, with words in Manx by J J Kneen. Official recognition was given to Gill's work as the National Anthem on 22 January 2003. And in 'Claare ny Gael' we hear another extract of the story, Dracula, by Bram Stoker.

Ayns 'Shiaght Laa' ta shin jeeaghyn er ny skibbyltee boghtey: er dean Reiltys Vannin dy chleayney tooilley 'sy traa ry heet, as er arraneyn va ry chlashtyn myr eunysseyrys er-nyn-son ayns ny shenn laghyn. Ta Phil Gawne cheet er fockleyn jeh arrane as er daa vee hoshee ny bleeaney, chammah's er shenn raa creeney cochianglt rish Shenn Laa'l Chibbyrt yn Ushtey, as shen ooilley ayns 'Goll as Gaccan'. Ta shin feddyn magh mychione yn aght ta Jonathan Harker jannoo aarloo dy gholl gys Cashtal Dracula ayns 'Claare ny Gael'.

In 'Shiaght Laa' we're looking at the tourists en masse: at the target of the Manx Government to attract more in time to come, and on songs that were heard as entertainment for them in the old days. Phil Gawne is looking at words of a song and at the first two months of the year, as well as at an old wise saying connected with the Old Style Feast Day of the Water Well (or Epiphany, by the old style calendar), and that's all in 'Goll as Gaccan'. We find out about the way Jonathan Harker prepares to go to Castle Dracula in 'Claare ny Gael'.

Ec toshiaght ny bleeaney ta shin smooinaghtyn er baase Illiam Dhone, as shen cooish y chlaare, 'Shiaght Laa', y cheayrt shoh. Ta Phil Gawne jeeaghyn er shenn chliaghtyn as raaghyn creeney yn imbagh eddyr y Nollick as y Vlein Noa ayns 'Goll as Gaccan'. Ta shin goaill toshiaght er chyndaays jeh lioar ard-ghooagh ayns 'Claare ny Gael', agh foddee dy vel y skeeal er jeet dy ve ny share er enn da ymmodee sleih ayns filmyn. 

At the start of the year we think of the death of Illiam Dhone, and that's the subject of the programme, 'Shiaght Laa', this time. Phil Gawne looks at old customs and sayings of the season between Christmas and the New Year in 'Goll as Gaccan'. We make a start on a translation of a famous book in 'Claare ny Gael', but perhaps the story has come to be better-known to many people in films.

Shiaghtin ghiare 'sy Ghaelg reesht, agh ta reayn dy skeealyn giarey ain ayns 'Claare ny Gael'. Hoshiaght, chyndaays 'sy Ghaelg lesh yn ennym Yn Faaishnys er y Gheay jeh skeeal ghiare liorish Anthony Dezenzio. Eisht ta three meeryn dy oor-skeealyn falleayssagh - daa skeeal feer ghiare as fer eer ny s'girrey. Ta shin clashtyn neesht John Tom Kaighin ass Ballagarrett ayns Skylley Vreeshey as yn aght yindyssagh t'eh ginsh yn skeeal mychione yn saggyrt as y vuc.

A short week in Manx again, but we have a range of short stories in 'Claare ny Gael'. First, a translation into Manx with the title Yn Faaishnys er y Gheay of a short story by Anthony Dezenzio. Then there are three pieces of flash fiction - two very short stories and one even shorter. We also hear John Tom Kaighen of Ballagarrett in Kirk Bride and the wonderful way he tells the story of the parson and the pig.

Shiaghtin ghiare myr v'ee 'sy Ghaelg, ayns firrinys, agh ta caa dooin clashtyn skeeal scaanjoon va ry chlashtyn ayns 'Claare ny Gael', as ta shin clashtyn neesht Bannag ny Nollick, as Juan y Geill aa-loayrt shen er-nyn-son.

It was a short week in Manx, in truth, but we have the opportunity to hear a ghost story that was heard in 'Claare ny Gael', and we hear the Christmas Rhyme, as Jack Gell recites that for us.

Ayns 'Jamys Jeheiney' ta Jamys Kinry cur three questionyn orrin mychione cooishyn quaagh t'ayns ny naightyn, eisht three mychione enmyn buill - feer ny foalsey - as fy yerrey ta three coraaghyn ry chlashtyn, orroo dy chur enn. Ta shin clashtyn carval ayns 'Goll as Gaccan', chammah's shenn raaghyn creeney as eisht bannaghtyn cochianglt rish yn imbagh shoh, as ta shin clashtyn Phil Gawne, Christy DeHaven, Howard Caine as Simon Clarke 'sy chlaare. Ayns 'Claare ny Gael' ta shin cur kione er skeeal ghiare mychione Toyrtys Nollick ayns chyndaays 'sy Ghaelg jeh'n skeeal scruit hoshiaght 'sy Ghaelg ec yn ughtar ard-ghooagh, Richmal Crompton.

In 'Jamys Jeheiney' James Harrison asks us three questions about strange topics that are in the news, then three about placenames - true or false - and finally three voices are heard to recognize. We hear a carval (Manx carol) in 'Goll as Gaccan', as well as old saws or sayings and then greetings associated with this season, and we hear Phil Gawne, Christy DeHaven, Howard Caine and Simon Clarke in the programme. In 'Claare ny Gael' we finish of a short story about A Christmas Present in a translation into the Manx Gaelic of a story written originally in English by the celebrated author, Richmal Crompton.