Tá sé tugtha le fios ag Uachtarán na Stáit Aontaithe Donald Trump go mbeidh sé ag fógairt táillí trádála nua as seo go ceann roinnt laethanta ar an earnáil cógasaíochta agus ar tháirgí leictreonacha.

Tá ós cionn 30 teaghlach taréis iarratas a chuir isteach i mbliana ar scéim tithíochta atá dá thairiscint ar oileán Chléire, i gCo Chorcaigh. Labhair Aoife Ní Shúilleabháin le Ruairí Ó Donnabháin, Oifigeach Pleanála Teangan Chléire, faoin bhfeachtas atá á rith acu le mí anuas chun teaghlaigh nua a mhealladh dtí Cléire.

Dúirt Oifigeach Gaeilge ar Bhord Chumann Lúthchleas Gael na Gaillimhe, Cormac Ó Conaire, go mbreathnaíonn sé go bhfuil an comhlacht ar leob an aip ‘What’s the Score’ ceannaithe ag dream éigin eile, agus go bhféadfadh go dtógfadh sé cúpla seachtain orthu an aip a fháil ar ais ar líne arís.

Beidh an Taoiseach i measc na gcainteoirí inniu ag comóradh an Stát ar bhreith Dhónaill Uí Chonaill dhá chéad go leith bliain agus an lá inniu i gCathair Dhónaill i gCiarraí.

Tá sé rí-thábhachtach na deacrachtaí uisce atá i gceantar Bardais na nGleanntach a phlé le hUisce Éireann chomh luath agus is féidir, a deir an Comhairleoir Condae Denis Mac Aoidh.

Tá an Teachta Farrell ag iarraidh  go méadófaí líon na gcúrsaí leighis atá ar fáil tríd an CAO, le go mbeidh dóthain dochtúir agus altraí ar fáil le freastal ar an éileamh atá sna hospidéil.

Máirín Ní Ghadhra.

Gearóidín Nic an Iomaire.

Clár nuachta agus cúrsaí reatha.

Tá imní léirithe ag cumainn éagsúla feirmeoirí go bhfuil ciorrú á dhéanamh ar an maoiniú atá á chur ar fáil do scéimeanna agus do dhlíthe timpeallachta nua agus gurb iad na feirmeoirí a bheidh as póca leis na beartais nua seo.