Príomhscéalta Náisiúnta & Idirnáisiúnta: Marion Ní Shúilleabháín Príomhscéalta an Tuaiscirt: Maighréad Uí Annluain Príomhscéalta an Iarthair: Séamus Ó Scanláin Príomhscéalta an Deiscirt: Róisín Ní Chéilleachair.

Sa mBreatain, táthar ag tuairisciú go bhfuil ós cionn 600,000 duine cláraithe leis an bpáirtí nua ar an eite chlé atá dá chur le chéile ag na Feisirí Parlaiminte Jeremy Corbyn agus Zarah Sultana.

Deir Uachtarán Shinn Féin Mary Lou McDonald nach gcreideann sí go ndéanfadh iarrthóir óna páirtí aon dochar d’fheachtas Uachtaránachta Catherine Connolly. Deir sí go bhfuil baill a páirtí fós ag déanamh a gcuid críonnachta faoi iarrthóir a chur san iomaíocht.

Tá cruinniú speisialta de Chomhairle Slándála na Náisiúin Aontaithe le reáchtáil inniu faoi chás an Mheán Oirthir agus go háírithe gialla as Iosrael atá faoi choinneáil ag Hamas.

Tá sé tugtha le fios ag Aire Infreastruchtúir Stormont Liz Kimmins go mbeidh sí ag déanamh achomharc in aghaidh an chinneadh Ard Chúirte a chuir cosc ar fhorbairt bhóthar an A5 mar dhébhealach i gChontaethe Thir Eoghain agus Dhoire.

Deir an Comhairleor Mac Giolla Easpaig go bhfuil scoileanna i mbaol a ndúnta in áiteacha iargúlta i gceantar Bardais na nGleanntach, mar gheall ar easpa daltaí, ceal tithíochta.

Máirín Ní Ghadhra.

Tá iarratas déanta ag ós cionn céad abhcóide sa bhFrainc ar an gCúirt Choiriúil idirnáisiúnta le iniúchadh a dhéanamh ar pholaiteoirí Francacha as a bheith comhpháirteach i gcoireanna in aghaidh na daonnachta, coireanna cogaidh agus cinedhíothú i Gaza.

Gearóidín Nic an Iomaire.

Idir an éiginnteacht sna margaí agus an easpa fáis sna figiúirí fostaíochta sna Stáit Aontaithe is díol iontais chomh maith agus atá geilleagar Mheiriceá ag déanamh, ach cén fad eile a leanfaidh an buaineadas?