Hann er kendur sum eitt nú trummusláari, sangari og sangskrivari í Dynamitt, eigur hugskotið til Trøllapætur, Sjómannadagin, Kópakonuna, Heystfagnaðin á Eiði, og Karlo og Ludda. Og hann hevur eisini greitt frá prísinum, ið tú kanst rinda, hevur tú ov nógv jørn í eldunum.

Fyri einum ári síðani skrivaði Niclas Heri sangin, sum hann sigur vera hin besta, ið hann hevur skrivað. Hann fekk Hans Poulsen at framleiða, góðar føroyskar tónleikarar at spæla, og amerikanska sangaran Walker Wreeland at syngja.