Ala xa toñŋaa meŋ fo nn yeŋ dundunkaralaŋo la kuwo to Tawureta xono la, a niŋ Ala xa meŋ fo saloo ma.

Ala xa meŋ fo moxoo daa ñaa lee ma--a xa moxoo niŋ suboo talaa ñaa meŋna la.

Ala xa duniyaa xarifa Haadama diŋo lee ma, xo a xa kutigiyaa a kuŋ na.

Ala xa nn bembaa Haadama daa ñaa meŋ. Na a lee mu kee folo foloo ti.

Ala soxota nn maamaa ke, Haadama foloo lee daa la. Woo xoo la, a xa nn maamaa musoo daa; na a lee mu Hawa ti. Ilaŋ nn xa a mee, Ala xa meŋ fo Hawa daa ñaa la.

Moxoolu biisoo, xo Ala xa saayaa foloo lee daa.  Woo xumoo woo silaŋ, woo beŋta Kitaaboo ma ba?  I sa a tara naa, Ala xa duniyaa daa ñaa meŋna folo foloo to a niŋ bii tee, yelemoo duŋta.  Karaŋo niŋ nee to, i ba a je la, Ala xa duniyaa daa beŋo meŋ xaŋ a niŋ a xa suboo, xonoo a niŋ moxoo daa ñiniŋ feŋ meŋnu ma.

Moxoo doolu biisoo, xo xoŋxoo xa nn bembaalu bula Ala soosoo la.  Bari, toŋñaa lee mu woo ti ba? Xoŋxoo xa nn bembaalu muta ba?  Awa. Doolu xoo, xo Ala xa saayaa foloo lee daa.  Woo duŋ, woo mu toŋñaa ti ba?  I sa a tara naa, Ala xa nn bemba Haadama niŋ nn bemba Hawa bula saradiñee meŋ to, i sa a fo woo lee ma, xo Edeŋ.  Dulaa ñimmaa baa lee tuŋ mu.  Karaŋo niŋ nee to, nn ba a je la, Ala xa meŋ fo nn yeŋ niŋ kuwo niŋnu to Tawureta xono la.

Ala xa nn maamaalu bula saradiñee meŋ xono, a tuŋ be diiyaaliŋ nee, fo xa fuuma.  Woo saradiŋ teemoo to, a xa yiri fula ke je.  Kiliŋo, nn sa a fo woo lee ma, xo siy soto yiroo.  Nn na karaŋo niŋ nee to, nn be yiri woo la kuwo tofo la.

Ala xa saradiŋ ñimmaa baa lee daa, xa a lafaa yiroolu niŋ domolifeŋolu la, xa nn maamaalu fanaŋnu bula a xono. Saradiŋ teemoo to, Ala xa yiri fula ke jee, meŋ niŋ yiri toolu te kiliŋ ti. Yiri kiliŋo, na a lee mu siy soto yiroo ti, a xa woo lee dii nn bembaalu ma, xo, ii xa a domo lee.  Bari, yiri kiliŋo doŋ, a xa woo latoŋ ii ma.  A xa meŋ fo yiri latondiŋo woo ma, i be woo lamee la karaŋo niŋ nee to.

Tili woroo xono la, Ala xa duniyaa daa, xa a baŋ.  Tili worowulanjano, a kuraata daaloo la. Muŋ be xoo silaŋ? Nn be woo lee tofo la dondiŋ.