Ala Mahly

حلقة عن نوع مختلف من الحزن.

الحزن على شخص كان وجوده مرهق أو ضاغط نفسيًا

ليه ممكن ما نحسّش باشتياق واضح؟

ليه المشاعر تتجمّد؟

وليه تيجي فجأة عند لحظة الدفن؟

حلقة نفسية هادئة عن الفقد المعقّد… بدون أحكام

Hosted on Acast. See acast.com/privacy for more information.

هل عمرك حسيت إن جواك كلام كتير، بس لما تيجي اللحظة، صوتك يختفي؟

الحلقة دي هتوريك إن الصوت الداخلي العالي مش ضعف، وإن السكوت أحيانًا أمان

أهم حاجة: تعرف/ي إن عندك صوت، وتاخد/ي مساحة للتعبير عن نفسك، حتى لو بهدوء

لحظة تواجدك وحضورك أحيانًا أهم من أي صراخ أو صوت عالي

Hosted on Acast. See acast.com/privacy for more information.

حلقة مكملة عن الفتور في العلاقات الزوجية

إمتى يكون الفتور مرحلة طبيعية؟

وإمتى يكون علامة إن العلاقة انتهت نفسيًا؟

: تحليل هادئ عن

الانطفاء العاطفي -

الفرق بين الاختلاف وعدم التوافق -

متى نحاول -

ومتى نتوقف -

حلقة صادقة… بدون تطرف

Hosted on Acast. See acast.com/privacy for more information.

ليه علاقات بدأت بحب حقيقي تدخل في فتور بدون خيانة أو مشاكل كبيرة؟

: حلقة تحليلية إنسانية عن

بدايات ناقصة -

تغير الأولويات -

لغات الحب -

ضغط الحياة -

وإزاي نحافظ على العلاقة قبل ما تبرد -

لو شايفين إن الفتور مش نهاية

اكتبوا رأيكم

Hosted on Acast. See acast.com/privacy for more information.

ليه أحيانًا بنخاف نستمتع باللحظة؟

ليه وإحنا قاعدين مع ولادنا

أو خارجين فسحة

أو حتى بناكل لقمة حلوة

نلاقي عقلنا سبقنا لبكرة؟

في الحلقة دي بنتكلم بصراحة عن الإحساس اللي كتير من الأمهات بيعيشوه

الربط بين الفرح… والذنب

بين الراحة… والمسؤولية

بين اللحظة… والخوف من اللي بعدها

بنفهم سوا يعني إيه “القلق الاستباقي”

وليه العقل بيفضل في وضع استعداد دايم

وإزاي أحيانًا الخوف من الفقد بيخلينا نخفف فرحتنا بنفسنا

الحلقة دي طبطبة

وفهم نفسي

ودعوة بسيطة إننا نرجع للحظة

حتى لو لدقائق

مش مطلوب نكون مثاليين

مطلوب نكون حاضرين

Hosted on Acast. See acast.com/privacy for more information.

في لحظات في حياتنا ما بنكَبَّرش فيها سنة

بنكبر سنين مرة واحدة

حدث واحد ،فقد، مسؤولية، صدمة، أو إدراك مفاجئ

ممكن يغيّر شكل المرحلة كلها

ويخلّي الإحساس بالأمان يختلف

في الحلقة دي بنتكلم عن النضج القسري

لما نتحمل فوق مرحلتنا

ولما نبقى أقوى من المفروض

لكن يفضل جوانا جزء صغير محتاج يتشاف ويتفهم

ليه اللي بيكبر فجأة بيتعود يعتمد على نفسه زيادة؟

وليه القوة أحيانًا بتخبي احتياج قديم؟

وإزاي نتصالح مع الأجزاء اللي اضطرت تكبر بدري؟

الحلقة دي مساحة هادئة للتأمل

ولفهم نفسنا من غير قسوة

وللسماح بالنمو… بس المرة دي بهدوء

لو الموضوع لمسكم

اكتبوا في التعليقات

“كبرنا فجأة… بس هنكمل بهدوء.”

Hosted on Acast. See acast.com/privacy for more information.

في الحلقة دي بحكي عن الطفلة اللي لسه جوايا

عن النستالجيا… وعن فقدان الأمان

وعن مفهوم العمر العاطفي من منظور نفسي وإنساني

ليه أحيانًا نحس إن جزء مننا واقف في زمن تاني؟

وليه فقدان أشخاص كانوا رمز للحنية ممكن يغيّر نظرتنا للعالم كله؟

من خلال تجربتي الشخصية، ودراستي الطبية والنفسية

بشارككم فهم أعمق لفكرة الطفل الداخلي

وإزاي نكبر من غير ما نفقد الطيبة اللي اتربينا عليها

دي مش مجرد حلقة حنين

دي بداية وعي

لو حسيتم إن في جزء منكم لسه هناك

الحلقة دي ليكم 🤍

Hosted on Acast. See acast.com/privacy for more information.

في الحلقة دي مش هنتكلم بسرعة…

ولا هنحاول نبهر حد

دي قعدة

قعدة دافية فيها طبطبة، وصدق، وكلام طالع من القلب

بتكلم فيها كبنت، وزوجة، وأم، وأخت، وصديقة…

عن العجز اللي بنحسه أحيانًا

عن الطيبة اللي مش ضعف

وعن رغبتنا إننا نسيب أثر نظيف حتى لو صغير

لو محتاجين مساحة أمان

أو صوت يطبطب من غير ما يحكم

أهلًا بيكم هنا 🤍

اكتبولي في التعليقات

أكتر دور بتحسوه إنه بيستنزفكم… بنت؟ زوجة؟ أم؟ صديقة؟

Hosted on Acast. See acast.com/privacy for more information.