In nov disc da la Brass Band Fröschl Hall. La Brass Band dal Tirol vegn dirigida da Corsin Tuor. En l'instrumentala dad oz preschentain nus a Vus quest album cun il titel «Alleluia! Laudamus Te», in disc cun musica festiva per il temp da Nadal. Musica da la renaschientscha, dal temp baroc ma era musica romantica e natiralmain era intginas enconuschentas chanzuns da Nadal na dastgan betg mancar. E cun in zic cletg pudais Vus schizunt gudagnar quest bel disc da Nadal. Bun divertiment e buna fortuna!