Ásmundur Einar Daðasson mennta og barnamálaráðherra brennur fyrir málefnum barna og velferð þeirra. Hann hefur sjálfur upplifað erfið uppvaxtarár og áföll í æsku. Hans framtíðarsýn á kerfinu hér á landi er sú að kerfið grípi börnin fyrr þannig að allir aðilar sem koma að barninu vinni saman að því markmiði að styðja við barnið og fjölskyldur þeirra. Þrepakerfið er nýtt kerfi og enn í þróun. Þrepakerfið á að grípa barn og fjölskyldur áður en vandinn verður mikill og gefa barninu þann stuðning og þjónustu sem þarf. Í þættinum ræðum við m.a. um þrepakerfið, ættleiðingar, áföll og skólakerfið.

Helga Pálmadóttir og maðurinn hennar ættleiddu strákinn sinn frá Tékklandi í miðju Covid árið 2020 og var hann þá 3 ára gamall. Helga segir frá því þegar hún kynntist manninum sínum sem átti þá von á barni og varð hún þannig skyndilega móðir lítillar stúlku. hún talar um ferðalagið úti, heimkomuna, systkynakærleikinn og margt, margt fleira.Helga er hjúkrunarfræðingur og lýðheilsufræðingur og með master í stjórnun og stefnumótun hún vinnur núna sem hjúkrunar deildarstjóri á reykjalundi.

Hulda Sólrún Guðmundsdóttir hefur farið tvisvar til Tékklands að ættleiða börnin sín. Hulda segir frá sögunni þeirra í svo mikilli einlægni. Strákinn eignaðist hún þegar hann var ný orðinn fjögurra ára gamall og stelpuna eignaðist hún stuttu seinna og var hún 3 ára gömul. Hún segir frá foreldrahlutverkinu eins og það er án allrar glansmyndar. Hún talar um muninn á barnaheimilunum, aðbúnaðinum þar og margt margt fleiraHulda er algert ofurkvendi hún er sálfræðingur með gráðu í klínískri barnasálfræði og hún er Sérfræðingur í uppeldis-sálfræði. Hún starfar sem deildarstjóri barna og fjölskyldumála hjá Austurmiðstöð í Reykjavík.Hulda er skáti, hún er móðir og algjör viskubrunnur.

Halldóra Lind Guðlaugsdóttir og maðurinn hennar eiga fjóra stráka, en barneignarferlið þeirra hefur verið ansi skrautlegt og sagan þeirra er vægast sagt mögnuð.Þau hófu ættleiðingarferlið og voru á biðlista úti í Tékklandi, en innsæið hennar Halldóru vísaði veginn í aðra átt. Þau fóru fósturfjölskyldu leiðina og fengu fyrsta strákin sinn í hendurnar þegar hann var 5 mánaða, nokkrum árum síðar fengu þau símtal um tveggja ára tvíburra stráka og í lokinn fóru þau til spánar í síðustu glasameðferðina og eignuðust þau fjórða strákin sinn.Halldóra er kennari í Garðaskóla, hún er líka hundaþjálfari og hundaatferlisfræðingur og auðvitað móðir fjögurra líflegra stráka.

Ragnheiður Lára Guðrúnardóttir er félagsráðgjafi og starfar sem teymisstjóri í ráðgjafar og meðferðarteymi á geðheilsumiðstöð barna, ásamt því að vera ráðgjafi og eigandi Tveggja heimila. Ragnheiður er reynslubolti í faginu að starfa með börnum og fjölskyldum þeirra, hún hefur mikinn áhuga á tengslum og tengslahegðun. Hún gjörsamlega brennur fyrir réttindum barna og velferð þeirra. Ragnheiður er móðir þriggja barna, hún elskar yoga, hugleiðslur og sjálfsrækt, hún er góðhjörtuð gleðisprengja sem elskar lífið og hún elskar allt fólkhttps://tvoheimili.is/

Anna Sigrún Jóhönnudóttir og maðurinn hennar ættleiddu tvíburra frá Tékklandi árið 2017 þegar þau voru 20 mánaða gömul. Hún segir frá ferðalaginu til Tékklands, sjokkinu með símtalið um tvíburra, öðru sjokki með óvæntri óléttu nokkrum árum síðar. hún talar um heilsufar missi vegna álags og hvernig heilsan hrundi eftir að hafa farið áfram á hnefanum og hundsað viðvörunarmerkin. Hún segir frá því hvernig hugrakka stelpan þeirra kom út sem trans og hvernig þau tókust á við það í sameiningu. Anna Sigrún og maðurinn hennar eiga núna þrjár yndislegar stelpur sem eru að blómstra og lifa lífinu á Reyðarfirði

Unnur Björk Arnfjörð og maðurinn hennar ættleiddu þrjá bræður frá Tékklandi, þeir voru þá orðnir 2, 3,5 og 5 ára gamlir á barnaheimilinu Most. Aðlögunin tók tíma og bjuggu þau nýbakaða fjölskyldan saman á barnaheimilinu í 16 daga og hafa þau hjónin því mjög mikla innsýn inn í þennan erfiða veruleika sem ættleiddu börnin okkar koma frá. Ferðalagið þeirra var ansi skrautlegt og þurftu þau m.a. Að búa úti í Tékklandi í 6 mánuði áður en þau fluttu til Ísafjarðar og aðlöguðust lífinu þar sem fjölskylda. Unnur fer með okkur í allan tilfinningarússíbanann frá byrjun til enda og þetta er engin smá saga sem þau eiga!Unnur er kennari, Tómstunda og félagsmálafræðingur og líðheilsufræðingur og móðir þriggja dásamlegra drengja. Unnur er gullmoli sem talar um hlutina eins og þeir eru og er alveg ótrúlega einlæg, opin og fáranlega skemmtileg!

Ása Nishanthi Magnúsdóttir er ættleidd frá sri lanka og var eins mánaða gömul þegar hún kom til landsins. Hún hefur farið í leitina að upprunanum en leitin bar því miður engann árangur. Nú er komið í ljós að ættleiðingarskjölin hennar eru fölsuð og engin leið fyrir hana að vita um uppruna sinn. Ása hefur gegnið í gegnum mikil áföll á sinni lífsleið, hún segir frá lífi sínu og öllum áskorunum.Ása er móðir og háskólanemi í leikskólafræðum.

Svandís Sigurðardóttir og maðurinn hennar Jóhann Már Andersen fóru til Tékklands í miðju Covid að sækja strákinn sinn sem var þá hjá fósturfjölskyldu. Hún segir frá þeirra ættleiðingar sögu og það var virkilega áhugavert að heyra hvernig aðlögun fer fram þegar maður ættleiðir frá fósturfjölskyldu, en það er verið að reyna að innleiða þessa aðferð hjá tékklandi í dag og langtíma stefnan er að afnema barnaheimilin. Hún segir frá í mikilli einlægni frá móðurhlutverkinu, áskorunum sem foreldrar ættleiddra barna eru að takast á við og margt margt fleira.Svandís og Jóhann þurftu að bíða frekar lengi eftir að vera pöruð við barn og nýtti hún tímann við að mennta sig í sálfræði. En eins og alltaf kemur símtalið eins og þruma úr heiðskýru lofti og þá fer allt af stað!Svandís er Málastjóri hjá geðheilsuteymi HSU og Og ráðgjafi í sálfræðiþjónustu barna Hún er í stjórn íslenskrar ættleiðingar.