Kimjazacho mtu, ndicho kimtokacho.

Ndani yako kumejaa nini!?

Upendo, amani, haki, upole, hekima, wema!? Au kumejaa chuki, Hasira, ugomvi, husuda!

Jaza kwa wingi neno ndani Yako na litaonekana na kuthibitika kwenye kila jambo linahusu maisha Yako.

Unaweza kuliamini neno la Mungu kukujenga na kuzalisha ndani kile linachosema.

Neno ni mwongozo, Neno ni Nuru, Neno ni suluhisho.

Litumaini neno na litakupatia urithi katikati ya watakatifu!

Hakuna baraka unayotaka ambayo haipo ndani. Kama upo ndani ya Kristo, elewa kwamba umebarikiwa kwa Baraka zote za rohoni.

Wewe ni kifurushi cha baraka ni kinachodhihirika kila Mahali.

Neno la Mungu ni kioo, kinachoweza kubadili muonekano wako, Roho, nafsi na mwili. Kila unapojitizama katika hichi Kuna badiliko linatokea kutoka utukufu hadi utukufu, Imani hadi Imani! Tafakari neno la Mungu kila siku uone badiliko lake maishani Mwako.

Tembea kwenye afya njema kila siku kwa kufanya ukiri wa AFYA ya KIUNGU kila mara.

Je unajua kwamba kama umezaliwa ya pili basi wewe ni kiungo katika mwili wa Kristo na mshirika wa tabia za kiungu na wa-urithi wa watakatifu katika nuru.

Hebu gundua kweli hizo leo hii na utembee kwenye hatma yako ndani yake.

Kila unachotaka umepewa ndani ya Kristo, kama haki, afya njema, uzima wa milele, ubora, mafanikio, ustawi, ulinzi, mamlaka, amani, na mengine mengi.

Gundua Kweli hii na Anza kutembea katika uhalisia wake.

Amini neno la Mungu, lifanyie kazi Hilo neno! Tenda kama neno linavyosema hata kama hisia zako hazikuchochei kufanya hivyo.

Afya njema ni haki Yako, idai, isisitize mpaka iwe ni uhalisi wako.

Je, unafikiri kuna baraka zimezuiliwa dhidi Yako!? Au unafikiri kuna aina za Baraka ambazo Bwana hajakubariki nazo bado!?

Au ni baraka Gani ambayo ungependa kumwomba Bwana akubariki nayo leo!?

Jina la Yesu ni tiketi ya Kupokea kila Baraka! Litumie vizuri kuanzia siku ya leo.

Jifunze namna ya kutumia neno la Mungu kama Silaha. Uzima na Mauti vipo kwenye nguvu ya Kinywa. Neno ni upanga mkali ukatao pande mbili.

Neno linauwezo wa kuangusha Ngome na kutiisha kila fikra kinzani na injili ya Kristo.

Tumia Silaha hiyo kutunza mwili wako na afya Yako kupitia ukiri wa AFYA ya KIUNGU.