Betg mo l'anniversari dad 80 onns han els communabel, na els èn vegnids stgatschads da lur patria pervia da la guerra ed uschia è lur nov dachasa la Germania.

Michael Holm è naschi ils 29 da fanadur 1943 a Stettin en Pologna. Il chantadur, cumponist, musicist e producent è gia dapi passa 60 onns sin tribuna. Per ses 80avel anniversari ha el edì l'album «Holm 80». In disc cun ses pli gronds hits – per lemprima gia en duet - e dasperas anc intginas versiuns novas da ses hits.

Lena Valaitis è naschida ils 7 da settember 1943 a Memel en Lituania. Sia carriera musicala ha cumenzà l'onn 1981 cun la chanzun Johnny Blue. Ella ha cuntanschì la segunda plazza a l'ESC, e quai per la Germania. Enfin ils onns 1993 ha ella gì ina massa hits alura è ella sa retratga or da la scena da musica. L'onn 2001 ha Lena Valaitis alura dà il comeback. Ella ha edì anc in pèr discs e singles cun detg pulit success. L'onn 2020 è ella alura definitivamain ida en la meritada pensiun.