Ipar hemisferioan gaztain garaian gaudela eta Israelen, berriz, genozidio garaian daudela aprobetxatuz, biak lotzen dituen istorioa idatzi du berriki Nagore Irazustabarrenak ARGIA astekarian eta horretaz aritu da gaurko saioan.

Bertsoa alboratzeko konpromisoa hartu dute aurkezleek, baina lehenbiziko gonbidatua Jon Maia Soria da. Umoretik, erosotasunean eta konfiantzan, ezohiko elkarrizketa (elkarrizketa deitu ahal bazaio) egingo diogu. Sorpresarako, saio bakoitzari kolaboratzaile batek jarriko dizkio pintzelkadak.

 Ostegun honetan, hilaren 30ean, greba feminista orokorra egingo da hego Euskal Herrian izango da. Aitzakia horrekin, emakumeek egindako lehen greba ekarriko dugu gogora. Hobe esanda, emakumeek “bakarrik” egindako greba, gizonekin batera askoz lehenago egin baitzuten. 

 Menda Bikoitza podcastaren hirugarren saioan sendabelarren gaitasunei eta inteligentziari buruz aritu da Garbiñe Larrea, izen bereko Stefano Mancusoren liburua oinarri hartuta. Asteko sendabelarraren txokora, berriz, plantainak ekarri ditu, eta saioa amaitzeko hilerokoaren gaiari heldu dio eta emakumearen osasun hormonala zaintzeko infusio eta tintura bat gomendatu dizkigu.
 
 Podcast honen sintoniarako Ianire Aranzabe eta Oriol Floresen Inork Entzuten Ez Gaituenean abestia erabili dugu eta saioan zehar Rö taldearen melodiek laguntzen diete Garbiñe Larrearen hitzei. 

Aurten 60 urte bete dira Hannah Arendtek Eichmann Jerusalemen liburua kaleratu zuenetik. Urte bat gehiago pasatu da Adolf Eichmann funtzionario nazia, Holokaustoaren "arduradun logistikoa", Israelen urkatu zutenetik. Eichmannen epaiketaren jarraipen periodistiko-filosofikoa egin zuen Arendtek New Yorker aldizkariarentzat, eta kronika horiek bildu eta beste hainbat apunte berreskuratuta argitaratu zuen liburua. Polemika piztu zuen: Eichmannen erruduntasuna ukatzen ez bazuen ere, gizon arrunt eta inkontziente gisa deskribatu zuen Arendtek, hain obedientea zena aginduekiko, ongia ala gaizkia egiteak ez zuela batere axola. Eichmann deskribatzeko, filosofiaren ikasgaietan hain ezaguna den terminoa sortu zuen Arendtek: gaizkiaren hutsaltasuna.

Liburua euskaraz irakurtzeko aukera bagenuen lehendik ere, baina Katakrak argitaletxeak, urteurrenaren aitzakia hartuta, itzulpena egokituta berrargitaratu du.

Gaizkiaren hutsaltasuna gisako kontzeptuak, obedientzia eta desobedientziaren antzera, gaur egunean nola erreproduzitzen diren aztertzeko ahalegina egin du Gorka Peñagarikano kazetariak filosofo eta politologoen arteko mahai inguruan eta bertako gako nagusiak azaldu ditu podcast honetan. 

Podcast honetan gizonezkoak egurtzeko joera daukagu eta iruditu zaigu, aniztasunaren izenean, hori aldatzea. Eta zer, gizonezkoak goraipatuko ditugu? Aukeran nahiago dugu emakume batzuk egurtzea eta hori egingo dugu.

Saioari hasiera emateko sorginen ukenduaz hitz egin digu aste honetan Garbiñe Larreak, hegan egiteko ukendua ere deitua. Baina Durangoko Azoka hurbiltzen ari den honetan, literaturari leku egin eta Miren Agur Meabe idazlearekin ere egon da, bere azken liburuko protagonista den Martija de Jauregi emaginaz hizketan. Amaitzeko, sasoi honetan ezinbestekoak diren arnasbideetarako infusioak gomendatu dizkigu eta hiru sendabelarrez osatutako hiru nahasketa egiten irakatsi digu.

Podcast honen sintoniarako Ianire Aranzabe eta Oriol Floresen Inork Entzuten Ez Gaituenean abestia erabili dugu eta saioan zehar Rö taldearen melodiek laguntzen diete Garbiñe Larrearen hitzei.

 Komunikazio ez bortitza praktikatzen saiatu gara gaurko saioan. Bide horretan, Jon Maiari eskaini dizkiogu lehen minutuak, Bilboko oldarraldiari beste apur bat, ETAri zeharkako aipamenak egin dizkiogu, nazi batekin izandako elkarrizketa kontatu du Axik eta ezker abertzaleari defentsa sutsua egin dio Kevinek. Eta nola ez, samurtasuna praktikatzen ibili dela ere kontatu digu. 

Delorean izena entzunda, batzuei Zarauzko musika taldea etorriko zaie, baina gehienontzat Back to the Future (Etorkizunera Itzulera) film sagarekin lotuta dago. Marty McFlyk Delorean markako autoa erabiltzen baitzuen denboran aurrera eta atzera bidaiatzeko. Horrek IRArekin zer lotura duen? Saioa entzunda jakingo duzue.

 Musika klasikoa entzuten ez duenak ere ondotxo daki Mozart nor zen; baina ba al zenekiten talentu askoko Mozart bat baino gehiago egon direla, nahiz eta bakarrak jaso duen aitortza, gizona zenak, hain zuzen, besteak emakumea eta beltza baitziren.
 
 Esan bezala, gaurko saioan musika klasikoa izan da protagonista gure abestietan ere, baina tartean, Joxepa Antoni Aranbarri 'Xenpelarren' bertso batzuk ere ekarri ditugu, Hitzetik Hortzera saioan Maddalen Arzallusek abestuta, Gari Otamendi eta Joxan Goikoetxearen musikarekin.