Il plevon William Booth ha fundà l'armada dal salit l'onn 1865 a Londra. Cura ch'el ha decidì che mintgina da sias baselgias duai posseder in'atgna brass band na sminava anc nagin, tge influenza che quai vegnia ad avair sin la cultura da musica da sturs. Oz san ins che l'influenza è stada enorma. Quai cunzunt perquai che l'armada dal salit ha sco emprima organisaziun insumma promovì e scolà musicists. Il resultat: blers buns musicists ma era cumponists han marcà la scena enfin oz. En l'Instrumentala dad oz pudais Vus sa persvader da las abilitads dals musicists che vegnan ord las retschas da l'armada dal salit.