L'Eurovision Song Contest, ina da las pli grondas concurrenzas da musica internaziunalas ha lieu questa fin d'emna a Rotterdam.

L'instrumentala dad oz è pronta cun hits e semperverds che derasan atmosfera dad ESC. Nus tadlain hits sco «Amar pelos dois», «Heroes», «Fairytale» e semperverds sco «Puppet on A String», «Swiss Lady» e natiralmain era la chanzun «Viver senza tei» dals Furbaz, ils participants da l'onn 1989. Interpretadas na vegnan questas chanzuns dentant betg da Salvador Sobral, da Pepe Lienhard u da Sandie Shaw, mabain dad enconuschentas furmaziuns da brass ed armonia.